มัทธิว 5:10 - ลีเทส่อพ๊าอาเซ เร๊อ เห่ขุทวาลู๊

¹⁰ แกแย เด๊อ อู เมจาเมจือ ลู เด๊อ อาจ๊ออาเต อาขว่าอาคยา, เต๊เห่เนอ, อา พย๊าหนิ เด๊อะบุ๊ยเด๊อะเตอเรอ. เมเตเฮ๊เรอ เด๊อ ม๊อขุ อาเทออาเก่กู เนอหม่า แกแย ฮู๊เนอ เต๊เห่ อาเต เฮ๊อ.

Eastern Kayah Shadaw Dialect

¹⁰ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢꤨ꤭ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤗꤢꤪꤋꤢꤨ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ ꤟꤣꤧ꤯

มัทธิว 5:10 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

มัทธิว 5:3

“แกแย เด๊อ อา ซิเลแถ่ หนิ ตื๊อแพ๊ จอแปแหร่ เด๊อ เตล๋อ ปลี เออ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ ม๊อขุ เทอเลเก่กู เนอหม่า แกแย ฮู๊เนอ เต๊เห่ อาเต เฮ๊อ.

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

ทิโมธี เนอบ่า ต๊าบ่า 2:12

เป เก่ แด่ทูซิปล่อ เต เฮ๊เรอ, เป เก่ เป๊อ เต่อเกอ เต เน๊อ อา ปา. เป เก่ เท๊แก อา เร๊อ อา เก่ เท๊แกเกอ เป ปา.

ꤜꤢꤨꤊꤢ꤬ 21:12

“หม่าแน๊เรอ เบ๊อะเตเออเต๊เห่ ทวาแถ่ แต่ล๋ายโต่ เบ๊อะเนอ, เด๊อ แวมุย อาขว่าอาคยาเร๊อ, อู เก่ ปื่อ ซี อู เก่ เมจาเมจือ ซี ปา. อู เก่ ซูจว๊า ซี เด๊อ เตจ๊อเบโฮกู ปา เร๊อ อู เก่ เจแม๊ ซี ปา, อู เก่ ด๊อตา ซี เด๊อ ทอกู ปา. โทเรอ อู เก่ ซูจว๊า ซี เด๊อ คุ๊ย เร๊อ จ๊อแผ่ เต๊เห่ อา เป๊เส่เง ปา.

ꤛꤥ꤭ꤟꤢ꤬ 15:20

ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

ꤗꤢ꤬ꤊꤢꤨ 10:30

อา โอ่เซอเพร เออตือทือเรอ, อา เก่ พย๊าหนิ เอ๊แถ่ เล๊อโป่อาเลอ อาหี่, อาโป่อาแหม่, อาโหมะอาเพ, อาพู๊อาเลอ, อาเพเร๊อาแหล่ ซีเต๊เห่ เด๊อ อาโพ๊ เตเย เจ๊อ ปา หม่าแน๊เรอ อู เก่ เมจาเมจือ อา ปา เนอปา ตือทือ เร๊อ อา เก่ พย๊าหนิ ซิปล่อเซอเพร ตูจูเพร ตาแลเคร๊ ปา.

ꤜꤢꤨꤊꤢ꤬ 6:20

เหย่ซู่ แม๊ตาเต๋า เด๊อ อา โคเจ่ เต๊เห่ เร๊อ อา เฮ๊ เหย่ซี เนอ, “ซี เด๊อ อา โซพ๊าโซแร เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ เฮ๊อ ซี เฮ๊อ, เมเตเฮ๊เรอ จอแปแหร่ เทอเลเก่กู เนอหม่า แกแย ฮู๊เนอเต๊เห่ อาเต เฮ๊อ.

มัทธิว 10:23

อู เก่ เมจาเมจือ ซี เบ๊อะเออ โต๊โผ่ เก่เฮ๊เรอ แกล่จว๊า โดโต่ เด๊อ อาโร โต๊โผ่ เนอ. แว เฮ๊จ๊อจ๊อ ซี, เบ๊อะซี จว๊า ปวาลอ แต่ล๋าย ล๋อ อิสราเอล อาวี เออเต๊เห่ ล๋ายโต่เนอ, แกแยเห่ขุ อาพู๊คูเออ เก่ แฮเล๊ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

เป โตเบ่ แซ๊หนิ เร๊อ คูคาอิน เด๊อ โลเน๊มู๊แหม่รีแจ่ กู่กล๊อ เป๊อ เกอเร๊อ ลู เร๊อ อา เมเซอ เกอเร๊อ อาโป่ เนอเตเพร โต่. อา จว๊า เมเซอ โต่ อาโป่ เมเตเฮ๊เรอ อา เมเต เต๊เห่ เนอหม่า, อา ย๋อ มู๊แหม่รีแจ่ เร๊อ อาโป่ เมเต เต๊เห่ เนอหม่า, อา ย๋อ จ๊อเต อาขว่าอาคยา, อา เมเซอแก อาโป่ แพ๊.

เพรโด่แนพู๊ เต๊เห่ 8:1

อู เมเซอ คูสเทเฟน เออเนอ, คูเซาโล โนกู แซ่เกอ อาซิปล่อ เร๊อ เพรเมเซอ คูสเทเฟน เนอเต๊เห่ เร๊อ อา ครวาอ๊อแล แซ่เกอ ฮู๊เนอ. เป๊อแถ่ เบ๊อะเนอ เตอ เนอ ตาเป่แฮ เร๊อ แกแย เด๊อ อา โอ่ เด๊อ วีเยรูซาเล็ม อากู เร๊อ อา หยื่อเอ่แลแค เหย่ซู่ เต๊เห่เนอ, อา เมจาเมจือ แหน่เจ๊อ เหย่ ซี เจ๊อ. แกแย เด๊อ อา โอ่แก เด๊อ วีเยรูซาเล็ม อากู เต๊เห่ เนอหม่า, ตื๊อแพ๊ เพรโด่แนพู๊ เต๊เห่ แพ๊. เร๊อ ล๋อ แกแย เด๊อ อา หยื่อเอ่แหน่เอ่รี เต๊เห่เนอ, อา เถ่แกล่ จว๊าโพร๊จว๊าแพร ลอปลี เด๊อ ยูดาห์เก่ เร๊อ สะมาเรียเก่.

เพรโด่แนพู๊ เต๊เห่ 5:40

เพร ทวา แกแยยิวพู๊ กู่กล๊อดุกู๊ฉู่ทู เต๊เห่ จูเอ่ เกอ คูกามาลิเอล อา เตเด๊อะเตเนจว่า เออ เร๊อ อา เอ๊โน คยาแซ๊ เพรโด่แนพู๊ เต๊เห่ เออเต๊เห่. โทเรอ อา มือ เหย่ซี เร๊อ อิปลี๊หรี่ โทเรอ อา เฮ๊ เหย่ซี เน๊อ ซี เบ่ โด่แนแด๊โฉ่หนิ เป่ ปา อู เร๊อ เหย่ซู่ อามุย เออเนอ โต่, อา เฮ๊โท ฮู๊เนอเรอ อา ปลวา กาแก เหย่ซี.

มัทธิว 19:14

เร๊อ แบ่เจ่ เหย่ซู่ เฮ๊ เหย่ซี เน๊อ, “ปลวาแฮ เป๊เจ่พู๊ เนอเต๊เห่ เด๊อ แวโอ่เออ, เมตาตือ แต่ เหย่ซี แต่เหม่, เมเตเฮ๊เรอ ม๊อขุ อาเทออาเก่ เนอหม่า แกแย เด๊อ อา แด่หยว่า อาซิปล่อ แซ่เน๊อ เป๊เจ่พู๊ เออเนอเต๊เห่ อาเตเฮ๊อ.”

ꤗꤢ꤬ꤊꤢꤨ 10:14

เหย่ซู่ แม๊เถอะ เหย่ซี เมฮู๊เนอเรอ อา ซิปล่อดุ เหย่ซี เร๊อ อา เฮ๊ เหย่ซี เน๊อ, “ปลวาแฮ พู๊เจ่ฮู๊ เนอเต๊เห่ เด๊อ แว โอ่เออ. เมตาตือ แต่ เหย่ซี แต่เหม่, เมเตเฮ๊เรอ จอแปแหร่ อาเทออาเก่ เนอหมา แกแย เด๊อ อา แด่หยว่า อาซิปล่อ แซ่เน๊อ พู๊เจ่ฮู๊เออเนอเต๊เห่ อาเตเฮ๊อ.

ꤜꤢꤨꤊꤢ꤬ 22:29

ฮู๊ แวเพ นอเป๊อ แว เนอ, แว นอเป๊อ เกอ ซี ปา.

ꤡꤛꤢꤩ꤭ꤗꤢ꤬ꤎꤣ꤬ 5:11

แกแย เด๊อ อา แด่ทูซิปล่อเบ๊ เนอ, เป เฮ๊ อา เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ. ซี หนิโฮ โทดื่อเฮ๊อ เพโยบ อา เตแด่ทูซิปล่อ อาหรี่อาแก เฮ๊อ เน๊อ เด๊อ คยาตื๊อดื่อ เร๊อ แบ่เจ่ เตเน หนื่ออื่อ เน๊อ อา เก่เด๊อะบุ๊ยเด๊อะเตอเรอ ลู ฮู๊เต อาหรี่อาแก เนอ, ซี ซิเง เฮ๊อ. เมเตเฮ๊เรอ แบ่เจ่ อา เตซิยอกล่าเบ่ เออเนอ อาเล๊ออาบา แหน่เจ๊อ.