มัทธิว 4:7 - ลีเทส่อพ๊าอาเซ เร๊อ เห่ขุทวาลู๊

⁷ เหย่ซู่ เฮ๊ฉื่อ ลู เน๊อ, “ลีเทส่อพ๊า เฮ๊โป่ เน๊อ, ‘เน เบ่ ทื๊อแม๊หนิ เน แบ่เจ่ จอแปแหร่ โต่.’”

Eastern Kayah Shadaw Dialect

⁷ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤕ꤫ꤥ꤬ ꤔꤢꤧ, ‘ꤔꤢꤧ꤬ ꤙꤢꤩ꤬ ꤗꤢꤩ꤬ꤗꤢꤧꤔ꤫ꤤ꤬ ꤔꤢꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬꤯’”

มัทธิว 4:7 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 10:9

แบ่เจ่ โตโก๋ เร๊อ หม่า อาจ๊อ เร๊อ อา เตอ๊อแล แอ, หม่า อาจ๊อ โต่ แอ, ฮู๊เนอหม่า เป เบ่ เฮ๊แม๊เมแม๊ หนิ แบ่เจ่ ฮู๊ เหย่ซี เต๊เห่ เฮ๊แม๊เมแม๊ เนอ โต่. เปเพอเปโพ เต๊เห่เนอ อา ทื๊อแม๊ แลแค ฮู๊เนอ อาขว่าอาคยา, หรู่ เต๊เห่ อิโพ เซอแก เอ๊ลู เหย่ซี.

ꤟꤤꤙꤚꤢꤨ 3:9

หน่า ลุยเชอ อากู, แว เม เป่ แคร๋ เหย่ซี อิเต เนอ, เหย่ซี แม๊เถอะ โทเฮ๊อ หม่าแน๊เรอ อา แม๊ปู ทื๊อแม๊ แลแค ปา แว แพ๊.

เพรโด่แนพู๊ เต๊เห่ 5:9

ฮู๊เนอเรอ คูเปโตร เฮ๊ ลู เน๊อ, “หม่าเมเตเร๊อ เน เร๊อ เนเว จว๊า เมแม๊ โต่ แหย่โยบูโพ๊แบ่เจ่ เมเต? แกแย จว๊าโล๊ เนเว เต๊เห่เนอ, อา กาโต่ ปาแพ๊ เบ๊อะกู่ดาทือ เออเนอ แพ๊ เร๊อ เหย่ซี เก่ จอจว๊า เกอ โป่ เน ปา!”

มัทธิว 4:4

หม่าแน๊เรอ เหย่ซู่ เฮ๊ ลู เน๊อ, “ลีเทส่อพ๊า เฮ๊ฮู๊เออ, ‘แกแยเห่ขุพู๊ เซอเพร ตื๊อแพ๊ เน๊อ เหล่เอ่เหล่โอ เนอ หม่าโต่. แซ่ฮู๊ แกแยเห่ขุพู๊ เก่ เซอเพร อาเงเนอ, ล๋อ จอแปแหร่ เฮ๊เบ่โหง่ เนอเต๊เห่ หม่า อา โหล่ เกอ ดื่อดื่อ.’”

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

มัทธิว 21:42

แบ่เจ่ เฮ๊ เหย่ซี เน๊อ, “ลีเทส่อพ๊ากู ราม๊า เนอ, ‘แกแย เมแถ่ หี่ เร๊อ หล่อ เด๊อ เหย่ซี วีแก ลู เนอเตเมเนอ อา ทวาแถ่ หล่อ เด๊อ อา ตาทว๊าหม่า ลอ เจ๊อ หี่เตเม เจ๊อ เออเนอหมา แบ่เจ่ จอแปแหร่ เมเต แพ๊, เร๊อ อา เมเต เออเนอหมา อา โคตีกลี๊ แหน่เจ๊อ’ ลีเทส่อพ๊ากู ราม๊า เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊ น๊อ แหน่ แพ๊.”

มัทธิว 21:16

เหย่ซี แด๊เฮอ แบ่เจ่ เน๊อ, “เป๊เจ่พู๊ ซีเต๊เห่ เอ๊โท เนอหม่า เน หนิโฮ เด๊อ อาเฮ๊ โต่แอ?” เร๊อ แบ่เจ่ เฮ๊ฉื่อ เหย่ซี เน๊อ, “อ่อ, แว หนิโฮ ว๋า, ลีเทส่อพ๊า ราม๊าแก เนอ, ‘เป๊เจ่พู๊ ซีเต๊เห่ เร๊อ เป๊เจ่พู๊ เด๊อ อา อินู๊ปา เต๊เห่เนอ, เน เก่ นอถู่เซ๊แถ่ เหย่ซี ปา,’ อา เฮ๊ ฮู๊เนอ หม่า, ซี แด๊น๊อ เกอแหน่ อู โต่ แอ?”

ꤜꤢꤨꤊꤢ꤬ 4:12

หม่าแน๊เรอ เหย่ซู่ เฮ๊ฉื่อ ลู เน๊อ, “จอแปแหร่ อาลาอาโหง่ เฮ๊ เน๊อ, ‘เน เบ่ ทื๊อแม๊ เน แบ่เจ่ จอแปแหร่ โต่.’”

เพรโด่แนพู๊ เต๊เห่ 15:10

ฮู๊เนอเรอ, หม่าเมเต ซี จว๊าเม ซิปล่อดุ โต่ จอแปแหร่ เมเต? เตวี๊เตแย๊ เด๊อ เป เออเต๊เห่ เร๊อ เป โหมะเพเพอโพ เด๋อ งย๊าเค เต๊เห่ อาวี๊เป่โต่ เต๊เห่เนอ, ซี จว๊า ซิหยื่อ นอวี๊นอแย๊ โต่ เร๊อ แกแย เด๊อ อา หยื่อเอ่แลแค เตเออเต๊เห่ อาเหน่ลู เมเต?