มัทธิว 3:8 - ลีเทส่อพ๊าอาเซ เร๊อ เห่ขุทวาลู๊

⁸ ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

Eastern Kayah Shadaw Dialect

⁸ ꤞꤤ꤭ ꤊꤢꤩ꤬ ꤛꤢꤧ꤬ ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤟꤣꤧ ꤞꤤ꤭ꤔ꤫ꤢꤩ꤬ ꤟꤣꤧ ꤊꤢꤩ꤬ꤟꤢꤩꤚꤣꤧ꤬ ꤘꤣꤧꤜꤥ꤭ ꤜꤢ꤭ꤋꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤞꤤ꤭ ꤒꤢꤩ꤬ꤘꤢꤧ꤬ ꤞꤤ꤭ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤒꤣꤧ꤬ꤟꤢꤩ꤬꤯

มัทธิว 3:8 ပူးပေါင်းရင်းမြစ်များ

ꤜꤢꤨꤊꤢ꤬ 3:8

ซี เก่ ถู่แหล่เต๊เปล่หม่าแหน่เฮ๊อซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เร๊อ ซี เตแด่ ซี ซิปล่อสู่เทอ เต๊เห่. เฮ๊โทเฮ๊แล แต่ ซีเหน่ เน๊อ, ‘เป หม่า เพอับราฮัม อากลุยอาแล’ เนอแต่เม. แว เฮ๊ ซี, จอแปแหร่ เมทวาแถ่ หล่อเออเต๊เห่ เร๊อ เพอับราฮัม อาพู๊ หม่า อา เมแจ่ แพ๊.

เพรโด่แนพู๊ เต๊เห่ 26:20

แว จว๊าเล แด๊โฉ่โด่แน เหร่อเล๊อ เป่ อู เด๊อ วีดามัสกัส โทเร๊อ เด๊อ วีเยรูซาเล็ม อากู, เด๊อคยาเร๊อ แว จว๊า เด๊อ ยูดาห์เก่ ปว๋า โต๊โผ่, โท๊โต่ แว จว๊า เกอดื่อ เด๊อ แกแยยิวพู๊ หม่าโต่ เต๊เห่ อาเกลเกล. เร๊อ แซ่ฮู๊ เหย่ซี เก่ ถู่แหล่แต๊แกละกาคยา เกอเร๊อ แลแค อา เตซื๊อเตปล๊าเต๊เห่, โทเร๊อ แซ่ฮู๊ เหย่ซี เก่ ตีรี๊ กาคยาโต คยาแซ๊ อาเหน่ เด๊อ จอแปแหร่ อา โอ่, โท๊โต่ แซ่ฮู๊ อา เก่ เด๊อะโลแถ่แลแค อาเตเม เด๊อ อาแร๊ เต๊เห่ เน๊อ อา ถู่แหล่แต๊แกละ กาโทเฮ๊อ อาซิปล่อ เฮ๊อ อาเงเนอ, แว แด๊โฉ่โด่แน เป่เฮ๊อ เหย่ซี เฮ๊อ.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

มัทธิว 21:32

เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่.

เอเฟซัส 5:8

ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.