มัทธิว 3:6 - ลีเทส่อพ๊าอาเซ เร๊อ เห่ขุทวาลู๊

⁶ เหย่ซี แฮ แด๊โฉ่ ลีลอ อา เตเมซื๊อ เต๊เห่ เร๊อ คูยอห์น เจ เป่ เหย่ซี เทอ เด๊อ จอร์แดน เทอแลโหมะ กูเนอ.

Eastern Kayah Shadaw Dialect

⁶ ꤛꤢꤩ꤬ꤞꤤ꤭ ꤟꤢꤧ꤭ ꤟꤢꤩꤏꤥ꤬ ꤜꤤ꤭ꤜꤢꤪ꤭ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤡꤢꤩ꤬ ꤛꤢꤩ꤬ꤞꤤ꤭ ꤘꤣ ꤡꤛꤢꤪ꤬ꤘꤢ꤬ ꤓꤣꤧ꤭ꤊꤜꤥ꤭ꤊꤢꤨ꤭꤯

มัทธิว 3:6 ပူးပေါင်းရင်းမြစ်များ

เพรโด่แนพู๊ เต๊เห่ 19:18

เพรหยื่อเอ่ เต๊เห่ แฮโหร่แฮโอ่เอ๊ลา เด๊อ คูเปาโล โอ่ เร๊อ เหย่ซี แฮ อ๊อแลนอแล แลแค เด๊อ แกแย ตูปลูเต๊เผ่ อา เป๊เส่เง. โทเร๊อ เหย่ซี แด๊โฉ่ล๊อลี แลแค อา เตเมมู๊แหม่รีแจ่ เด๊อ เหย่ซี เมโทเฮ๊อ เนอเต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

หม่าแน๊เรอ เป เก่ แด๊โฉ่โล จอแปแหร่ เน๊อ เป เม เตซื๊อเตโอ่หร่า เต๊เห่ เฮ๊เนอหม่า จอแปแหร่ เออเนอ อาจ๊อ เร๊อ อา เตอ๊อแล เร๊อ อา เมโตเมเบ่ เต, โท๊โต่ อา เก่ ปลวาแก เป เตซื๊อ ล๋อ ปลี เร๊อ อา เก่ เมโพ๊เมปลี กาคยา คยาแซ๊ ลอ ล๋อ เป เมเตโต่ โต่ เนอเต๊เห่ ปา.

ꤟꤤꤙꤚꤢꤨ 9:10

เตหลู่เตแต เออเต๊เห่เนอ, อา ตาเต ซิเลเกอเร๊อ แพ๊ เตจ๊อบู่จ๊อเบ อา เหล่โกลเหล่แบ่ เต๊เห่ เด๊อ อา เฮ๊ เน๊อ เออ หม่า เอ่หนิ, เออ หม่า โอหนิ โต่, โตเบ่ ซู๊ปลีซู๊แปละ อาเหน่ ฮู๊เออ ฮู๊เนอ, อา เฮ๊ เออเนอเต๊เห่ เฮ๊อ. เตซว๊าเตแส่ เออเนอหมา ลือครวา เมเต เด๊อ อากลอ ตากยา แพ๊, อา เม แต๊แกละแจ่ ซิปล่อ โต่. เหน่กล่อ พ๊าหย่า ตากยา, แกแยเห่ขุพู๊ เบ่ ครวาเม โต่เด๊อ จอแปแหร่ เมเต๊เปละ เป่ เหย่ซี แกล๊ อาเซ โตโบ.

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤟꤤꤙꤚꤢꤨ 6:2

เตเจเทอ อาหรี่อาแก, แด่แถ่ กู๊ขุ เด๊อ อูลู เต๊เห่, เตเซอ ก๊อถ่อกาคยา, เตเมจากาคยา ตูจูเพร อาหรี่อาแก เออเต๊เห่เนอ, เป โหล่ อิซว๊า ซิเง ตื๊อดื่อ ปา เปเหน่ โต่.

โคโลสี 2:12

เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.

โครินธ์ อาเหร่อเล๊อ ต๊าบ่า 10:2

ล๋อ เหย่ซี เออเต๊เห่เนอ อา แซ่เฮ๊อ เร๊อ เหย่ซี เจ แลแค ล๊อปลี เฮ๊อ เทอ เด๊อ อ๊อโหล่ เออต๊าบ่า อากู เร๊อ เด๊อ เทอดุซาวา เออ อากูเนอ เฮ๊อ. เร๊อ เหย่ซี ทวา กาลอ เฮ๊อ คูโมเสส อา โคเจ่ เด๊อ อา ครวา ลูคยา เต๊เห่ เฮ๊อ.

เพรโด่แนพู๊ เต๊เห่ 22:16

เน เม แป่เหย่ เนเหน่ เมเต? ก๊อถ่อมอ เร๊อ เจเกอมอ เนเหน่ เร๊อ เทอเนอ, เร๊อ กุยจ๊อเบแถ่ มอ อา เด๊อ อา เก่ ซู๊ปลีแก เน เตซื๊อ เออเนอ,’” คูเปาโล เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 11:16

เออโตโพ๊เรอ แว ซิเงแถ่เบ่ โต่ เตเฮ๊เบ่ เด๊อ แบ่เจ่ เฮ๊แก เน๊อ, ‘คูยอห์น เจ ซี เร๊อ เทอ ตื๊อดื่อเรอ อู เก่ เจ ซี เร๊อ แหย่โยบูโพ๊แบ่เจ่ ปา เนอตือมือ.’

เพรโด่แนพู๊ เต๊เห่ 1:5

โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

ꤗꤢ꤬ꤊꤢꤨ 1:5

แกแย โอ่ เด๊อ ยูดาห์เก่กู เนอเต๊เห่ เร๊อ วีเยรูซาเล็ม อากู เนอเต๊เห่ แฮโอ่โร๊ลู เด๊อ คูยอห์น อา โอ่. เร๊อ เหย่ซี แฮ กุยซิยอ แลแค อาเตซื๊อ เร๊อ คูยอห์น เจ เป่ เหย่ซีเหน่ เด๊อ เทอแลโหมะ จอร์แดน กูเนอ.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

ꤜꤢꤨꤊꤢ꤬ 1:16

เร๊อ อา เก่ ซู กาคยา โหร่แหน่เจ๊อ อิสราเอล เต๊เห่ เด๊อ เหย่ซี แบ่เจ่ จอแปแหร่ อา โอ่ ปา.