มัทธิว 3:5 - ลีเทส่อพ๊าอาเซ เร๊อ เห่ขุทวาลู๊

⁵ แกแย โอ่เด๊อ วีเยรูซาเล็ม อากู เร๊อ ยูดาห์เต๊เก่เล เร๊อ ล๋อ แกแย โอ่ ตีวี๊ ตาวา จว๊ารว๊า จอร์แดน เทอแลโหมะ เนอเต๊เห่ อา แฮ แลแค เด๊อ คูยอห์น อา โอ่.

Eastern Kayah Shadaw Dialect

⁵ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤢꤧ ꤛꤢꤨꤘꤢ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤚꤝꤢ ꤡꤛꤢꤪ꤬ꤘꤢ꤬ ꤓꤣꤧ꤭ꤊꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤟꤢꤧ꤭ ꤜꤢ꤭ꤋꤢꤧ꤭ ꤘꤣ ꤋꤢꤨ꤭ꤛꤥ꤭ꤟꤢ꤬ ꤢ꤬ ꤥ꤬꤯

มัทธิว 3:5 ပူးပေါင်းရင်းမြစ်များ

ꤗꤢ꤬ꤊꤢꤨ 1:5

แกแย โอ่ เด๊อ ยูดาห์เก่กู เนอเต๊เห่ เร๊อ วีเยรูซาเล็ม อากู เนอเต๊เห่ แฮโอ่โร๊ลู เด๊อ คูยอห์น อา โอ่. เร๊อ เหย่ซี แฮ กุยซิยอ แลแค อาเตซื๊อ เร๊อ คูยอห์น เจ เป่ เหย่ซีเหน่ เด๊อ เทอแลโหมะ จอร์แดน กูเนอ.

ꤛꤥ꤭ꤟꤢ꤬ 5:35

คูยอห์น เนอ อา ลีเตเคแถ่ แซ่เร๊อ หมิเคว๊กอ เตเม เด๊อ อา แกแถ่ เนอ. ซี ซิหยื่อ อาเตลี แตแปล๊เตอเปลอ แพ๊, อาโหง่แลช๊า เนอหม่า, อา ซิเฮ๊ เร๊อ ซี ซิหยื่อ แฮ หนิดา อา เตอิซว๊า แตแปล๊เตอเปลอ แพ๊ อา ซิเฮ๊ ฮู๊เนอ.

ꤛꤥ꤭ꤟꤢ꤬ 3:23

คูยอห์น เจ เป่ เกอโป่ อู เทอ เบ๊อะเหล่โอ่ เด๊อ อู เอ๊ เร๊อ อายโนน เนอโต๊โผะ. อายโนน หม่า อา โอ่ผื่อ เร๊อ ดอสาลิม โทเรอ เทอ โอ่เอ๊ลา. แกแย แฮ เด๊อ ลูโอ่ เร๊อ อา เจ เป่ เหย่ซี เทอ.

ꤜꤢꤨꤊꤢ꤬ 16:16

“คูโมเสส เตซว๊าเตแส่ เด๊อ เพรโพร อา เตราแก เต๊เห่เนอ, อู แด๊โฉ่โด่แน โต่ ตื๊อดื่อ อา เบ๊อะเจเทอ คูยอห์น อา ทือเค เนอแพ๊. เด๊อคยาเออ แว แด๊โฉ่โด่แน เป่ อู เร๊อ จอแปแหร่ เทอเลเก่กู เตซิครือมีลา อาหรี่อาแก เร๊อ อู แอ๊จื๊อ โนเผ่ ลอ เจ๊อ ลู ปว๋า เตเพร เจ๊อ.

ꤜꤢꤨꤊꤢ꤬ 3:7

แกแย เต๊เห่ เตเร แฮ เจ แลแค อาเหน่ เร๊อ เทอ เร๊อ อา แฮโหร่แฮเอ๊ แหน่เจ๊อ เด๊อ คูยอห์น อา โอ่. เร๊อ คูยอห์น เฮ๊ เหย่ซี เน๊อ, “หรู่ ซี๋! ซี เก่ เหล่แลเปล๊ เร๊อ จอแปแหร่ อา เต เด๊อะจา เด๊อ อา เก่ แฮปา เออเนอ อูเป เตเพร เด๊อะรอเด๊อะเร ซี เป?

มัทธิว 4:25

แกแย โอ่โหร่ โอ่เอ๊ โอ่เด๊อ กาลิลีเก่, เน๊อ วีเช๊อ โอ่ปล๊อจือ เต่อลู เด๊อ อู เอ๊ เร๊อ เดคาโปลิส, เน๊อ วีเยรูซาเล็ม, เร๊อ ยูดาห์เก่, เร๊อ แกแย โอ่เด๊อ เทอแลโหมะจอร์แดน เทอแล แบ๊เร เต๊เห่ ครวาปลูครวาเผ่ เกอ ลอ ลูคยา.

มัทธิว 2:1

เหย่ซู่ โอ่เป๊เจ่แล เด๊อ วีเบธเลเฮม, ยูดาห์ เก่ อากู, เบ๊อะคุ๊ยเฮโรด เป๊อเทอเป๊อเก่ เบ๊อะเนอ. เหย่ซู่ โอ่เป๊เจ่แล โทเนอ เพรลีแมลีเพ๊ เด๊อ เก่ซิเถ่ เต๊เห่ แฮ เด๊อ วีเยรูซาเล็ม เร๊อ แฮแด๊เฮอ คุ๊ย เน๊อ,

ꤜꤢꤨꤊꤢ꤬ 3:3

ฮู๊เนอ อาขว่าอาคยา, ล๋อ ดอ โอ่ผื่อ ตีวี๊ตาวา เบ๊อะเทอแลโหมะจอร์แดน อาช๊า เต๊เห่เนอ, คูยอห์น จว๊าเล แด๊โฉ่โด่แน ลอ อู เร๊อ ถู่แหล่แต๊แกละ แลแค ซีซิปล่อ แลแค เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊.