มัทธิว 3:11 - ลีเทส่อพ๊าอาเซ เร๊อ เห่ขุทวาลู๊

¹¹ “เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

Eastern Kayah Shadaw Dialect

¹¹ “ꤘꤣ ꤞꤤ꤭ ꤛꤢꤧ꤬ ꤚꤣꤧ ꤞꤤ꤭ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤡꤢꤩ꤬ ꤞꤤ꤭ ꤔꤢꤧ ꤓꤣꤧ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤒꤣ꤬ꤖꤚꤢꤩ꤬ ꤘꤣ ꤢ꤬ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤜꤣ ꤡꤣꤧ ꤔꤢꤧ ꤠꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣ ꤠꤢꤧ꤭ꤋꤛꤢ꤭ ꤕꤢ꤭꤯ ꤢ꤬ ꤊ꤫ꤢꤦ꤬ ꤡꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤗꤤ꤬ ꤕꤢ꤭꤯ ꤠꤢꤧ꤭ ꤡꤢꤪ꤭ꤡꤝꤢ ꤕ꤫ꤢꤩ꤬ ꤖꤢꤧ ꤜꤢꤨ꤭ꤋꤢꤧ꤬ꤖꤢ ꤔꤣꤧ꤬, ꤢ꤬ ꤊꤢꤪ꤬ꤔꤢꤧ ꤠꤢꤧ꤭ ꤒꤥ꤬꤯

มัทธิว 3:11 ပူးပေါင်းရင်းမြစ်များ

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

เพรโด่แนพู๊ เต๊เห่ 1:5

โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

ꤒꤤꤒꤢꤨ 3:5

เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.

โครินธ์ อาเหร่อเล๊อ ต๊าบ่า 12:13

ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

มัทธิว 3:6

เหย่ซี แฮ แด๊โฉ่ ลีลอ อา เตเมซื๊อ เต๊เห่ เร๊อ คูยอห์น เจ เป่ เหย่ซี เทอ เด๊อ จอร์แดน เทอแลโหมะ กูเนอ.

เพรโด่แนพู๊ เต๊เห่ 19:4

เร๊อ คูเปาโล เฮ๊ เป่ เหย่ซี เน๊อ, “คูยอห์น เจ เป่ แกแย เด๊อ อาถู่แหล่เต๊เปล่กา อาซิปล่อ เนอเต๊เห่ อาเง แพ๊. อา เฮ๊ แกแย เนอเต๊เห่ เร๊อ หยื่อเอ่แหน่ เพร เด๊อ อา เตเร แฮ เด๊อคยา เออเนอ เตเพร นี๋, อา หม่า แบ่เจ่เหย่ซู่ เฮ๊อ.”

ꤜꤢꤨꤊꤢ꤬ 1:17

อา เก่ แฮ เหร่อ เร๊อ แบ่เจ่ ปา, เร๊อ อาซิปล่อ เก่ เหร่ฉว่าเหร่ชอ เร๊อ อา เก่ โอ่ เร๊อ เตอเรอฉว่าชอ ฮู๊ เพรโพร คูเอลียาห์ เนอ ปา. อา เก่ เมเกล โม กาคยา คยาแซ๊ เพเต๊เห่ เร๊อ พู๊เต๊เห่ เนอปา. อา เก่ โบตีรี๊ กาคยาโต คยาแซ๊ แกแย หนิดา เกออู โหง่ โต่ เนอเต๊เห่ เด๊อ เพรจ๊อเพรเต เต๊เห่ อา แกล๊โกลกู ปา. แซ่ฮู๊ แกแย เต๊เห่ เก่ โอ่ตี๊หรี่แตแร ฉื่อ แบ่เจ่ อาแฮ ปา เออเนอเรอ, อา เก่ ตี๊หรี่แตแร หนื่ออื่อ เป่ แกแย ตู๊หมู่ เด๊อ แบ่เจ่ อาเง ปา.”

ꤛꤥ꤭ꤟꤢ꤬ 1:30

แว แด๊โฉ่ โทเฮ๊อ ซี เน๊อ, ‘แกแย เตเพร เก่ แฮ เด๊อ แวคยา ปา แพ๊, ตื๊อดื่อเร๊อ อา เตอเรอฉว่าชอ ดุทูเล๊อ เร๊อ แว ปา, เมเตเฮ๊เรอ เบ๊อะแว กาโอ่เป๊เจ่แล แต่ล๋ายโต่ เนอ, อาโอ่ หนื่ออื่อ โทเหร่อเฮ๊อ.’ อา หม่า หม่าเฮ๊อ แกแย เด๊อ แว แด๊โฉ่ เป่ ซี เนอเตเพร เฮ๊อ.

ꤗꤢ꤬ꤊꤢꤨ 1:4

เพร เจเทอ คูยอห์น หม่า เพรแด๊โฉ่ โด่แน เตเพร เร๊อ อา แฮ โทเฮ๊อ. อา เถ่จว๊า เด๊อ เก่เชเทอแก หล่อตาม๊าขุ เร๊อ อา แด๊โฉ่โด่แน เป่ อู เร๊อ ถู่แหล่แต๊แกละ แลแค ซี ซิปล่อ. เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

ꤛꤥ꤭ꤟꤢ꤬ 1:15

คูยอห์น เฮ๊โฉ่ซิเง อา อาหรี่อาแก เร๊อ อา เอ๊โทแถ่ เน๊อ, “ฮู๊ แว แด๊โฉ่ โทเป่เฮ๊อ ซี อา อาหรี่อาแก เน๊อ, ‘แกแย เด๊อ อา เก่ แฮ เด๊อ แวคยา ปา เตเพรเนอ อา เตอเรอฉว่าชอ ดุทูเล๊อ เจ๊อ เร๊อ แว ปา, เมเตเฮ๊เรอ เบ๊อะแว กาโอ่เป๊เจ่แล แต๋โต่ เบ๊อะเนอ, อาโอ่หนื่ออื่อ โทดื่อเฮ๊อ.’”

ꤜꤢꤨꤊꤢ꤬ 3:3

ฮู๊เนอ อาขว่าอาคยา, ล๋อ ดอ โอ่ผื่อ ตีวี๊ตาวา เบ๊อะเทอแลโหมะจอร์แดน อาช๊า เต๊เห่เนอ, คูยอห์น จว๊าเล แด๊โฉ่โด่แน ลอ อู เร๊อ ถู่แหล่แต๊แกละ แลแค ซีซิปล่อ แลแค เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

เพรโด่แนพู๊ เต๊เห่ 8:38

แกแย ทวา ทวาดุทวาเต เออเตเพรเนอ อา เอ๊ โอ่โก๊ เพรเหว่ ตีซิโหล่ เออเตเพร. เร๊อ คูฟีลิป เร๊อ แกแย ทวา กู่กล๊อดุ เออซิเนอ แก๊ตา ลอ เด๊อ เทอกู, เร๊อ คูฟีลิป เจ เป่ อา ทวา กู่กล๊อดุ เออเตเพร เร๊อ เทอ.