มัทธิว 28:6 - ลีเทส่อพ๊าอาเซ เร๊อ เห่ขุทวาลู๊

⁶ หม่าแน๊เรอ อา โอ่ปา เบ๊อะเออ โต่เฮ๊อ. ฮู๊ อา เฮ๊หนื่ออื่อ โทเฮ๊อ เนอ, อา ก๊อถ่อเซอเพร กาคยา โทเฮ๊อ. แฮแม๊มอ อา เหล่โอ่เมอ เออเนอ.

Eastern Kayah Shadaw Dialect

⁶ ꤗꤢ꤬ꤔꤢꤧꤚꤣꤧ꤬ ꤢ꤬ ꤥ꤬ꤕꤢ꤬ ꤙꤣꤧꤣꤧ꤭ ꤒꤥ꤬ꤟꤣꤧ꤯ ꤟꤢꤨ ꤢ꤬ ꤟꤢꤩꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤣꤧ꤬, ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤓꤥ꤭ꤟꤣꤧ꤯ ꤟꤢꤧ꤭ꤗꤢꤧꤗꤣꤧ꤭ ꤢ꤬ ꤜ꤫ꤢꤩ꤬ꤥ꤬ꤗꤣꤧ꤭ ꤜ꤫ꤢꤩ꤬ꤥ꤬ꤣꤧ꤭꤯

มัทธิว 28:6 ပူးပေါင်းရင်းမြစ်များ

ꤗꤢ꤬ꤊꤢꤨ 16:6

เร๊อ อา เฮ๊ เหย่ซี เน๊อ, “คย๊าอายื๊อ แลแค เตเม๋, ซี แม๊ปู นาซาเร็ธพู๊ เหย่ซู่ เด๊อ อู มือเซอแถ่ ลู เด๊อ อี๊ถื่อดีเต่ลู เนอเตเพร แพ๊ เนอหมา แว ซิเง. อา ก๊อถ่อเซอเพร กาคยา โทเฮ๊อ. อา โอ่ปา เบ๊อะเออ โต่. แฮแม๊มอ แลแค, เออ หม่า อาเหล่โอ่ เด๊อ อู ฉู่โน ลู เนอเฮ๊อ.

มัทธิว 12:40

เมเตเฮ๊เรอ, ฮู๊ คูโยนาห์ โอ่ เด๊อ เต๊วดุ ฮ๊อกู โซเนอโซเซ เนอ, แกแยเห่ขุ อาพู๊คู หม่า เฮ๊อ แว เออ อา เก่ โอ่เกอดื่อ เด๊อ โลกู โซเนอโซเซ ปา.

มัทธิว 16:21

เป๊อแถ่ เบ๊อะเนอ เร๊อ ตาแฮเงเนอ, แบ่เจ่ เหย่ซู่ เฮ๊โฉ่โปล เป่ อา โคเจ่ เต๊เห่ เนอ, แว เบ่จว๊า เด๊อ วีเยรูซาเล็ม เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ, เพรหลู่แต ทวาดุทวาเต, เพรอิซว๊า เตซว๊าเตแส่ อาซ๊าร๊าเต๊เห่ เหย่ซี เก่ เมจาเมจือ แว ปว๊าเมว ปว๊าเจ่อ ปา. เหย่ซี เก่ เมเซอ แว ปา หม่าแน๊เรอ โซเนอโซเซ ปา จอแปแหร่ เก่เมเซอเพร กาคยา แว ปา.

ꤜꤢꤨꤊꤢ꤬ 24:23

เมเตเฮ๊เรอ เหย่ซี แฮ เร๊อ อา แฮ แม๊เถอะ โล เออเนอ โต่ เฮ๊เน๋อ. เหย่ซี กาคยา เร๊อ อา กาเฮ๊ เร๊อ เหย่ซี แม๊เถอะ เตเน่วม๊อขุพู๊ เต๊เห่ เด๊อะโลแม๊เถอะ เป่ เหย่ซี, เร๊อ อา เฮ๊ เหย่ซี เน๊อ เหย่ซู่ เซอเพร กาคยา เฮ๊อ, เฮ๊เนอ.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

มัทธิว 27:63

เร๊อ เหย่ซี จว๊า เฮ๊ ลู เน๊อ, “คุ๊ย, เป เตเนหม่า ปา เร๊อ เบ๊อะเพแลโฮดุ เนอเตเพร โอ่เซอ เพรปา เบ๊อะเนอ, อา เฮ๊ เน๊อ, ‘โซเนอโทปา เนอ, แว เก่ ก๊อถ่อเซอเพร กาคยา ปา,’ อาเฮ๊ฮู๊เนอ.

ꤛꤥ꤭ꤟꤢ꤬ 2:19

เหย่ซู่ เฮ๊ฉื่อ เน๊อ, “เม ตาพรอแก มอ เตหลู่แตโฮกู เออเนอ. โซเนอ อากู, แว เก่ ช๊อแถ่ คยาแซ๊ ปา”

ꤗꤢ꤬ꤊꤢꤨ 8:31

เร๊อ เหย่ซู่ เป๊อแถ่ อิซว๊า อา โคเจ่ เต๊เห่ เน๊อ, “แว หม่า แกแยพู๊คู เร๊อ แว โตเบ่ ข่าเบ่ เอ๊แหน่เจ๊อ เตจาเตจือ ปา. เร๊อ แกแยยิวพู๊ ทวาดุทวาเตเนอ เต๊เห่, เพรหลู่แต ทวาดุทวาเต เต๊เห่. เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาซ๊อต๊าหน่า ซ๊อตาพาแก แว ปา. เร๊อ เหย่ซี เก่ เมเซอแก แว ปา. เร๊อ แว เซอโทปา เร๊อ โซเนอ ปาเนอ, แว เก่ เซอ เพร กาคยา คยาแซ๊ เด๊อ เตเซอ ปา.”

ꤛꤥ꤭ꤟꤢ꤬ 10:17

แวเพ โมหนิเร๊อ แว เมเตเฮ๊เรอ แซ่ฮู๊ แว เก่ เซอเพร กาคยา คยาแซ๊ เนอ, แว เด๊อะแลแก แว ซิปล่อ เซอเพร.

ꤜꤢꤨꤊꤢ꤬ 24:12

หม่าแน๊เรอ คูเปโตร ก๊อถ่อแกล่แฮ เด๊อ โลขุ เร๊อ เบ๊อะอา แฮงอแม๊โจ โน เบ๊อะเนอ, อา แม๊เถอะ ตื๊อ อิเก แบ๊ปลีทู เนอต๊าบ่า แพ๊. อา แฮแม๊ โท ฮู๊เนอเร๊อ อา กาคยา คยาแซ๊ เด๊อ หี่. อา จว๊าทวาแถ่ โต่ ฮู๊เออ เมเต อา เตเน เร๊อ อา คย๊าอายื๊อ แหน่เจ๊อ.

มัทธิว 20:19

เหย่ซี เก่ เด๊อะตาโดโต่ อา เด๊อ แกแยยิวพู๊ หม่าโต่ เต๊เห่ อา กู๊ยากู ปา, เหย่ซี เฮ๊เบ่ โตโมจู๊แก่ กี๊นีโก๊โหนะ ลอ แวปา, โทเรอ เหย่ซี เก่ มือ แว เร๊อ สู่เปลอ อิปลี๊แช๊ ปา เร๊อ เหย่ซี เก่ มือเซอแถ่ อา เด๊อ อี๊ถื่อดีเต่ลู หม่าแน๊เรอ โซเนอ เตอเนอ ปาเนอ, จอแปแหร่ เก่ เมเซอเพร ก๊อถ่อ กาคยา คยาแซ๊ อาปา.”

มัทธิว 17:23

เหย่ซี เก่ เมเซอ ลู ปา เร๊อ โซเนอ บาแถ่ เตอเนอ ปาเนอ, อา เก่ เซอเพร กาคยา ปา.” เร๊อ อา โคเจ่ เต๊เห่ ซิเปลซิยอ ลอปลี เจ๊อ.

มัทธิว 17:9

เบ๊อะเหย่ซี โอ่ เด๊อ โฉ่ลู กี๊ตา เบ๊อะเนอ, แบ่เจ่ เหย่ซู่ เฮ๊แก หนิ เหย่ซี โหง่ เน๊อ, “แกแย พู๊คู หม่าแว เออ, เก่ เซอ ก๊อถ่อเซอเพร กาคยา ล๋ายโต่เนอ, ล๋อ ซี แม๊เถอะ เตเออเต๊เห่เนอ, จว๊า แด๊โฉ่โล เป่ แต่ อู เตเพร่ว แต่เหม่ นี๋.”

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.