มัทธิว 27:32 - ลีเทส่อพ๊าอาเซ เร๊อ เห่ขุทวาลู๊

³² เบ๊อะเหย่ซี เถ่จว๊า เบ๊อะเนอ, อา แม๊เถอะ แกแย ไซรีนพู๊ เด๊อ อามุย เร๊อ คูซีโมน เออเตเพร เร๊อ เกลอฮู๊ เต๊เห่ นอแย๊ ตื๊อดื่อ ลู เร๊อ เหย่ซู่ อี๊ถื่อดีเต่ลู.

Eastern Kayah Shadaw Dialect

³² ꤙꤣꤧ ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤊꤢꤨꤚꤢꤩ꤬ꤔꤢꤩ꤬ ꤠꤤ꤭ꤖꤢꤩ꤭ ꤘꤣ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤏꤛꤤꤗꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤚꤣꤧ꤬ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤪ꤭ꤛꤢꤧ ꤒꤣꤧ꤬ꤘꤢꤦ꤬ ꤜꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤟꤤ꤬ꤓꤢꤦ꤬ꤘꤤꤊꤢꤩ꤬꤯

มัทธิว 27:32 ပူးပေါင်းရင်းမြစ်များ

ꤗꤢ꤬ꤊꤢꤨ 15:21

แกแยเมอไซรีน เด๊อ อามุย เร๊อ คูซีโมน เนอ อา โอ่ เตเพร, เร๊อ คูซีโมน เออเนอ, อา พู๊โอ่ ซิเนอ, เตเพร เร๊อ อามุย เร๊อ คูอเล็กซานเดอร์, เตเพรปา เร๊อ อามุย เร๊อ คูรูฟัส. เบ๊อะเนออาเค อา โอ่ เด๊อ อาดอ อาโฉ่ เร๊อ อา เตเร แฮโน เด๊อ วีกู เค, อา แฮ ตาฉื่อ เร๊อ เกลอฮู๊ เต๊เห่ เร๊อ เหย่ซี นอแย๊ตื๊อดื่อ ลู เร๊อ เหย่ซู่ อี๊ถื่อดีเต่ลู.

ꤜꤢꤨꤊꤢ꤬ 23:26

เบ๊อะเกลอฮู๊ เอ๊จว๊าเฮ๊อ เหย่ซู่ เบ๊อะเนอ, เหย่ซี จว๊าตาฉื่อ เร๊อ แกแย เตเพร เด๊อ อามุย เร๊อ คูซีโมน. อา หม่า วีอันทิโอก เตเพร, เร๊อ อา โอ่ เด๊อ ดอ แฮ แพ๊ เร๊อ อา แฮโน เด๊อ วีกู. เบ๊อะอา แฮโน เบ๊อะเนอ, เกลอฮู๊ ปื่อฉื่อ ลู เร๊อ เหย่ซี นอแย๊ ลู เร๊อ เหย่ซู่ อี๊ถื่อดีเต่, เร๊อ อา นอครวา จว๊า เกอ ลู เด๊อ เหย่ซู่ แบ๊คยา.

มัทธิว 16:24

โทเรอ แบ่เจ่ เหย่ซู่ เฮ๊ อา โคเจ่ เต๊เห่ เน๊อ, “แกแย เตเพรเพร เก่ ซิหยื่อ ครอครวา เกอแว เฮ๊เรอ, อา โตเบ่ เม ฮู๊ แว ซิหยื่อ นอเมลู เนอเต๊เห่, อา เม จู๋ ดื่อ อาซิปล่อ หม่า อาหนิ โต่. อา เบ่ แย๊แถ่ เกอเร๊อดื่อ อา อี๊ถื่อดีเต่ เร๊อ อา เบ่ ครอครวา เกอแวคยา.

เพรโด่แนพู๊ เต๊เห่ 6:9

หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน.

เพรโด่แนพู๊ เต๊เห่ 2:10

พรีเจียพู๊, ปัมฟีเลียพู๊, อียิปต์พู๊, ลิเบียพู๊ เด๊อ อา โอ่ผื่อ เร๊อ วีไซรีน, เร๊อ เป เออเต๊เห่เห่เนอ อา โอ่ เด๊อ วีโรม เร๊อ อา แฮ เล.

เพรโด่แนพู๊ เต๊เห่ 13:1

เพรหยื่อเอ่ตู๊หมู่ตอกล๊อ เบ๊อะวีอันทิโอก อากูเนอ, เพรโพร เร๊อ ซ๊าร๊า โอ่ เต๊เห่. หม่าอูเป เฮ๊เนอหม่า คูบารนาบัส, คูสิเมโอน (เด๊อ อู เอ๊ ลู เร๊อ แกแยนิเกอร์) เร๊อ คูลูสิอัส (วีอันทิโอก), คูมานาเอล (อู โบ่ ดุแถ่ เต่อโหร่เกอ อา เร๊อ คุ๊ยเฮโรด) เน๊อ คูเซาโล เออเต๊เห่ เฮ๊อ.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

ꤛꤥ꤭ꤟꤢ꤬ 19:17

เร๊อ อา แย๊จว๊า เกอเร๊อดื่อ อา อี๊ถื่อดีเต่ เร๊อ อา เถ่จว๊า เด๊อ กู่กล๊อครุ๊ย อาเหล่โอ่. เหล่โอ่ เออโต๊โผ่ หม่า ฮีบรูโหง่ เฮ๊ เน๊อ, “กลโกธา.”

เพรโด่แนพู๊ เต๊เห่ 7:58

เร๊อ เหย่ซี จุ่ยเถ่จว๊าแก คูสเทเฟน เด๊อ วีกลอ เร๊อ ต่า ลู เร๊อ หล่อ. เพรข่าเฮ๊โล ซีเต๊เห่ แด่โอ่แก เหย่ซี อาจากลอ เต๊เห่ เด๊อ เพรคูพู๊เส่ เด๊อ อามุย เร๊อ คูเซาโล เออเตเพร อา โอ่ เร๊อ อา นอโอ่ป่อแม๊หนิ ลู.

มัทธิว 5:41

แกแย เด๊อ อาเป่เอ่ เป่โอ ซี เร๊อ อา นอแย๊จว๊า ยา ซี ตี กิโล เก่เฮ๊เรอ, แย๊จว๊า เป่ อา เนอ กิโลเนอ นิ.