มัทธิว 26:55 - ลีเทส่อพ๊าอาเซ เร๊อ เห่ขุทวาลู๊

⁵⁵ โทเรอ แบ่เจ่ เหย่ซู่ เฮ๊ แกแย เบ๊หมู่ เน๊อ, “แว หม่า แกแยมู๊แหม่ รีแจ่ เตเพรแหน่แอ? ซี แฮปื่อ แว เร๊อ ซี แฮ เจ๊อ เร๊อ เน๊ เร๊อ อิมืออิปอ เจ๊อ ฮู๊เต? แว โอ่แน อิซว๊าอิ๊แส่ อู เด๊อ เตหลู่แต โฮกู ปวาเนอปวาเซ เจ๊อ เร๊อ ซี ปื่อ แว โต่โต่.

Eastern Kayah Shadaw Dialect

⁵⁵ ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤔꤢꤧ, “ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣ꤬ꤖꤚꤢꤩ꤬ ꤔꤢꤧ꤭ ꤟꤢꤧ꤭? ꤞꤤ꤭ ꤟꤢꤧ꤭ꤕ꤫ꤢꤦ꤬ ꤠꤢꤧ꤭ ꤚꤣꤧ꤬ ꤞꤤ꤭ ꤟꤢꤧ꤭ ꤡꤣꤧ ꤔꤢꤧ ꤔꤢꤩ ꤔꤢꤧ ꤤ꤬ꤗꤢꤦ꤭ꤤ꤬ꤕꤢꤪ꤬ ꤡꤣꤧ ꤟꤢꤨꤒꤢꤩ꤭? ꤠꤢꤧ꤭ ꤥ꤬ꤔꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤕꤝꤢ꤭ꤔꤣꤧ꤭ꤕꤝꤢ꤭ꤞꤢꤩ꤭ ꤡꤣꤧ ꤚꤣꤧ꤬ ꤞꤤ꤭ ꤕ꤫ꤢꤦ꤬ ꤠꤢꤧ꤭ ꤒꤥ꤬ꤒꤥ꤬꤯

มัทธิว 26:55 ပူးပေါင်းရင်းမြစ်များ

ꤛꤥ꤭ꤟꤢ꤬ 8:2

อาเนอโตโร เหมาะลีโรมื่อ เบ๊อะเนอ, แบ่เจ่ เหย่ซู่ กาคยา คยาแซ๊ เด๊อ เตหลู่แต โฮกู. แกแย ปว๋า เตเพร แฮ โอ่ตาวา ลอปลี ลู. โทเรอ อา โอ่แนตา เร๊อ อา อิซว๊าอี๊แส่ เหย่ซี.

ꤗꤢ꤬ꤊꤢꤨ 12:35

เบ๊อะเหย่ซู่ อิซว๊าอี๊แส่ อู เด๊อ เตหลู่แตโฮกู เบ๊อะเนอ, อา แด๊เฮอ อู เน๊อ, “เพร อิซว๊า เตซว๊าเตแส่ อาซ๊าร๊า เต๊เห่ อา เฮ๊ เร๊อ ครี๊ เด๊อ อา เมแลเปล๊ อู เออเตเพร เนอหมา อา กลุยตาแล โอ่กา เด๊อ คุ๊ยดาวิด อา เฮ๊ ฮู๊เนอ แต?

ꤛꤥ꤭ꤟꤢ꤬ 7:28

เบ๊อะแบ่เจ่ เหย่ซู่ อิซว๊าตาปา อู เด๊อ เตหลู่แต โฮกู เบ๊อะเนอ, อา เอ๊โทแถ่ เน๊อ, “ซี ซิเง แว เนอหม่า หม่าแหน่ว๊า. แว โอ่ โต เบ๊อะแฮ เนอหม่า ซี ซิเง หม่าแหน่ แหน่ แว แอ. แว แฮ จู๊ ดื่อ แว ซิปล่อ หม่าโต่. เพร เด๊อ อา นอแฮ แว เออเตเพร เนอหม่า, ซี ซิเง ลู โต่. อา หม่า เพร เด๊อ อาจ๊อ เตเพร.

ꤛꤥ꤭ꤟꤢ꤬ 7:14

เบ๊อะอู ป่วย ผื่อ กลาเมเฮ๊อ เบ๊อะเนอ, แบ่เจ่ เหย่ซู่ จว๊าแถ่โน เด๊อ เตหลู่แต โฮกู เร๊อ อา เป๊อแถ่ อิซว๊าอี๊แส่ อู เบ๊อะเนอ.

มัทธิว 21:23

แบ่เจ่ เหย่ซู่ โน เด๊อ เตหลู่แเตโฮ เตเร๊ กู เร๊อ เบ๊อะอา อิซว๊าอี๊แส่ตา อู เบ๊อะเนอ, เพรหลู่แต ทวาดุทวาเต เต๊เห่ เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ เต๊เห่ แฮ เด๊อ แบ่เจ่ อา โอ่ เร๊อ อา แด๊เฮอ ลู เน๊อ, “เน จว๊าเมโต่ เตฮู๊เออ เต๊เห่ เร๊อหม่า เน จว๊าเม เร๊อ อูเป อา เตอเรอฉว่าชอ เป? อูเป นอเม เน เป?”

มัทธิว 26:47

เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, คูยูดาส เด๊อ อา โอ่เต่อเกอ ลู โคเจ่ เช๊อซิเนอ อาเกล เออเตเพรเนอ, อา แฮโต่ เบ๊อะเนอ. เร๊อ อาแฮเต่อ เกอเร๊อ อู ตูปลูเต๊เผ่ เจ๊อ เร๊อ เหย่ซี พย๊าแฮหนิ แลแค อิมือ, อิปอ เร๊อ เน๊ เต๊เห่. แกแย เออเต๊เห่ เนอหม่า หม่าแพ๊ เพรหลู่แต ทวาดุทวาเต เต๊เห่ เร๊อ แกแยยิว ทวาดุทวาเต เต๊เห่ ปลวาแฮ เหย่ซี เนอแพ๊.

ꤗꤢ꤬ꤊꤢꤨ 10:1

โทเร๊อ เหย่ซู่ โอ่ เบ๊อะเนอ เร๊อ อา เถ่จว๊าแก เด๊อ ยูดาห์เก่ เร๊อ อา จว๊า เด๊อจอร์แดน เทอแลโหมะเบ๊เรตากยา. แกแย ตู๊หมู่ดุ แฮโอ่ปล๊อตาวา เกอลอคยาแซ๊ลู ตอกล๊อตูปลู เร๊อ อา อิซว๊าตา เป่ อู ฮู๊ อาเหล่โกล อิซว๊า เป่ อู ปว๋า โพ๊ เนอ.

ꤜꤢꤨꤊꤢ꤬ 4:20

เร๊อ แบ่เจ่ เหย่ซู่ ถู่ลูด๊วา คยาแซ๊ ลีตูลู เนอตูกลู๊ เร๊อ อา เด๊อะ กาคยาดว้า คยาแซ๊ เด๊อ เพรแม๊ตู่ เตจ๊อเบโฮ เนอเตเพร อา กู๊ยากู เร๊อ อา โอ่แนตา. ล๋อ แกแย โอ่ เด๊อ เตจ๊อเบโฮกูเนอ เต๊เห่ แม๊จว๊าโต ลอปลี เจ๊อ ลู.

ꤜꤢꤨꤊꤢ꤬ 19:47

เหย่ซู่ อิซว๊าอี๊แส่ตา อู เด๊อ เตหลู่แตโฮกู ปว๋าเตอเนอ เจ๊อ. เพรหลู่แต ทวาดุทวาเต เต๊เห่, เพรอิซว๊า เตซว๊าเตแส่ อาซ๊าร๊า เต๊เห่, เร๊อ เพร ทวา แกแย เบ๊หมู่ อา ทวาดุทวาเต เต๊เห่ ซิหยื่อ แม๊ปูเมเซอ ลู.

ꤜꤢꤨꤊꤢ꤬ 20:1

เตอเนอเค, เหย่ซู่ โอ่ เด๊อ เตเตหลู่แตโฮกู เร๊อ อา อิซว๊าอี๊แส่ตา เอ๊ลา แกแย, เร๊อ อา แด๊โฉ่โด่แน เป่ อู เร๊อ เตซิครือมีลา. เร๊อ เบ๊อะเนอเค, เพร หลู่แต กู่กล๊อ เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแยยิวพู๊ อาตู๊หมู่ตอกล๊อ ทวาดุทวาเต เต๊เห่ จว๊า เด๊อ ลูโอ่.

ꤛꤥ꤭ꤟꤢ꤬ 8:20

เบ๊อะอา อิซว๊า อู เด๊อ เตหลู่แต โฮกู เบ๊อะเนอ, อา เฮ๊ เหย่ซี ฮู๊เนอ. อาเหล่โกล เหล่อิซว๊า อู เด๊อ เตหลู่แต โฮกู เออเนอหมา, อา โอ่ผื่อ เร๊อ เหล่เบ่โอ่ปล๊อ เตหลู่เต๊อ อาช๊า. หม่าแน๊เรอ เด๊อ จอแปแหร่ ตี๊หรี่แตแร หนื่ออื่อ เป่ เหย่ซู่ เด๊อ อู เก่ เมเซอ ลู อาเงเนอ, อา ล๋อ โต่ แต่ล๋ายโต่ อาขว่าอาคยา, อู ปื่อ ลู เตเพร่ว โต่.