มัทธิว 26:53 - ลีเทส่อพ๊าอาเซ เร๊อ เห่ขุทวาลู๊

⁵³ แซ่ฮู๊ เตเน่วม๊อขุพู๊ เต๊เห่ เก่ แฮแล เตเกบี๊เกอเร๊อ แว อาเงเนอ, แว เก่ กุย แวเพ เด๊อ อา เก่ นอกี๊ตา เหย่ซี เกลอฮู๊หมู่ดุ เช๊อเนอหมู่ เฮ๊เนอ, แวเพ เด๊อะตา โตโพ๊ เด๊อะตา เจ๊อ แว หม่า อา หนิ เจ๊อ เจ๊อเนอหม่า ซี ซิเงโต่ แอ?

Eastern Kayah Shadaw Dialect

⁵³ ꤞꤢꤧꤟꤢꤨ ꤗꤢꤪꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤜꤢꤧ꤬ ꤒꤣꤧ꤬ꤊꤢꤩ꤬ꤙꤤꤚꤣꤧ ꤠꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤊꤢꤩ꤬ ꤊꤝꤤ꤭ ꤠꤢꤧ꤭ꤖꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤔꤢꤪ꤭ꤤ꤬ꤒꤢ꤭ ꤛꤢꤩ꤬ꤞꤤ꤭ ꤊꤜꤣꤧ꤭ꤗꤢꤨ꤬ꤘꤢꤨ꤬ ꤏꤣꤧꤔꤣꤧ꤭ꤗꤢꤨ꤬ ꤟꤢꤩꤔꤣꤧ꤬ ꤠꤢꤧ꤭ꤖꤢꤩ꤭ ꤘꤣꤧꤒꤢ꤭ ꤒꤣ꤬ꤖꤥ ꤘꤣꤧꤒꤢ꤭ ꤡꤣꤧ ꤠꤢꤧ꤭ ꤗꤢ꤬꤮ ꤢ꤬ ꤔ꤫ꤤ꤬ ꤡꤣꤧ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ꤒꤥ꤬ ꤟꤢꤧ꤭?

มัทธิว 26:53 ပူးပေါင်းရင်းမြစ်များ

มัทธิว 4:11

โลเน๊มู๊แหม่ กู่กล๊อ เถ่จว๊าแก โท ลูเหล่ เน๊อ, ม๊อขุ เตเน่วพู๊ เต๊เห่ แฮแม๊ตู่ เมจว่า เกอเร๊อ ลู.

ꤜꤢꤨꤊꤢ꤬ 8:30

เหย่ซู่ แด๊เฮอ ลู เน๊อ, “เนมุย เร๊อ อูเป?” เร๊อ อา เฮ๊ฉื่อ เน๊อ, “แวมุย เร๊อ โอ่ปล๊อโอ่ปลู,” เมเตเฮ๊เรอ โลเน๊ ย๋อ แฮ โนโอ่ เอ๊แหน่เจ๊อ เฮ๊อ เด๊อ ลูเหน่กู เฮ๊อ.

ꤛꤢꤨꤘꤢ꤬ 1:14

คูเอโนค เด๊อ อากลุยอาแล ตา เด๊อ เพอาดัม อาทือ โซซว๊าตือทือ เนอเตเพร แด๊โฉ่ หนื่ออื่อ งยา แหน่เจ๊อ เฮ๊อ เร๊อ เหย่ซี เออเต๊เห่ อาหรี่อาแก เร๊อ อา เฮ๊ เน๊อ, “แบ่เจ่ เก่ แฮเต่อ เร๊อ อาม๊อขุ เตเน่วพู๊ บูโพ๊ เต๊เห่ เด๊อ อารี๊ เร๊อ อารี๊กู เจ๊อ ปา.

เธสะโลนิกา เนอบ่า ต๊าบ่า 1:7

หม่าแน๊เรอ ซี เร๊อ เป ข่าเบ่ เตจาเตจือ เออเต๊เห่เนอ, จอแปแหร่ เก่ เมโม กาคยาแซ๊ดื่อ เป ปา. ช๋า แบ่เจ่ เหย่ซู่ โอ่โลแถ่ เบ๊อะเนอปาเนอ, อา เก่ เมโมแถ่ คยาแซ๊ เป ปา. อา เก่ แฮ เด๊อ หมิแกโลโซ อากู ปา. อา เก่ แฮเต่อ เร๊อ อา เตเน่วพู๊ เด๊อ อา โอ่เร๊อ อา เตโพรเตเตอเรอ เออเนอ เต๊เห่ ปา.

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

ꤗꤢ꤬ꤊꤢꤨ 5:9

เหย่ซู่ แด๊เฮอ ลู เน๊อ, “เนมุย เร๊อ อูเป?” เร๊อ อา เฮ๊ฉื่อ เหย่ซู่ เน๊อ, “แวมุย เร๊อ เลจิเหยอะ, เมเตเฮ๊เรอ เป่ โอ่โหร่โอ่เอ๊ แหน่เจ๊อ,” อา เฮ๊ฉื่อ ฮู๊เนอ.

ꤗꤢ꤬ꤊꤢꤨ 5:15

เร๊อ เหย่ซี จว๊า เด๊อ เหย่ซู่ อา โอ่ เร๊อ อา แม๊เถอะ แกแยเพ เร๊อ โลเน๊ เถ่จว๊าแก เด๊อ ลูเหน่ เนอเตเพร โอ่แน โอ่ เบ๊อะเนอ. เร๊อ อา อากืออาแซ๊ แร๊คยา อาเห่อจา เร๊อ อาซิปล่อ แร๊กาคยา คยาแซ๊. แกแย เต๊เห่ แม๊เถอะ อา เร๊อ อา ชี๊เช ลอปลี เจ๊อ ลูเหล่.

ꤛꤥ꤭ꤟꤢ꤬ 10:18

แว เก่ นอเมเซอ อู เร๊อ แวเหน่ โต่ เฮ๊เนอ, อู เมเซอ แจ่ แว เตเพร่ว โต่. แว เด๊อะแลแก แว ซิปล่อ เออเนอหม่า, อู นอตื๊อดื่อ แว เตเพร่ว โต่, แว ซิปล่อ เร๊อ แว ซิปล่อ เด๊อะแล เกอเร๊อดื่อ แพ๊. แว โอ่ เร๊อ แว โพร เตอเรอฉว่าชอ เด๊อ แว ซิหยื่อ เด๊อะแลแก แวซิปล่อ หม่า อา หนิหนิ, แว ซิหยื่อ พย๊าดว้าคยา อา หม่า อา หนิหนิ แพ๊. แวเพ เมแฮหนิ แวโหง่ เร๊อ แว เบ่เม ฮู๊เออ,” อา เฮ๊ เป่ เหย่ซี ฮู๊เนอ.

ꤛꤥ꤭ꤟꤢ꤬ 18:36

แบ่เจ่ เหย่ซู่ เฮ๊ฉื่อ ลู เน๊อ, “แวเทอแวเก่ หม่า เบ๊อะเห่ขุเออ หม่าโต่. เก่ อา หม่า เบ๊อะเห่ขุเออ เฮ๊เนอ, แซ่ฮู๊ แว เก่ โต่เด๊อ แกแยยิวพู๊ อา ทวาดุทวาเต เออเต๊เห่ อา กู๊ยากู แต่เหม่ เนอ, แวโค เด๊อ อา ครวาเกอ แว เต๊เห่ เก่ วื๊อฉื่อ โทเฮ๊อ เหย่ซี กอ. ฮู๊เนอเรอ แวเทอแวเก่ หม่า เบ๊อะเห่ขุเออเนอ หม่าโต่” อา เฮ๊ ฮู๊เนอ.