มัทธิว 26:39 - ลีเทส่อพ๊าอาเซ เร๊อ เห่ขุทวาลู๊

³⁹ อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

Eastern Kayah Shadaw Dialect

³⁹ ꤢ꤬ ꤡꤝꤢ ꤟꤢꤧ꤭ꤑꤢꤩ꤭ꤕ꤫ꤥ꤬ ꤘꤣ ꤑꤢꤩ꤭ ꤒꤣꤧ꤬ꤊꤤ꤬ ꤚꤣꤧ꤬ ꤢ꤬ ꤥ꤬ꤗꤣꤧ꤭ ꤒꤣꤧ꤬ꤊꤜꤥ꤭ꤒꤢ꤭ ꤘꤣ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤣ꤮ ꤖꤢꤩ꤭꤮ ꤔꤢꤧ꤬ ꤊꤢꤩ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤕ꤫ꤢꤩ꤬ ꤠꤢꤧ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤙꤢꤩ꤭ꤜ꤫ꤢꤪ꤬ ꤣꤧ꤭ꤒꤣ꤬ꤙꤢꤩ꤬ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤊꤢꤩ꤬ꤟꤢꤩꤚꤣꤧ꤬ ꤖꤛꤢꤒꤣꤧ꤬ꤖꤢ꤭ꤊꤢꤧ꤭ ꤕ꤫ꤢꤩ꤬ ꤠꤢꤧ꤭, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ ꤡꤢꤨ꤮ ꤘꤢꤦ꤬ ꤠꤢꤧ꤭ ꤞꤤꤕꤜꤢꤪ꤬ ꤒꤥ꤬꤯ ꤡꤢꤨ꤮ ꤘꤢꤦ꤬ꤖꤢꤧ ꤔꤢꤧ꤬ ꤞꤤꤕꤜꤢꤪ꤬ ꤔꤤ꤮꤯”

มัทธิว 26:39 ပူးပေါင်းရင်းမြစ်များ

ꤛꤥ꤭ꤟꤢ꤬ 6:38

เมเตเฮ๊เรอ แว โอ่เด๊อ ม๊อขุ แฮแล เร๊อ แว แฮเม จู๋ ดื่อ แว ซิปล่อ ฮู๊เนอ หม่าโต่. แว แฮเม ฮู๊ เพร เด๊อ อา นอแฮ แว เออเตเพร อา เตซิหยื่อ เนอแพ๊.

ฟีลิปปี 2:8

เร๊อ อา แฮ เด๊อะโล เฮ๊อ อาเหน่ ฮู๊ แกแย เนอเฮ๊อ, โทเนอ, อา แด่หยว่า อาเหน่ เด๊อ อูเล. อา หนิดา จอแปแหร่ อาโหง่, อา เซอแก เจ๊อ เร๊อ อา แด่ เต เตอเจ๋อ โต่. โต่เด๊อ อา โตเบ่ เซอ เจ๊อ เด๊อ อี๊ถื่อดีเต่ลู เจ๊อ. เร๊อ อา จูเอ่ แพ๊.

มัทธิว 26:42

อา จว๊า โป่แซ๊ โตโพ๊เนอ เร๊อ อา กุยจ๊อเบ เน๊อ, “เก๋อ แว เพ๋, แว เบ่ โอ่แหน่ เฮ๊อ เตจาเตจือ เบหล่อเออ เออเต๊เบ่ เออ, พย๊าตาพาแกโต่ เก่ เฮ๊เรอ, จู๋ ดื่อ แพ๊ เน ซิปล่อ นี๋.”

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤛꤥ꤭ꤟꤢ꤬ 5:30

แบ่เจ่ เหย่ซู่ เฮ๊เป่แฮ โป่ เน๊อ, “แว เม จู๋ ดื่อ ฮู๊ แว ซิหยื่อ เม เนอหม่า อาหนิ โต่. แว เมจากาคยา ฮู๊ เพ จอแปแหร่ แด๊โฉ่ แว เนอ แพ๊. แว เต เมจากาคยา เนอหม่า อาโต แพ๊ เมเตเฮ๊เรอ แว เม จู๋ดื่อ แว ซิปล่อเนอ หม่าโต่. แว เมแพ๊ ฮู๊ เพร เด๊อ อา นอแฮแล แว เออเตเพร อา เตซิหยื่อ โอ่ เนอแพ๊.

ꤛꤥ꤭ꤟꤢ꤬ 14:31

แซ่ฮู๊ แกแย เห่ขุพู๊ เก่ ซิเงแฮ แลแค เร๊อ แว เพ อาเงเนอ, แว เม โตตื๊อแพ๊ ฮู๊ เพ เอ๊แฮ แว โหง่ เนอเต๊เห่ แพ๊. “จว๊า! เป เถ่จว๊าเฮ๊อ โป๊!”

ꤛꤥ꤭ꤟꤢ꤬ 18:11

เร๊อ แบ่เจ่ เหย่ซู่ เฮ๊ คูเปโตร เน๊อ, “แรโน ดว้าแก เน เน๊ เด๊อ อาโกล่กู เนอ เตจาเตจือ อาเบหล่อ เด๊อ แวเพ นอโอ แวเออ เนอหม่า, แว โต โอ แหน่ โต่ แอ?”

ꤛꤥ꤭ꤟꤢ꤬ 11:41

ฮู๊เนอเรอ เหย่ซี ถู่ลอ ตาพาแก หล่อดุ เนอเตเม. เร๊อ เหย่ซู่ แม๊แถ่ เด๊อ ม๊อเล เร๊อ อา เฮ๊ เน๊อ, “เก๋อ เพ, เน หนิดา แว เตกุยจ๊อเบ อาขว่าอาคยา, แว เฮ๊บุ๊ยเฮ๊เตอเรอ เน.

มัทธิว 20:22

แบ่เจ่ เฮ๊ฉื่อ เหย่ซี เน๊อ, “ซี แฮกุย เตเออเนอ ซี ซิเง เกอเร๊อ อาหรี่อาแก โต่. เตจาเตจือ เด๊อ แว ข่าเบ่ เออ ปาเนอหม่า, ซี เก่ ข่าเบ๊ เกอแหน่ ปาแอ?” เร๊อ เหย่ซี เฮ๊ฉื่อ เน๊อ, “เป ข่าเบ่ เกอ แพ๊.”

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

เตเด๊อะโลแถ่ 19:10

แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”

เห่ขุทวาลู่ 17:3

ฮู๊เนอเร๊อ เพอับราม แด๊งือ งอแล เร๊อ จอแปแหร่ เฮ๊ ลู เน๊อ,

เพรโด่แนพู๊ เต๊เห่ 10:25

เบ๊อะคูเปโตร เตเร โน เด๊อ หี่ด๊อกู เบ๊อะเนอ, เพโครเนลิอัส เอ๊โมฉื่อ ลู เร๊อ อา แด๊งือแล งอตา เด๊อ ลู กู๊โด่ช๊า เร๊อ อา จ๊อเบแถ่ ลู.

ꤜꤢꤨꤊꤢ꤬ 17:16

โทเร๊อ อา แด๊งือจ๊อเบแล เด๊อ เหย่ซู่ อา กู๊โด่ช๊า เร๊อ อา เฮ๊บุ๊ยเฮ๊เตอเรอแถ่ ลู. อา หม่า สะมาเรียพู๊ เตเพร.

ꤗꤢ꤬ꤊꤢꤨ 13:22

เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา.

ꤛꤥ꤭ꤟꤢ꤬ 5:19

ฮู๊เนอเรอ, เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, พู๊คูเออ อา เม จู๋ ดื่อ ฮู๊ อา ซิหยื่อเม เนอหม่า อาหนิ โต่. อา เมแพ๊ ฮู๊ อา แม๊เถอะ อาเพ จอแปแหร่ เมเนอ เต๊เห่ แพ๊. เพ เมเต อิเต๊ เบ่เบ่, อา พู๊คู เม เกอดื่อ ฮู๊เนอ.