มัทธิว 26:37 - ลีเทส่อพ๊าอาเซ เร๊อ เห่ขุทวาลู๊

³⁷ อา เอ๊ครวาจว๊าหนิ คูเปโตร เร๊อ เพเศเบดี อาพู๊เพรคู ซิเนอ จว๊าเต่อ เกออา เร๊อ อา ซิเปลซิหย่อ แฮ เร๊อ อา ซิปล่อกู่ ซิปล่อแก แฮแหน่เจ๊อ.

Eastern Kayah Shadaw Dialect

³⁷ ꤢ꤬ ꤢꤩꤋꤚꤝꤢ꤭ꤡꤝꤢꤔ꤫ꤤ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤖꤢꤩ꤭ꤞꤢꤩꤙꤢꤩ꤬ꤘꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤞꤤꤔꤣꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤩ꤭ꤞꤤꤛꤢꤪ꤬ ꤟꤢꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤟꤢꤧ꤭꤯

มัทธิว 26:37 ပူးပေါင်းရင်းမြစ်များ

มัทธิว 4:21

แบ่เจ่ จว๊าเป่แฮ โป่ เด๊อ เง ตี๊กิแพ๊ เร๊อ อา แม๊เถอะ โป่ โป่เร๊อแหม่ ซิเนอ เด๊อ อามุย เร๊อ คูยากอบ เร๊อ คูยอห์น. เหย่ซี หม่า เศเบดี อาพู๊. เหย่ซี โอ่แนเต่อ เร๊อ อาเพ เด๊อ ส่อเกลอกู เร๊อ เช๊รี เกอเร๊อ อา ตีวี เต๊เห่. เร๊อ แบ่เจ่ เอ๊ครวา เหย่ซี.

มัทธิว 17:1

ม๊อเนอ โซซว๊า บาโทเนอ แบ่เจ่ เหย่ซู่ เอ๊หนิ คูเปโตร, คูยากอบ เร๊อ คูยอห์น หม่าเฮ๊อ คูยากอบ อาโป่เออ เร๊อ เหย่ซี จว๊าแถ่ เด๊อ โฉ่แถ่โล เตเม อาลู. เร๊อ อา ซิ หยื่อ จว๊าโอ่ตื้อดื่อ เกอเร๊อ เหย่ซี แพ๊.

ꤗꤢ꤬ꤊꤢꤨ 5:37

โทเรอ อา เอ๊ครวาหนิ แพ๊ตื๊อ คูเปโตร, คูยากอบ เร๊อ อาโป่ คูยอห์น แพ๊ อา เอ๊หนิ แกแย เด๊อ อาโร เตเพร่ว โต่.

ꤛꤥ꤭ꤟꤢ꤬ 12:27

“อา จา แหน่เจ๊อ แว ซิปล่อ. แว โตเบ่ เฮ๊ ฮู๊เต? ‘เก๋อ เพ๋, นอข่าเบ่ แต่ แว เร๊อ เตจาเตจือ เออ แต่เหม่ นี๋.’ แว โตเบ่ เฮ๊ ฮู๊เนอ แอ? แว โตเบ่ เฮ๊ ฮู๊เนอ โต่. แว แฮแล แหน่ เฮ๊อ เด๊อ เตเออเนอ อาเงเฮ๊อ.

ꤜꤢꤨꤊꤢ꤬ 22:44

อา ซิปล่อกู่ ซิปล่อแก แฮฉว่า เนอ, อา ลื๋อ กุยจ๊อเบ ฉว่าเล๊อ โป่โป่. เร๊อ อากู่ซาเทอ แลตา เด๊อ เห่ขุ เร๊อ อา แซ่ เจ๊อ เร๊อ สุ่ยตาเม๊ เนอ เจ๊อ.

มัทธิว 20:20

โทเรอ เพเศเบดี อา พู๊ คูยอกอบ เร๊อ คูยอห์น อาโหมะ เออเนอ, อา แฮ โน เต่อ เกอ เร๊อ อาพู๊ซิเนอ เด๊อ แบ่เจ่ เหย่ซู่ อา โอ่. อาโหมะเออ แฮ แด๊งือตา เด๊อ แบ่เจ่ อาเป๊เส่เง เร๊อ กุยซิยอ แบ่เจ่ เก่ เม เป่ ลู เตเต๊อเจ่อจ่อ.

มัทธิว 4:18

เบ๊อะเหย่ซู่ จว๊า รว๊า กาลิลี เทออ่อทือ เบ๊อะเนอ, อา แม๊เถอะ โป่ เร๊อ แหม่ ซิเนอ เตเพร เร๊อ อามุย เร๊อ คูซีโมน โต่เรอ อู เอ๊ ลู เร๊อ คูเปโตร, เร๊อ อาโป่ คูอันดรูว์. เบ๊อะเนอโตโพ๊ เหย่ซี อาจว๊า วีเอ่ เต๊ว เร๊อ ตีวี เด๊อ เทอ อ่อทือ, เมเตเฮ๊เรอ อา แม๊ปูเอ่ แลแค แพ๊ อาฮ๊อกูเฉ่ เร๊อ เต๊ว แพ๊.