มัทธิว 26:24 - ลีเทส่อพ๊าอาเซ เร๊อ เห่ขุทวาลู๊

²⁴ ฮู๊ ลีเทส่อพ๊า ราม๊าหนื่ออื่อ เร๊อ แกแย อาพู๊ หม่าเฮ๊อ แวเออ อา เบ่ เซอ แหน่ปา ตื๊อดื่อเรอ เตปย๊า เตหลู่ โอ่ เกอ ดื่อ แกแย เด๊อ อา เก่ อิเชตาแก แกแยพู๊คู เออเตเพรเนอ, จอแปแหร่ เก่เมจากาคยาลู ปา. อา เก่ โอ่เป๊เจ่แล โต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

Eastern Kayah Shadaw Dialect

²⁴ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ ꤙꤢꤩ꤬ ꤞꤣꤧ꤭ ꤔꤢꤧ꤭ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤤ꤬ꤏꤢꤩ꤭ꤒꤢ꤭ꤊꤢꤧ꤭ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤨ꤭ ꤕꤢ꤭꤯ ꤢ꤬ ꤊꤢꤩ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤘꤣ ꤜꤢꤨ꤭ꤑꤢꤩ꤭ ꤡꤣꤧ꤯”

มัทธิว 26:24 ပူးပေါင်းရင်းမြစ်များ

ꤜꤢꤨꤊꤢ꤬ 24:46

เร๊อ อา เฮ๊ เป่ เหย่ซี เน๊อ, “ลีเทส่อพ๊า เฮ๊หนื่ออื่อ เนอ, ครี๊ เก่ ข่าเบ่ เตจาเตจือ ปา, โทเร๊อ โซเนอ เตอเนอ ปาเนอ, อา เก่ ก๊อถ่อเซอเพร กาคยา เด๊อ เตเซอ ปา.

มัทธิว 18:7

“เตอิลออี๊โหล่ นอเมซื๊อ อู เนอ เต๊เห่เนอ อา โอ่แถ่ อาขว่าอาคยา, จอแปแหร่เก่ เมจากาคยา แกแยเห่ขุพู๊เต๊เห่ ปา. เตเออเต๊เห่เนอ, อา เบ่ แฮทวาแถ่ หม่าแหน่ ปา. หม่าแน๊เรอ จอแปแหร่ เก๊เมจากาคยา แกแย เด๊อ อา เมทวาแถ่ เต เออเต๊เห่เนอ ปา.

โครินธ์ อาเหร่อเล๊อ ต๊าบ่า 15:3

เตหรี่เตแก เด๊อ อา โหล่ดุเล๊อ อู เด๊อ แว พย๊าหนิ เร๊อ แว เด๊อะตา แฮเง เป่ ซี เออเนอหมา หม่าเฮ๊อ, แซ่ฮู๊ เป เก่ แลเปล๊ เร๊อ เตเมจากาคยา เป เตซื๊อ เออเนอเร๊อ, ครี๊ ข่าเซอ เฮ๊อ อาซิปล่อ เฮ๊อ, ลีเทส่อพ๊ากู เฮ๊ ฮู๊เนอ.

ꤛꤥ꤭ꤟꤢ꤬ 17:12

เบ๊อะแว โอ่เต่อเกอ เร๊อ เหย่ซี เบ๊อะเนอ, แว ตอกอเตเกบี๊ เกอเร๊อ เหย่ซี เฮ๊อ, แว โอ่ป่อ แม๊ตู่หนิ เหย่ซี เร๊อ มุย เด๊อ เน เด๊อะ แว เนอ เฮ๊อ. อา โอ่เหม่แก เร๊อ เตเพร่ว โต่. แซ่ฮู๊ ลีเทส่อพ๊า เก่ เล๊อบาแฮ อาเงเนอ, อา โอ่เหม่แก ตือแพ๊ แกแย เนอเตเพร เด๊อ อู แด่ หนื่ออื่อ แหน่เฮ๊อ อา เด๊อ อา เก่ ปย๊าแหน่ ปา เนอเตเพร ตื้อดื่อ แพ๊.”

ꤜꤢꤨꤊꤢ꤬ 22:22

แกแยพู๊คู หม่าดื่อ แวเออ อา เก่ เซอ ฮู๊ จอแปแหร่ อา เตเนหนื่ออื่อ น๊อปา ตื๊อดื่อเรอ แกแย เด๊อ อา เก่ อิเชตาแก แว เออเตเพรเนอ, อา เก่ ข่าเบ่ แหน่เจ๊อ เตจาเตจือ ปา!”

ꤗꤢ꤬ꤊꤢꤨ 14:21

ฮู๊ ลีเทส่อพ๊ากู เฮ๊นื่ออื่อ เฮ๊อ แกแยพู๊คู หม่าดื่อ แวเออ อา เบ่ เซอ แหน่ปา หม่าแน๊เรอ แกแย เด๊อ อา เก่ อิเชตาแก แกแยพู๊คู เออเนอเตเพรเนอ, จอแปแหร่ เก่ เมจากาคยา ลู ปา. อา เก่ โอ่ เป๊เจ่แลเต๊เปล่เซโต่ เฮ๊เนอหม่า อาแร๊เล๊อ ปา เจ๊อ เด๊อ ลูเง เจ๊อ.”

มัทธิว 26:54

เก่ แว เมฮู๊เนอ เฮ๊เรอ ลีเทส่อพ๊า ราหนื่ออื่อ เด๊อ อา เบ่ทวา แถ่ ฮู๊เออเนอ, อา จว๊าเล๊อบาแถ่ แจ่ ฮู๊เต?”

ꤗꤢ꤬ꤊꤢꤨ 9:12

เร๊อ อา เฮ๊ฉื่อ เหย่ซี เน๊อ, “เพรโพร เอลียาห์ เบ่ แฮ เหร่อเล๊อปา เร๊อ อา เบ่ แฮ ตี๊หรี่แตแร เมแร๊ กาคยา เตล๋อ ปลี เนอหมา อา หม่าแหน่ เจ๊อ ว๊า, หม่าแน๊เรอ ลีเทส่อพ๊า เฮ๊ เร๊อ แกแยพู๊คู เออ อา โตเบ่ ข่าเบ่ เอ๊แหน่เจ๊อ เตจาเตจือ ปา. เร๊อ อูซ๊อต๊าหน่า แด่ตาพาแก อา ปา อา จว๊าเฮ๊โต่ ฮู๊เออเมเต?

มัทธิว 26:56

หม่าแน๊เรอ เตทวาแถ่ อาเหน่ ฮู๊เออ เนอหม่า แซ่ฮู๊ เพรโพร ราหนื่ออื่อแก เต๊เห่ เก่เล๊อเก่บาแถ่ อาเง แพ๊.” โทเรอ ล๋อ อา โคเจ่ เต๊เห่ ปลวาแกลู เร๊อ เถ่แกล่ ตาพาแก ลอ ลูเหล่.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

เพรโด่แนพู๊ เต๊เห่ 4:28

เด๊อ เน เตโพรเตเตอเรอ อาขว่าอาคยา เน๊อเตเด๊อ เน แด่แล โทเฮ๊อ เน ซิปล่อ เด๊อ อา เก่ ทวาแถ่ ปา เต๊เห่ อาขว่าอาคยา, แกแย เออเต๊เห่ เม แลแค เฮ๊อ ฮู๊ เน ตี๊หรี่แตแร หนื่ออื่อ โทเนอ เฮ๊อ.

เพรโด่แนพู๊ เต๊เห่ 2:23

ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา.

ꤛꤥ꤭ꤟꤢ꤬ 19:28

อา เฮ๊โท ฮู๊เนอ เร๊อ แบ่เจ่ เหย่ซู่ ซิเง เร๊อ อา เมโทลอเฮ๊อ เตปว๋า เต๊อ เจ่อ เฮ๊อ. เร๊อ แซ่ฮู๊ ลีเทส่อพ๊า เก่ เล๊อบาแถ่ อาเงเนอ, แบ่เจ่ เหย่ซู่ เฮ๊ เน๊อ, “แว ซิโอเทอ” อา เฮ๊ ฮู๊เนอ.

ꤛꤥ꤭ꤟꤢ꤬ 19:24

เหย่ซี เตเพร เร๊อ เตเพร เฮ๊ เกอเร๊อลู เน๊อ, “เป ท๊อเย อา โต่ แฮ๋, อูเป โต พย๊าหนิเป ปาเนอ, เปบ๊อเตแบบุ๊ยโป๊!” อา เฮ๊ เกอเร๊อ ลู ฮู๊เนอ. แซ่ฮู๊ ลีเทส่อพ๊า เก่ อาเล๊อบาแถ่ เร๊อ เตทวา อาเหน่ ฮู๊เออ แพ๊. ลีเทส่อพ๊า เฮ๊ เนอ, “เหย่ซี เบ พย๊า เกอเร๊อ แลแค แวจา เต๊เห่ เฮ๊อ. แซ่ฮู๊ เหย่ซี เก่ พย๊าหนิ แวจา เร๊อ อา บ๊อแลแค เตแบบุ๊ย เฮ๊อ.” เร๊อ เกลอฮู๊ เออเต๊เห่เนอ, อา เม แลแค ฮู๊เนอ เฮ๊อ.

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

มัทธิว 26:31

โทเรอ แบ่เจ่ เหย่ซู่ เฮ๊ เหย่ซี เน๊อ, “เออ เตเซ ซี วิ แก แว ปา เมเตเฮ๊เรอ ลีเทส่อพ๊า ราม๊า เฮ๊เนอ, ‘แว เก่ มือ เพรเก ซิหมิ ปา, เร๊อ ซิหมิเบ๊หมู่ เต๊เห่ เก่ แกล่โพร๊ แกล่แพร ลอ ปา.’