มัทธิว 26:10 - ลีเทส่อพ๊าอาเซ เร๊อ เห่ขุทวาลู๊

¹⁰ แบ่เจ่ เหย่ซู่ ซิเง อาขว่าอาคยา, อา เฮ๊ เหย่ซี เน๊อ, “ซี จว๊า เมดู๊แด เพรเหมาะ เออเตเพร เมเต? อา เมเตเออ เนอหม่า อาแร๊ แหน่เจ๊อ เด๊อ แวเง เฮ๊อ.

Eastern Kayah Shadaw Dialect

¹⁰ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤡꤝꤢ ꤗꤢꤩ꤬ꤘꤤꤘꤢꤧ꤭ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤩ꤬ꤒꤢꤩ꤭? ꤢ꤬ ꤗꤢꤩ꤬ꤒꤢꤩ꤬ꤣꤧ꤭ ꤔꤣꤧ꤬ꤗꤢ꤬ ꤢ꤬ꤚꤢꤧ ꤔꤢꤧ꤬ꤡꤣꤧ ꤘꤣ ꤠꤢꤧ꤭ꤑꤢꤩ꤭ ꤟꤣꤧ꤯

มัทธิว 26:10 ပူးပေါင်းရင်းမြစ်များ

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

ꤒꤤꤒꤢꤨ 3:14

แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.

ꤒꤤꤒꤢꤨ 3:1

แซ่ฮู๊ เพรหยื่อเอ่ เต๊เห่ อา นอเป๊อ เกอเร๊อ เกอ แลแค อาเหน่ เร๊อ คุ๊ยจ๊อแผ่ เต๊เห่ เรอ อา เก่ จูเอ่ เกอ แลแค เหย่ซี อาโหง่, โท๊โต่ แซ่ฮู๊ เหย่ซี เก่ โอ่ ตี๊หรี่แตแร แลแค อาเหน่ เด๊อ อา เก่ เมเตแร๊ ปว๋า เต๊อเจ่อ อาเงเนอ, เด๊อ ซิเหน่แถ่ คยาแซ๊ เหย่ซี นี๋.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

ทิโมธี เนอบ่า ต๊าบ่า 2:21

แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

ทิโมธี อาเหร่อเล๊อ ต๊าบ่า 3:1

เตเฮ๊เบ่ เออเนอหมา อาจ๊ออาเต เร๊อ แกแย เตเพรเพร เก่ ซิหยื่อ ทวา เพรหยื่อเอ่ตู๊หมู่ตอกล๊อ ทวาดุทวาเต เฮ๊เนอ, เตเม เด๊อ อา ซิหยื่อเม เออเนอหมา เตเม เด๊อ อาแร๊ เต๊อเจ่อ เฮ๊อ.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

ꤊꤢ꤬ꤜꤢ꤬ꤒꤤ 6:17

ตาแฮเง กู๊แหน่ เออเนอ, นอ เมซู๊ซ๊าแมแฮ ปา แต่ แว ซิปล่อ เร๊อ อู เตเพร่ว แต่เหม่ นี๋, เมเตเฮ๊เรอ เตอาโจยเด๊อ อา โอ่ เด๊อ แวเหน่ลู เออเต๊เห่ เนอหม่า, อา เด๊อะโล เร๊อ แว หม่า เหย่ซู่ครี๊ อาหลู่เล๊ เตเพร หม่าแหน่ เฮ๊อ.

ꤊꤢ꤬ꤜꤢ꤬ꤒꤤ 5:12

แกแย เด๊อ อา เมจา เมซู๊ซ๊า ซี ซิปล่อ เร๊อ เตดื๊อตีลี๊พ๊า อาหรี่อาแก เต๊เห่เนอ, แว ซิหยื่อ นอชุ๊ยแกหนิ ลอโป่ เจ๊อ อา เดอะ เนอ เจ๊อ.

ꤊꤢ꤬ꤜꤢ꤬ꤒꤤ 1:7

เก่ เฮ๊แหน่ หม่า เตซิครือมีลา เด๊อ อาโร เนอ อา โอ่ ปา เตอเจ๋อ โต่ เฮ๊อ, หม่าแน๊เรอ แกแย เด๊อ อา เมดู๊ดี๊ดู๊แด ซี ซิปล่อ เร๊อ อา ซิหยื่อ โบเต๊เปล่ โค๊แก ครี๊ อา เตซิครือมีลา เนอ อาโอ่ เต๊เห่.

โครินธ์ เนอบ่า ต๊าบ่า 9:8

แซ่ฮู๊ ซี เก่ พย๊าหนิ เล๊อบา ลอล๋อ เต เด๊อ ซี โหล่ เนอเต๊เห่, โท๊โต่ แซ่ฮู๊ ซี เต เก่ โอ่ เล๊อบา ตาป่อตาเป เด๊อ ซี เก่ เด๊อะเป่เกอ แฮเง เร๊อ แกแย เด๊อ อาโรเต๊เห่ อาเงเนอ, จอแปแหร่ เก่ เด๊อะบุ๊ยเด๊อะเตอเรอ เอ๊ เล๊อปา เจ๊อ เร๊อ ล๋อ ซี โหล่ เต๊เห่ เนอหม่า อา เมแจ่ แพ๊.

ꤗꤢ꤬ꤊꤢꤨ 14:6

เร๊อ เหย่ซู่ เฮ๊ เหย่ซี เน๊อ, “เมดู๊แด แต่ อา เหม่. ซี จว๊า เมดู๊แด ตาตือ อา เมเต๊? อา เมดื่อ กอกอ. อา เมตว่าเมแร๊ แหน่ เจ๊อ เฮ๊อ เตเด๊อ แวเง เฮ๊อ.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

มัทธิว 26:9

เก่ อิเช เทอโนมื๊อ เออเนอ เฮ๊หม่า อา หนิ งูดุงูชอ แหน่เจ๊อ เร๊อ อา หนิ รือ เออเนอ เด๊อ เร๊อ แกแย โซพ๊าโซแรฮู๊ เนอ กอกอ”

มัทธิว 26:11

แกแย โซพ๊าโซแรพู๊ เต๊เห่ โอ่เต่อเกอ เร๊อ ซี ปว๋า โตโพ๊ เจ๊อ, หม่าแน๊เรอ แวเออเนอ แว โอ่เต่อตี๊ตี๊ เกอ เร๊อ ซี โต่.

ꤜꤢꤨꤊꤢ꤬ 8:49

เบ๊อะเหย่ซู่ เฮ๊เบ่ปาแพ๊ เบ๊อะเนอ, แกแย เตเพร โอ่ เด๊อ เพไยรัส เด๊อ อา ทวา เตจ๊อเบโฮ กู่กล๊อ เออเตเพร อาหี่แฮ, เร๊อ อา แฮแด๊โฉ่ เป่ เพไยรัส เน๊อ, “เนพู๊เหมาะ เซอเฮ๊อ, เมดี๊แด ปา แต่ ซ๊าร๊า แต่เหม่.”