มัทธิว 25:41 - ลีเทส่อพ๊าอาเซ เร๊อ เห่ขุทวาลู๊

⁴¹ “โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.

Eastern Kayah Shadaw Dialect

⁴¹ “ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤜꤢ꤭ꤒꤢꤩ꤬ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤡꤤ꤬ ꤒꤣꤧ꤬ꤟꤢꤩ꤬ ꤔꤢꤧ, ‘ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤠꤢꤧ꤭, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤟꤢ꤭ ꤒꤣꤧ꤬ꤟꤢꤩ꤬, ꤡꤝꤢꤔꤥ꤭ ꤊꤣꤧ꤭ ꤜꤢ꤭ꤋꤢꤧ꤭ ꤘꤣ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤘꤥ꤭ ꤔꤢꤧ ꤢ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤘꤣ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤝꤢꤥ꤬ ꤙꤣꤧ ꤗꤤ꤬ ꤘꤣ ꤢ꤬ ꤕꤤ꤭ꤕ꤫ꤢꤩ꤬ ꤒꤣ꤬ꤖꤥ꤮ ꤒꤥ꤬ ꤔꤣꤧ꤬ꤒꤣ꤬ꤖꤢꤩ꤬ ꤢ꤬ꤊꤢꤨ꤭ ꤔꤣꤧ꤬꤯

มัทธิว 25:41 ပူးပေါင်းရင်းမြစ်များ

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

เธสะโลนิกา เนอบ่า ต๊าบ่า 1:9

เหย่ซี เก่ ข่าเบ่ เตปย๊าเตหลู่ ตูจูเพร อา เต เมจากาคยา เออเนอ ปา. โทเรอ แบ่เจ่ เก่ แด่ตาพาแก เหย่ซี เด๊อ อา เป๊เส่เง เร๊อ อา เตเตอเรอดุทู เด๊อ อาโพรอาเตอเรอ เออเต๊เห่ อาเป๊เส่เง ปา.

มัทธิว 13:42

โทเรอ อา เก่ วีตาลอ เหย่ซี เด๊อ หง่าหร่าปอรากยากู ปา. เด๊อ หมิอือ แกโรโซโต๊โผ่ ปาเนอ เหย่ซี อาโหง่อาเห่, อาซิ ตาจ๊า อ่าตาจ๊า เกอเร๊อ ลอปลี เจ๊อ อากู่เคอปา.

มัทธิว 13:40

“ฮู๊ อู เย๊เถ่ โอ่ปล๊อลอ โร๊ยเหมาะ เต๊เห่ เร๊อ อู ชื๊ออือแก เร๊อ หมิ เนอหม่า, ช๋า ม๊อเนอ ตื๊อดื่อ ปาหม่า อา เก่ ทวาแถ่ แซ่เกอ ฮู๊เนอ ปา.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

มัทธิว 7:23

เบ๊อะเนอเคปา แว เก่แด๊โฉ่ฉื่อ เหย่ซี เน๊อ, ‘แว ซิเงน๊อ ซี แตแค๋ โต่. แกแย เด๊อ อา เม เตมู๊แหม่รีแจ่ ซี๋ เถ่จว๊า ตาพาแก ยา เร๊อ แว.’”

มัทธิว 3:12

อา ปื่อโอ่เฮ๊อ ด่อกอ เด๊อ อา กู๊ยากู, เร๊อ อา ตี๊หรี่แตแร หนื่ออื่อเฮ๊อ เด๊อ อา เก่ อิเคร๊เช๊ โบ๊ ปา. อา อิเคร๊เช๊ โทเฮ๊อ ปา เร๊อ อา เก่ แด่โอ่ปล๊อ โบ๊เช๊ เด๊อ แจกู ปา. เร๊อ อาสู่อาพี เต๊เห่เนอ อา เก่ ชื๊อแก เร๊อ หมิ เด๊อ อา ปีเป่ โตโพ๋ โต่ เนอเต๊เผ่ อากู ปา.”

ꤟꤤꤙꤚꤢꤨ 6:8

หม่าแน๊เรอ เห่ขุเออ อา เก่ นอแด๊แถ่ แพ๊ ส่อแช๊เหมาะ เร๊อ แจ๊โจ่แจ๊แปเหมาะ เต๊เห่แพ๊ เฮ๊เนอหม่า, อาบุ๊ย โอ่ เตอเจ๋อ โต่. งยาแต๋โต่ เนอ จอแปแหร่ เก่ เมจากาคยา เหย่ซี เร๊อ อา เก่ ชื๊ออือแก เหย่ซี เร๊อ หมิ ปา.

มัทธิว 13:50

เร๊อ เตเน่ว วีตาแก เหย่ซี เด๊อ หง่าหร่าปอรากยากู ปา. เด๊อ หมิอือ แกโรโซ โต๊โผ่เนอ อู อาโหง่อาเห่ ปา, อู เก่ อ่า ตาจ๊า แลแค เจ๊อ อากู๊เคอ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

ꤜꤢꤨꤊꤢ꤬ 16:24

เร๊อ อา เอ๊โทแถ่ เน๊อ, ‘เก๋อ เพอับราฮัม! ซิยอเร๊อ แว นี๋, นอเจโนเร๊อ คูลาซารัส อา กู๊นอเคอ เด๊อ เทอกู เร๊อ นอปลวาตาเม๊ เตอเจ๊อ เร๊อเป่ แว ปลีเออ นี๋, เมเตเฮ๊เรอ แว ข่าเบ๊ เต เด๊อ หมิกู เออเนอ อาจาอาจือ แหน่เจ๊อ แว เฮ๊อ.’

ꤜꤢꤨꤊꤢ꤬ 13:27

“หม่าแน๊เรอ อา เก่ เฮ๊ฉื่อ โป่ ซี เน๊อ, ‘ซี หม่า แกแย โตเบ๊อะเนอ แว ซิเงน๊อ ซี โต่. ล๋อ ซี เออเต๊เห่ เนอหม่า แกแย เด๊อ อา เม เตมู๊แหม่รีแจ่ เนอเต๊เห่ แพ๊. เถ่จว๊า ตาพาแก ยา แลแค เร๊อ แว เนอ.’

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

มัทธิว 18:8

เน กู๊ขุ เบ่เบ่, เน กู๊โด่ เบ่เบ่, อา เก่ นอเม เน เตซื๊อ เฮ๊เรอ, ปาตือ ลอแก เร๊อ วีแก อาเนอ. เน กู๊ขุตือ, เนกู๊โด่ตือ เร๊อ เน กาโนเบ๊ เด๊อ ม๊อขุเนอ อาแร๊เล๊อ ปา เจ๊อ เน๊อ เนกู๊ขุ กู๊โด่ โอ่ปวา เร๊อ อู เบ่ วีตาแก เน เด๊อ หมิแก ตูจูเพร เด๊อ อา ปี เป่โต่ เนอเต๊เผ่ กูปา.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

มัทธิว 25:42

เมเตเฮ๊เรอ เบ๊อะแว ซิเอ่ซิโอ เนอ, ซี เด๊อะเอ่เด๊อะโอ แว โต่.

เธสะโลนิกา เนอบ่า ต๊าบ่า 1:7

หม่าแน๊เรอ ซี เร๊อ เป ข่าเบ่ เตจาเตจือ เออเต๊เห่เนอ, จอแปแหร่ เก่ เมโม กาคยาแซ๊ดื่อ เป ปา. ช๋า แบ่เจ่ เหย่ซู่ โอ่โลแถ่ เบ๊อะเนอปาเนอ, อา เก่ เมโมแถ่ คยาแซ๊ เป ปา. อา เก่ แฮ เด๊อ หมิแกโลโซ อากู ปา. อา เก่ แฮเต่อ เร๊อ อา เตเน่วพู๊ เด๊อ อา โอ่เร๊อ อา เตโพรเตเตอเรอ เออเนอ เต๊เห่ ปา.