มัทธิว 25:1 - ลีเทส่อพ๊าอาเซ เร๊อ เห่ขุทวาลู๊

¹ “เบ๊อะเนอ เค “ม๊อขุ เทอ เลเก่กู เนอ, อาแซ่เน๊อ เพร เหมาะ พู๊เส่ครวาโคร อู อาเพร เช๊อ พย๊าหนิ หมิเคว๊กอ เร๊อ จว๊าโอ่ป่อ แม๊ชือ กาฉู่แด่ เพรคู แฮ อาหรี่อาแก เออเนอเฮ๊อ.

Eastern Kayah Shadaw Dialect

¹ “ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤢ꤬ꤞꤢꤧꤔꤢꤧ ꤖꤚꤢꤩ꤬ꤗꤢꤪ꤬ ꤋꤚꤝꤢ꤭ꤋꤚꤝꤥ꤭ ꤢꤨ꤭ ꤢ꤬ꤖꤚꤢꤩ꤬ꤏꤣꤧ ꤖꤛꤢꤔ꤫ꤤ꤬ ꤗꤤ꤬ꤊꤢꤪ꤭ ꤚꤣꤧ꤬ ꤡꤝꤢꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

มัทธิว 25:1 ပူးပေါင်းရင်းမြစ်များ

เตเด๊อะโลแถ่ 19:7

เป ซิกอล๊อแกแน ซิครือซิลอ เมลีเมเตเคแถ่ โหร่ลู เป จอแปแหร่ โป๋. เมเตเฮ๊เรอ ซิหมิพู๊ เนอโตโด เก่ โตเบ่ กา กาฉู่แด่มู๊เนอ โต่เฮ๊อ. เพรกาฉู่แด่ เพรเหมาะ โอ่ ตี๊หรี่แตแร เป่ เฮ๊อ ลู เฮ๊อ.

เตเด๊อะโลแถ่ 21:9

เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เบหล่อดุ โซซว๊าเต๊เบ่ เด๊อ อา บา เร๊อ เตจาเตจือ เด๊อคยาเล๊อ โซซว๊าเต๊อเจ่อ เออ อาเกล เตเพรเนอ, อา แฮ เด๊อ แว โอ่ เร๊อ อา เฮ๊ แว เน๊อ, “แฮมอ เร๊อ แว เก่ ยูโล เน เร๊อ ซิหมิพู๊ อาเม เพรกาฉู่แด่ เพรเหมาะ เออเตเพร.”

เตเด๊อะโลแถ่ 21:2

แว แม๊เถอะ วีบูโพ๊ หม่าดื่อเฮ๊อ เยรูซาเล็ม วีเซ เออตีวีเนอ, เร๊อ อา โอ่ เด๊อ ม๊อขุ เด๊อ จอแปแหร่ อา โอ่ เร๊อ อา แฮแล. อู ตี๊หรี่แตแร กือแซ๊ หนื่ออื่อ เป่ ลู ฮู๊ เพรกาฉู่แด่ เพรเหมาะ เตเพร เด๊อ อา โอ่ป่อฉื่อ อาเว เนอ.

ꤛꤥ꤭ꤟꤢ꤬ 3:29

แว หม่า อาแซ่เน๊อ เพรครวาเกอ กาฉู่แด่ เพรคู เตเพรเนอ. กาฉู่แด่ เพรเหมาะ หม่า กาฉู่แด่ เพรคู อาเต. หม่าแน๊เรอ เพรครวาเกอ เนอเตเพร ก๊อถ่อ หนิดา กาฉู่แด่ เพรคู เฮ๊เบ่. อา หนิโฮ ลูโหง่ อาขว่าอาคยา, อา ซิครือซิลอ แหน่เจ๊อ. ฮู๊เนอเฮ๊อ แว เตซิครือ เออเนอ อา เล๊อแถ่บาแถ่ เฮ๊อ.

มัทธิว 13:24

เหย่ซู่ แด๊โฉ่ เป่ โป่ เหย่ซี โหง่ค๊าโข่ เด๊อ อาโร โต๊โต่ เร๊อ อา เฮ๊ เน๊อ, “ม๊อขุ เทอเลเก่กู เนอ อาแซ่เน๊อ เพรเมกู่เกล เตเพร แฮเว๊อตาแก โบ๊กู่ลากลุย เด๊อ อาโชแร๊ เต๊เห่ เด๊อ กู่เกลขุ.

เตเด๊อะโลแถ่ 14:4

เหย่ซี เออเต๊เห่ เนอหม่า เพรคู เด๊อ อาซิปล่อ อาโพ๊อาแปละ เร๊อ อา โอ่เมอ เต่อน๊อ เร๊อ เพรเหมาะ โต่ เต๊เห่. เหย่ซี หม่า เพรคูพู๊เส่ เด๊อ อา จ๊อจื้อ เต๊เห่. ซิหมิพู๊ เนอโตโด จว๊าเบ๊อะเต๋ โต๊โผ่ เบ่เบ่, เหย่ซี ครวาจว๊าเกอ ลูคยา. เหย่ซี หม่า อู อี๊ถ่ากา โทเฮ๊อ อา เด๊อ เห่ขุพู๊ เต๊เห่ อาเกล เร๊อ เหย่ซี หม่า แกแย เต๊เห่ เด๊อ อู หลู่แถ่ เหร่อเล๊อ ลู เด๊อ จอแปแหร่ เร๊อ ซิหมิพู๊ เนอโตโด อาโอ่ เฮ๊อ.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

มัทธิว 22:2

“ม๊อขุ อา เทอเลเก่กู เนอหม่า อาแซ่เน๊อ คุ๊ย เตเพร เด๊อ อา ตี๊หรี่แตแร โอ่หนื่ออื่อ เป่ อา พู๊เพรคู ป่วย กาฉู่แด่ เด๊อ อา เก่ เล๊เอ่เล๊โอ ฉื่อ อู อาเง เออเนอ เตเพรเฮ๊อ.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

โครินธ์ อาเหร่อเล๊อ ต๊าบ่า 11:2

ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.

มัทธิว 20:1

“เมเตเฮ๊เรอ, ม๊อขุ เทอเลเก่กู หม่า อาแซ่เน๊อ เพร๊ แบ่เจ่ เตเพร เด๊อ อา เถ่จว๊า โรมื่อ เร๊อ อา จว๊า แด่เก่ แฮ อู เด๊อ อา แท๊ทือเผ่ขุ. เออเนอเฮ๊อ.

มัทธิว 13:47

“โป่โตโพ๊ปา, ม๊อขุ เทอเลเก่กู เนอ อาแซ่เน๊อ ตีวี เด๊อเพรเมเอ่เต๊ว วี ตา ตีวี เด๊อ เทออ่อกู เร๊อ เต๊ว ปว๊าเมวปว๊าเจ่อ แฮหนิ เนอ เฮ๊อ.

มัทธิว 13:38

เพร๊ อาโหง่แลช๊า หม่า เห่ขุ เออต๊าบ่า เฮ๊อ, โบ๊กู่ลากลุย เด๊อ อาโช เต๊เห่ อาโหง่แลช๊า หม่า ม๊อขุ เทอเลเก่กูพู๊ เต๊เห่เฮ๊อ, โร๊ยเหมาะ เต๊เห่ อาโหง่แลช๊า หม่า แกแย โลเน๊มู๊แหม่รีแจ่ อาพู๊ เต๊เห่เฮ๊อ.

เตเด๊อะโลแถ่ 4:5

เบ๊อะเนออาเค, เด๊อ จ๊อแผ่ กู่แกล๊เท แถ่โล เนอเตเม อากู เนอ, ฉ่าลีบ๊อ เถ่, ม๊อครอม๊อโหง่, ฉ่าแลลอปลี เจ๊อ, เด๊อ จ๊อแผ่กู่แกล๊ เทแถ่โล อาแบ๊เงเนอ, หมิเต๊โบโซซว๊าโตโบ หม่าดื่อ จอแปแหร่อาแหย่โยบูโพ๊ โซซว๊าเตเม เออเนอ, อาแกโลโซ แถ่ เบ๊อะเนอ.

โครินธ์ เนอบ่า ต๊าบ่า 11:2

เมเตเฮ๊เรอ แว ซิปล่อฉว่า แหน่เจ๊อ เด๊อ ซี เก่ ซิปล่อจ๊อ ตื๊อดื่อ เร๊อ ครี๊. ซี เต๊เห่เนอ อา แซ่เจ๊อเร๊อ เพรเหมาะพู๊เส่ เด๊อ อาซิปล่อ อาโพ๊อาแปละ เตเพร เด๊อ แว อ๊อแล โทเฮ๊อ แวโหง่ เร๊อ แว เก่ เด๊อะม๊า เป่ เร๊อ เพรคู ปา เตเพร เด๊อ อา หม่าเฮ๊อ ตื๊อ ครี๊ เออ ปาเนอ เตเพร เฮ๊อ.

มัทธิว 9:15

แบ่เจ่ เหย่ซู่ เฮ๊ฉื่อ เหย่ซี เน๊อ โหง่ค๊าโข่ ตือมือ เร๊อ อา เฮ๊ เน๊อ, “เบ๊อะกาฉู่แด่เพรคู โอ่เต่อเกอปา เร๊อ อาโค ซิเผระ ซิแม เบ๊อะเนอ, อา โคซิเผระ เออเต๊เห่ จว๊าซิเปล แจ่ ฮู๊เต? หม่าแน๊เรอ ช๋า เบ๊อะแฮโต่เฮ๊อ เด๊อ อู เอ๊จว๊า ตาพาแกเฮ๊อ กาฉู่แด่เพรคู เฮ๊อปา เบ๊อะเนอ, เหย่ซี เก่ โด่เอ่โด่โอ แลแค ปา.

มัทธิว 5:16

ฮู๊เนอเฮ๊อ, แซ่ฮู๊ อู เก่ ถู่เซ๊แถ่ เปเพ โอ่เด๊อ ม๊อขุ เออเตเพร อาเงเนอ, นอลีเตเค จว๊าโล เกอ ซี เตเมแร๊ เนอเต๊เห่ เด๊อ อู ปว๋า เตเพร อาแบ๊เง เนอ.”

เพรโด่แนพู๊ เต๊เห่ 20:8

หี่ด๊อกู เด๊อ อาขุโต๊โต่ เบ๊อะเป เหล่โอ่กู๊เต่อ ลู อาเหล่โอ่ เนอ, อู ชีลี เอ๊ลา หมิ.

มัทธิว 13:31

แบ่เจ่ เหย่ซู่ แด๊โฉ่เป่โป่ เหย่ซี โหง่ค๊าโข่ เด๊อ อาโร โต๊โต่ เน๊อ, “ม๊อขุ เทอเลเก่กู เนอหม่า อาแซ่เน๊อ แกแยเตเพร โหล่ตาเต๊เปล่ปล่อ ต๊อปล่อ เด๊อ อากู่เกลขุ เนอ เฮ๊อ.

มัทธิว 25:7

“เพรเหมาะ พู๊เส่ เด๊อ อา ครวาโครอู เออ ล๊อ ปลี ก๊อถ่อ เร๊อ ตี๊หรี่แตแร แลแค อาหมิเคว๊กอ ปว๊าเตเพร.

ꤛꤥ꤭ꤟꤢ꤬ 18:3

ฮู๊เนอเรอ, คูยูดาส จว๊า เด๊อ โต๊โฉ่เผ่เนอ เต๊เหล่ขุ. เร๊อ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ นอแฮ เต่อเกอ โรมัน เกลอฮู๊ เต๊เห่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่ เร๊อ คูยูดาส. เหย่ซี พย๊าแฮหนิ หมิเคว๊กอ ซีเต๊เห่, หมิเฉ่ เต๊เห่ เร๊อ โจ๊โกโจ๊เบ เต๊เห่.

เตเด๊อะโลแถ่ 8:10

โทเรอ เตเน่วพู๊ ซิโซ เตเพร โอ๊แถ่ อากวา เบ๊อะเนอ, เฉ่ดุ เตเม เด๊อ อา ลีเตเค แซ่เจ๊อเร๊อ หมิเคว๊กอ เออเตเม โอ่ เด๊อ ม๊อเล แลตา เร๊อ อา แลตาโน เด๊อ เทอแลโหมะ เต๊เห่ อากู โซปุ๊ยตูปุ๊ย, อา แลตาโน เด๊อ เทอเถ่ขุ เต๊เห่ อากู โซปุ๊ยตูปุ๊ย.