มัทธิว 24:9 - ลีเทส่อพ๊าอาเซ เร๊อ เห่ขุทวาลู๊

⁹ “โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา.

Eastern Kayah Shadaw Dialect

⁹ “ꤓꤥ꤭ꤚꤣꤧ꤬ ꤢꤨ꤭ ꤊ꤫ꤢꤦ꤬ꤕ꤫ꤢꤦ꤬ꤊ꤫ꤢꤦ꤬ꤡꤢꤪ꤭ ꤜꤢꤪ꤭ ꤞꤤ꤭ ꤕꤢ꤭, ꤢꤨ꤭ ꤊ꤫ꤢꤦ꤬ꤗꤢꤦ꤭ꤊ꤫ꤢꤦ꤬ꤕꤢꤪ꤬ ꤜꤢꤪ꤭ ꤞꤤ꤭ ꤕꤢ꤭ ꤓꤥ꤭ꤒꤥ꤬ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ ꤞꤤ꤭ ꤕꤢ꤭꤯ ꤘꤣ ꤞꤤ꤭ ꤡꤢꤪ ꤔꤢꤧ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤒꤣꤧ꤬ꤋꤥ꤭ ꤜꤢꤪ꤭ ꤞꤤ꤭ ꤕꤢ꤭꤯

มัทธิว 24:9 ပူးပေါင်းရင်းမြစ်များ

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

ꤜꤢꤨꤊꤢ꤬ 21:12

“หม่าแน๊เรอ เบ๊อะเตเออเต๊เห่ ทวาแถ่ แต่ล๋ายโต่ เบ๊อะเนอ, เด๊อ แวมุย อาขว่าอาคยาเร๊อ, อู เก่ ปื่อ ซี อู เก่ เมจาเมจือ ซี ปา. อู เก่ ซูจว๊า ซี เด๊อ เตจ๊อเบโฮกู ปา เร๊อ อู เก่ เจแม๊ ซี ปา, อู เก่ ด๊อตา ซี เด๊อ ทอกู ปา. โทเรอ อู เก่ ซูจว๊า ซี เด๊อ คุ๊ย เร๊อ จ๊อแผ่ เต๊เห่ อา เป๊เส่เง ปา.

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

เปโตร อาเหร่อเล๊อ ต๊าบ่า 4:16

หม่าแน๊เรอ เด๊อ ซี ทวา ครี๊พู๊ อาขว่าอาคยาเร๊อ, ซี ข่าเบ่ เตจาเตจือ เฮ๊เนอ, ซิเตเร แต่ แลแค แต่เหม่ นี๋. อู เอ๊เจ๊อ เฮ๊อ ซี เร๊อ ครี๊ อามุย เฮ๊อ อาขว่าอาคยา, ตูรู๊ ถู่เซ๊แถ่ แลแค จอแปแหร่ นี๋.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.

เพรโด่แนพู๊ เต๊เห่ 7:59

เบ๊อะเหย่ซี ต่า คูสเทเฟน เร๊อ หล่อ เนอ, คูสเทเฟน กุยจ๊อเบแถ่ แบ่เจ่ เร๊อ อา เฮ๊ เน๊อ, “แบ่เจ่ เหย่ซู๋, พย๊าดว้าแก แว ซิปล่อ เออ.”

ꤜꤢꤨꤊꤢ꤬ 11:49

เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

เพรโด่แนพู๊ เต๊เห่ 28:22

หม่าแน๊เรอ เป ซิหยื่อ หนิโฮ เกอดื่อ เน เตแม๊เถอะ เร๊อ เน เตเหล่เตเน เต๊เห่ แพ๊, เมเตเฮ๊เรอ, เป ซิเง เน๊อ แกแย เบ๊อะเต๋ โต๊โผ่ เบ่เบ่ อา เฮ๊ โตโมแตแก่ ลอปลี แกแย เออเตอหมู่.”

มัทธิว 22:6

อา โอ่แก เต๊เห่ เกอลาติ หม่า แกแย เด๊อ ปื่อ เมจาเมจือ คุ๊ย อาหลู่เล๊ เต๊เห่, เร๊อ อาเมแร๊ ลูโต่ เร๊อ อาเมเซอ ลู เนอ.

ꤛꤥ꤭ꤟꤢ꤬ 15:18

“แกแย เห่ขุพู๊ เต๊เห่ เก่ ซิเถ่ ซี เฮ๊เนอ, เตเนแถ่ โต่เบ่ แลแค เน๊อ อา ซิเถ่ เหร่อโทเฮ๊อ แว เนอ นี๋.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.