มัทธิว 24:21 - ลีเทส่อพ๊าอาเซ เร๊อ เห่ขุทวาลู๊

²¹ เบ๊อะเนอเคปา, เตแป่เตเช เร๊อ เตจาเตจือ เต๊เห่ เก่ โอ่แถ่ ดุแหน่เจ๊อปา. เด๊อ เหขุทวาแถ่ลู่ปา โต่เจ๊อ กู๊แหน่เค เออเนอ เบ่เบ่, เด๊อโหน่ เด๊อคยาปาเบ่เบ่, เตแป่เตเช เตจาเตจือ เด๊อ แม๊เถอะน๊อ แตแค๊โต่เนอ อาเก่ ทวาแถ่ปา.

Eastern Kayah Shadaw Dialect

²¹ ꤙꤣꤧꤔꤣꤧ꤬ꤋꤢꤩ꤭ꤕꤢ꤭ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤕꤢ꤭꤯ ꤘꤣ ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ꤜꤢꤨ ꤕꤢ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ ꤡꤣꤧ ꤙꤢꤩ꤬ꤙꤢꤩ꤬, ꤘꤣꤔꤥ꤬ꤘꤣꤋꤛꤢ꤭ ꤕꤢ꤭ ꤙꤢꤩ꤬ꤙꤢꤩ꤬, ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭, ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣ ꤗꤢꤧꤓ꤫ꤣꤧ꤬ꤔꤢꤪ ꤒꤣꤧ꤬ꤋꤢꤧ꤮ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤕꤢ꤭꤯

มัทธิว 24:21 ပူးပေါင်းရင်းမြစ်များ

ꤜꤢꤨꤊꤢ꤬ 21:24

อู เก่ เมเซอ เหย่ซี เต๊เห่เห่ เร๊อ เน๊ ปา, เร๊อ เต๊เห่เห่เนอ, อู เก่ ปื่อจุ่ยจว๊าแก เหย่ซี เด๊อ เก่ปว๊าเต๊เก่ เด๊อ เห่ขุ เออเนอ ปา. แกแยยิวพู๊ หม่าโต่ เต๊เห่ เก่ เมจาเมจือ เป่เอ่ เป่โอ วีเยรูซาเล็ม เต๊เห่ ปา. เร๊อ อา เก่ เป๊อ โต่เด๊อ เหย่ซี แกแยยิวพู๊ หม่าโต่ เต๊เห่ เบ๊อะเล๊อแถ่บาแถ่ เฮ๊อ โตโพ๊ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอ เตเมแลเปล๊กา อาเงเนอเรอ, เป แด๊โฉ่โด่แน โล เป่เกอ เฮ๊อ เหย่ซี เร๊อ เตซิครือมีลา เฮ๊อ. เบ๊อะเนออาเค แกแยยิวพู๊ เต๊เห่ เมดู๊แด ตาตือ เป. ฮู๊เนอเร๊อ เหย่ซี เมเต เต๊เห่เนอ, อา แด่บาแถ่โจโม เกอเร๊อ ลอปลี เจ๊อ อา เตซื๊อเตโอ่หร่า เนอเต๊เห่ โต่ เจ๊อเด๊อ เหล่แด่แถ่ อาเหล่โอ่ โอ่ปา เจ๊อโต่ เฮ๊อ. กู๊แหน่เออ จอแปแหร่ อา เตซิปล่อดุ อา เตเมจากาคยา เด๊อ คยาเล๊อ เออเนอ อา เก่ แฮโต่เฮ๊อ เด๊อ เหย่ซี โอ่ เฮ๊อ.

มัทธิว 24:29

“เบ๊อะเตจาเตจือ, เตแป่เตเช ม๊อเนอ ม๊อเซ โอ่ทวาแถ่ ตาลว๊า โทเฮ๊อ ปาเนอ, โตโพ๊โต ‘จอแปแหร่ เก่ เมคี๊แก ต๊อเหมาะ ปา เล เก่ ลี ปาโต่เฮ๊อ เฉ่ เด๊อ ม๊อเล เต๊เห่ อา แลตาพรอ แก ลอปา. เร๊อ จอแปแหร่ เก่ เม โกโยลอ ม๊อเล อาเตโพรเตเตอเรอ ล๋อปลี เต๊เห่ปา.’

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

มัทธิว 24:20

ซี เบ่ เถ่แกล่ เบ๊อะเนอเคเนอ, แซ่ฮู๊ ตาโตเบ่ แต่ เร๊อ เก๊โหร่เค แต่เหม่ หม่าโต่เรอ แกแยยิวพู๊ อาม๊อเนอโด่ แต่เหม่เนอ, กุยจ๊อเบ แลแคนี๋.

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

เตเด๊อะโลแถ่ 16:18

เร๊อ ฉ่าลีบ๊อ, ม๊อครอม๊อโหง่, ฉ่าแลแปลโหมะ, เตเน่วท๊อดี ฉว่าชอ ซีเต๊เห่ โอ่แถ่ ลอปลี เจ๊อ. เป๊อแถ่ เด๊อ อู แบ๊แลลู่ แกแยเห่ขุพู๊ โต่ เบ๊อะเนอเค ปาเนอ, เตเน่วท๊อดี ฉว่าชอ แซ่ฮู๊เนอ อา ทวาแถ่ นอ โตโพ๋ โต่. เออ หม่า เตเน่วท๊อดี เด๊อ อาฉว่าอาชอ เล๊อ อู เฮ๊อ.