มัทธิว 24:13 - ลีเทส่อพ๊าอาเซ เร๊อ เห่ขุทวาลู๊

¹³ หม่าแน๊เรอ แกแย เด๊อ โอ่กลอช๊อหม่า เด๊อ อาเตหยื่อ เตแหน่ โต่เด๊อ อาตื๊อดื่อ เต๊เห่เนอ, จอแปแหร่ เก่ กาเมแลเปล๊ เหย่ซี ปา.

Eastern Kayah Shadaw Dialect

¹³ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤣꤧ꤬ꤓꤢꤪ꤬ꤒꤣꤧ꤬ꤔꤢꤧ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤒ꤫ꤥ꤬ꤘꤣ ꤢ꤬ꤒꤣꤧ꤬ꤘꤢꤦ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤛꤢꤩ꤬ꤞꤤ꤭ ꤕꤢ꤭꤯

มัทธิว 24:13 ပူးပေါင်းရင်းမြစ်များ

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

ꤟꤤꤙꤚꤢꤨ 10:39

เป หม่า แกแย เด๊อ อา จว๊า ตาพา โค๊แก เต๊เห่, เร๊อ อา จว๊าโต่ เด๊อ เตปย๊าเตหลู่ ปา เนอเต๊เห่ หม่าโต่. เป หม่า แกแย เด๊อ อา หยื่อเอ่ เต เต๊เห่ เร๊อ อา เก่ พย๊าหนิ เตเมแลเปล๊กา ปา เต๊เห่ เฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

ꤜꤢꤨꤊꤢ꤬ 8:15

เตกลุย ลูตาโต เด๊อ เห่หย่ารีหย่าแร๊ อาโหง่แลช๊า หม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา หยื่อเอ่ จ๊อจื้อ เร๊อ อา โตเร๊อ พย๊าหม่า เด๊อ อา ซิปล่อกู, โท๊โต่ อา หนิดา แร๊ จอแปแหร่ โหง่ เร๊อ อา ข่าแด่ทูซิปล่อ โต่ เจ๊อ เด๊อ อาเส่เถ่โพเถ่เจ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

มัทธิว 24:6

ซี เก่ หนิโฮ เตช๊าเตปา เร๊อ ซี เก่ หนิโฮโท หนิโฮแล เร๊อ อู เก่ช๊าเก่ปา ลู ปา ตื๊อดื่อเรอ ซิอิเช เบ่ยอเบ่สี่ แต่ แลแค แต่เหม่ นี๋. ฮู๊เออ เต๊เห่ เนอหม่า อา เบ่ ทวาแถ่ แหน่ ปา, หม่าแน๊เรอ เออเนอหมา เห่ขุ เตเร ตื๊อดื่อ เฮ๊อเนอ หม่าล๋ายโต่.

มัทธิว 24:12

เตมู๊แหม่รีแจ่ โอ่แถ่เอ๊ อาขว่าอาคยา, เตโมเร๊อ ลู เตเพร เร๊อ เตเพร เก่ โอ่เหม่ แฮ เร๊อ แฮ ปา.

ꤜꤢꤨꤊꤢ꤬ 21:19

โอ่หม่าแตแน แลแค เร๊อ ซี เก่ เตเมแลเปล๊แก เกอเร๊อดื่อ ซีเหน่ ปา.