มัทธิว 24:10 - ลีเทส่อพ๊าอาเซ เร๊อ เห่ขุทวาลู๊

¹⁰ เบ๊อะเนอเค ปา แกแย เก่ วีแก เอ๊ลา อา เตหยื่อเตแหน่ปา. เหย่ซี เก่ เตเน เช เอ่ ลูมุย เตเพร เร๊อ เตเพร ปา. เร๊ออา เก่ ซิโตโคเกอ เร๊อ ลู เตเพร เร๊อ เตเพร ปา.

Eastern Kayah Shadaw Dialect

¹⁰ ꤙꤣꤧꤔꤣꤧ꤬ꤋꤢꤩ꤭ ꤕꤢ꤭ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤢꤩꤜꤥ꤬ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤤ꤬ꤏꤢꤩ꤭ꤢꤩ꤬ ꤜꤢꤨ꤭ꤗꤝꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤞꤤꤒꤣꤧ꤬ꤋꤥ꤭ ꤚꤣꤧꤘꤢꤦ꤬ ꤜꤢꤪ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤢ꤭꤯

มัทธิว 24:10 ပူးပေါင်းရင်းမြစ်များ

ꤜꤢꤨꤊꤢ꤬ 21:16

ซี โป่แหว่, โหมะเพ, กลุยแล, โคซว๊า เต๊เห่ อา อิแช๊เซอ เกอ เร๊อ ดื่อ ซีมุย ปา. เหย่ซี เก่ เมเซอ ซีเต๊เห่ ปา.

ꤗꤢ꤬ꤊꤢꤨ 13:12

“เบ๊อะเบอ ปาเนอ, โป่ เก่ นอเมเซอ หนิเร๊อดื่อ อาแหม่ เร๊อ อูโร ปา, เร๊อ แหม่ เก่ นอเมเซอ หนิเร๊อดื่อ อาโป่ เร๊อ อูโร ปา, เพ เก่ นอเมเซอ เร๊อดื่อ อาพู๊ เร๊อ อูโร ปา, พู๊ เต๊เห่ อา วื๊อ กาคยาฉื่อ เกอเร๊อดื่อ อาโหมะอาเพ เต๊เห่ ปา, เร๊อ อา เก่ นอเมเซอ เกอเร๊อดื่อ อู เร๊อ อาโหมะอาเพ เต๊เห่ปา. เด๊อ แวขว่าแวคยา เร๊อ แกแย ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อโอ่หม่า โอ่แตแนแร๊ เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ จอแปแหร่ เก่ เมแลเปล๊กา เหย่ซี ปา.”

มัทธิว 11:6

อู เป๊เป๋ เบ่เบ่ เด๊อ อา เท๊ฉื่อ แวโต่, หยื่อเอ่ แว อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

ꤗꤢ꤬ꤊꤢꤨ 4:17

หม่าแน๊เรออาหรุ่ย ย๋อ ตาแย โต่ อาขว่าอาคยา, อา เซอเพร เตอเปลอฮู๊ แพ๊. อา หยื่อเอ่ จอแปแหร่ อาลาอาโหง่ หม่าแน๊เรอ เบ๊อะเตจาเตจือ เตมู๊แหม่รีแจ่ กา เบ่ เหย่ซี เบ๊อะเนอ, โตโพ๊โต อาซิปล่อ ลูจว๊าโค๊แก เร๊อ อา แลคื๊อ แก คยาแซ๊ แพ๊.

ทิโมธี เนอบ่า ต๊าบ่า 4:16

เบ๊อะแว เฮ๊เบ่ เตเก บี๊เกอเร๊อ แวเหน่ เน๊อ อู เมจากาคยา แว อาเหร่อเล๊อ โตโพ๊ เบ๊อะเนอ, อู โอ่เกอ เด๊อ แว ช๊า เตเพร่ว โต่. อู แกล่ ตาพาแก ลอปลี แวเหล่. เก๋อ จอแปแหร่, แด่ แต่ เตซื๊อ เด๊อ เหย่ซี อาโอ่ เตเพร่ว แต่เหม่ นี๋.

มัทธิว 13:21

หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.

มัทธิว 10:21

“เบ๊อะเนออาเค ปาเนอ, โป่ เก่ นอเมเซอ เกอ เร๊อดื่อ อาแหม่ เร๊อ อูโร ปา, เร๊อ เพ เก่ นอเมเซอ เร๊อดื่อ อาพู๊ เร๊อ อูโร ปา, อาพู๊เก่ วื๊อ กาคยาฉื่อ เกอเร๊อดื่อ อาโหมะอาเพ เต๊เห่ ปา, เร๊อ อา เก่ นอ เมเซอ เกอเร๊อดื่อ แกแย เร๊อ อาโหมะ อาเพ ปา.

ทิโมธี เนอบ่า ต๊าบ่า 4:10

เมเตเฮ๊เรอ, คูเดมาส โมหนิเร๊อ เต, ปว๋า เต๊อเจ่อ เด๊อ เห่ขุเออ อาขว่าอาคยา, อา จว๊า ตาพาแก เฮ๊อ เน๊อ แว เฮ๊อ, เร๊อ อา จว๊าเฮ๊อ เด๊อ วีเธสะโลนิกา เฮ๊อ. คูเครสเซนส์ เร๊อ อา จว๊าเฮ๊อ เด๊อ กาลาเทียเก่ เร๊อ คูติตัส เร๊อ อา จว๊าเกอลาติ เด๊อ ดาลมาเทียเก่ เฮ๊อ.

ทิโมธี เนอบ่า ต๊าบ่า 1:15

เน ซิเง เร๊อ ล๋อ แกแย โอ่ เด๊อ เอเซียเก่กู เต๊เห่เนอ เหย่ซี ตีรี๊ จว๊าโค๊แก ลอปลีเฮ๊อ แว เหล่ เฮ๊อ เร๊อ เด๊อ เหย่ซี เนอเต๊เห่ อาเกลเนอหม่า, คูฟีเจลัส เน๊อ คูเฮอร์โมเกเนส โอ่เต่อเกอดื่อ เบ๊อะเนอ.

มัทธิว 13:57

เร๊อ เหย่ซี เฮ๊ แลแค ฮู๊เนอ. โท๊โต่ เหย่ซี เอ๊โมฉื่อ เหย่ซู่โต่, เร๊อ เหย่ซู่ เฮ๊ เหย่ซี เน๊อ, “แกแย เด๊อ อา แด่หยื่อแด่แหน่ หนิเกอเร๊อ เพรโพร โต่ เต๊เห่ เนอหม่า ตื๊อแพ๊ อา ดอกูพู๊ เร๊อดื่อ เร๊อ อาหี่ด๊อ หี่แพ เร๊อดื่อ เต๊เห่ แพ๊.”

มัทธิว 24:11

โท๊โต่ เพรโพร อากลว่า แลโฮ อาเหน่ เต๊เห่ เก่ โอ่โล แถ่ เอ๊ลา ปา, เร๊อ อา เก่ อิลออี๊โหล่ แลโฮ เอ๊ลา อู ปา.