มัทธิว 23:7 - ลีเทส่อพ๊าอาเซ เร๊อ เห่ขุทวาลู๊

⁷ เด๊อ เกล๊กู แกแย โอ่ปลู่โอ่เผ่ อาเกล เฮ๊เนอ, อา ซิหยื่อ นอเฮ๊เบ่ เบ่หยื่อ อู เร๊อ อาเหน่, เร๊อ อา ซิหยื่อ นอเอ๊ ‘ซ๊าร๊า’ อู เร๊อ อาเหน่เหน่.

Eastern Kayah Shadaw Dialect

⁷ ꤘꤣ ꤊꤜꤢꤩꤊꤢꤨ꤭ ꤊꤣꤧ꤬ꤛꤢꤧ꤭ ꤥ꤬ꤕꤜꤢꤨ꤬ꤥ꤬ꤖꤢꤩ꤬ ꤢ꤬ꤊꤜꤢꤩ꤭ ꤟꤢꤩꤔꤣꤧ꤬, ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤟꤢꤩꤙꤢꤩ꤬ ꤘꤢꤧ꤬ꤛ꤫ꤢꤦ꤬ ꤢꤨ꤭ ꤔꤢꤧ ꤢ꤬ꤔ꤫ꤢꤩ꤬, ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤢꤩ ‘ꤞꤢꤚꤢ’ ꤢꤨ꤭ ꤔꤢꤧ ꤢ꤬ꤔ꤫ꤢꤩ꤬ꤔ꤫ꤢꤩ꤬꤯

มัทธิว 23:7 ပူးပေါင်းရင်းမြစ်များ

ꤛꤥ꤭ꤟꤢ꤬ 1:38

เบ๊อะเหย่ซู่ ตีรี๊ แม๊กาคยา เบ๊อะเนอ, อา แม๊เถอะ เหย่ซี ครวาจว๊าเกอ ลู เด๊อ คยา เร๊อ อา แด๊เฮอ เหย่ซี เน๊อ, “ซี แม๊ปู อิเต?” เหย่ซี เฮ๊ฉื่อ เน๊อ, “รับบี, เน โอ่เมอโต หี่ เบ๊อะเตเมเต?” (รับบี อาโหง่แลช๊า หม่า ซ๊าร๊า)

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

ꤛꤥ꤭ꤟꤢ꤬ 20:16

“เหมาะมารีย์,” แบ่เจ่ เหย่ซู่ เฮ๊ ลู ฮู๊เนอ. เร๊อ อา ตีรี๊ จว๊าโต ลู เร๊อ อา เฮ๊ฉื่อ ลู เน๊อ ฮีบรูโหง่ เร๊อ อา เฮ๊ เน๊อ, “หร่าบ่านี๋.” (อาโหง่แลช๊า หม่า ซ๊าร๊า)

ꤛꤥ꤭ꤟꤢ꤬ 6:25

เบ๊อะเหย่ซี จว๊า แม๊เถอะเฮ๊อ เหย่ซู่ เด๊อ เทออ่อดุ แบ๊เร เบ๊อะเนอ, อา แด๊เฮอ ลู เน๊อ, “รับบี, เน แฮโต่ เบ๊อะเออ บ๊อเกเต?”

ꤛꤥ꤭ꤟꤢ꤬ 3:26

เหย่ซี จว๊า เด๊อ คูยอห์น อา โอ่ เร๊อ อา เฮ๊ ลู เน๊อ, “ซ๊าร๋า แกแย เด๊อ อา โอ่เกอ เร๊อ เร๊อ เบ๊อะจอร์แดน เทอแลโหมะ แบ๊เร เร๊อ เน ข่าเฮ๊โล เป่ อู เร๊อ อา อาหรี่อาแก เนอเตเพร นี๋ กู๊แหน่เออ อา จว๊าเจ เป่ อู เทอ เร๊อ อู จว๊า ลอปลีเฮ๊อ เด๊อ ลูโอ่ เฮ๊อ.”

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

ꤗꤢ꤬ꤊꤢꤨ 10:51

เหย่ซู่ แด๊เฮอ ลู เน๊อ, “เน ซิหยื่อ นอเม แว หม่าอิเต?” เร๊อแกแย เป๊เส่คี๊ เออเตเพร เฮ๊ฉื่อ ลู เน๊อ, “ซ๊าร๋า, แว ซิหยื่อ แม๊เถอะ แจ่ เกออูนี๋.”

ꤗꤢ꤬ꤊꤢꤨ 9:5

คูเปโตร เฮ๊ เหย่ซู่ เน๊อ, “เกอ, ซ๊าร๋า, เหล่โอ่ เบ๊อะเออ โต๊โผ่ เร๊อ อาตว่า โมแร๊ ลา, เป เก่ ช๊อแถ่เป่ ซี เหล่สื่อ โซเม, เตเมเร๊อ เนเง, เตเมเร๊อ คูโมเสส อาเง, เตเมเร๊อ เพรโพร เอลียาห์ อาเง.”

มัทธิว 23:8

“หม่าแน๊เรอ ซี เร๊อ นอ เอ๊ ‘ซ๊าร๊า’ แต่ อู เร๊อ ซีเหน่ แต่เหม่ นี๋, เมเตเฮ๊เรอ ซีซ๊าร๊า หม่า อา โอ่ แพ๊ เตเพรเพร่ว แพ๊.

มัทธิว 11:16

“แว เก่ โตโล แม๊ ซี แกแย เออเตอทือ เร๊อ หม่าอิเต? เหย่ซี หม่า อาแซ่เน๊อ เป๊เจ่พู๊ เด๊อ อา จว๊า โอ่แนโอ่ แลแค เด๊อ เกล๊กู เนอเต๊เห่ เร๊อ เอ๊โทเอ๊โม จว๊า เกอ เร๊อ ลูเตเพร เน๊อ เตเพร เน๊อ อาเฮ๊ แล แค เน๊อ,

มัทธิว 26:25

เออโตโพ๊เรอ คูยูดาส เด๊อ อา เก่ อิเชตาแก ลู เออเตเพร แด๊เฮอ ลู เน๊อ, “ซ๊าร๊า, เน เฮ๊ เนอเตเพรหม่า แว หม่าโต่, แวเฮ๊?” แบ่เจ่ เฮ๊ฉื่อ ลู เน๊อ, “หม่าเฮ๊อ, หม่าเน เนอ เฮ๊อ.”

มัทธิว 26:49

อา แฮ โตเด โต๊โพ๊แฮ เด๊อ แบ่เจ่ เหย่ซู่ อา โอ่ เร๊อ อา แฮ เฮ๊ ลู เน๊อ, “ซ๊าร๊า, เน โอ่โมโอ่แร๊ แอ?” โทเรอ อา โนมื๊อ ลู.

ꤗꤢ꤬ꤊꤢꤨ 11:21

เร๊อ คูเปโตร ซิเงแถ่เบ่ โต่ เหย่ซู่ อิชอแก ส่อเหมาะ เออเนอ เร๊อ อา เฮ๊ ลู เน๊อ, “ซ๊าร๋า แม๊มอ เด๊อเนอ เล๊, ก่อดุ๊ยเหมาะ เด๊อ เน อิชอแก ลู เนอต๊อเสาะ อา เซอคราแก เฮ๊อ.”

ꤗꤢ꤬ꤊꤢꤨ 12:38

เบ๊อะเหย่ซู่ อิซว๊าอี๊แส่ อู เบ๊อะเนอ, อา เฮ๊ เน๊อ, “รอหนิ แลแค ซีเหน่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ นี๋. เหย่ซี เนอเต๊เห่ หม่า อา พย๊าแถ่โล แลแค อาเหน่ เร๊อ อา ซิหยื่อ แซ๊ แลแค จาจวา เต๊เห่ เร๊อ เบ๊อะอา แม๊เถอะ ตาฉื่อ เร๊อ อู เด๊อ เกล๊กู เบ๊อะเนอ, อา ซิหยื่อ นอเฮ๊เบ่ เบ่หยื่อเบ่แหน่ อู เร๊อ อาเหน่.

ꤗꤢ꤬ꤊꤢꤨ 14:45

คูยูดาส แฮโต่โต่ เร๊อ อา จว๊าโต เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๋า” โทเรอ อา โนมื๊อ ลู.

ꤜꤢꤨꤊꤢ꤬ 11:43

“ฟาริสี ซี๋, เมจากาคยา เก่ เบ่ หม่าแหน่ เจ๊อ ซี ปา, เมเตเฮ๊เรอ ซี ซิหยื่อ โอ่แนโอ่ แลแค เหล่โอ่ แถ่เล๊อ เด๊อ อู ซิแหน่ซิเตเร แด่ดุอา เด๊อ เตจ๊อเบโฮกู เนอเต๊เห่, โท๊โต่ เด๊อ เกล๊เบ่กู เนอเบ่เบ่ ซี ซิหยื่อ นอเฮ๊เบ่ แด่ดุ หนิ อู เร๊อ ซีเหน่.

ꤛꤥ꤭ꤟꤢ꤬ 4:31

เบ๊อะเนออาเค, อา โคเจ่ เต๊เห่ กุยซิยอ เหย่ซู่ เน๊อ, “รับบี๋, เอ่มอ เหล่เอ่ เอ๋อ.”

ꤛꤥ꤭ꤟꤢ꤬ 9:2

อา โคเจ่ เต๊เห่ แด๊เฮอ ลู เน๊อ, “ซ๊าร๊า, แกแยเพ เออเตเพร จว๊า เป๊เส่คี๊ ปา เจ๊อ เด๊อ อา โหมะฮ๊อกู หม่า, เด๊อ อาเตซื๊อ ขว่าคยา แอ, หม่าโต่เร๊อหม่า, เด๊อ อาโหมะอาเพ เตซื๊อ ขว่าคยา แอ?” อา โคเจ่ เต๊เห่ แด๊เฮอ ลู ฮู๊เนอ.

ꤛꤥ꤭ꤟꤢ꤬ 11:8

หม่าแน๊เรอ อา โคเจ่ เต๊เห่ เฮ๊ ลู เน๊อ, “ซ๊าร๊า, เด๊อ ปื๊อหนื่อหนื่อ แพ๊ เร๊อ แกแยยิวพู๊ เต๊เห่ ซิหยื่อ แม๊ปู ต่า เน เร๊อ หล่อ เร๊อ เน เตเร กาคยาโต คยาแซ๊ เหย่ซี เบ๊อะเนอ แอ?”