มัทธิว 23:34 - ลีเทส่อพ๊าอาเซ เร๊อ เห่ขุทวาลู๊34 ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา. အခန်းကိုကြည့်ပါ။Eastern Kayah Shadaw Dialect34 ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤕ꤫ꤢꤩ꤬ ꤞꤤ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤞꤢꤚꤢ ꤞꤤ꤭ꤒꤣꤧ꤬ꤟꤢꤩ꤬ ꤕꤢ꤭, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤛꤢꤩ꤬ꤞꤤ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤕꤢ꤭, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤦ꤭ ꤜꤢꤨ꤭ ꤔꤢꤧ ꤤ꤬ꤕꤜꤤꤚ꤫ꤤ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤡꤝꤢꤜꤢꤩ꤭ ꤕ꤫ꤢꤦ꤬ ꤛꤢꤩ꤬ꤞꤤ꤭ ꤒꤣ꤬ꤠꤤ꤭ ꤓꤥ꤭ ꤒꤣ꤬ꤠꤤ꤭ ꤕꤢ꤭꤯ အခန်းကိုကြည့်ပါ။ |
มัทธิว 23:34
36 ပူးပေါင်းရင်းမြစ်များ
แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.
เด๊อ เหย่ซี เออซิเนอ เซอ อาขว่าอาคยา, แกแย โอ่ เด๊อ เห่ขุเออ ปว๋า เตเพร เก่ ซิครือซิลอ ล๊อปลี เจ๊อ ปา. เหย่ซี เก่ เมป่วยเมลู เร๊อ อา เก่ ซูจว๊า เป่ ลู เชหยู่ เตเพร เร๊อ เตเพร ปา, เมเตเฮ๊เรอ เพรโพร เออซิเนอ เนอ อา ย๋อ เมโอ่ทวาแถ่ เอ๊ เป่ เหย่ซี เตจาเตจือ เร๊อ แกแย เห่ขุพู๊ เต๊เห่ ข่าเบ่ลอ อาขว่าอาคยา, อา เซอ เป่ เหย่ซี เร๊อ อา ซิครือซิลอ ลอปลี เจ๊อ.
แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.
โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.
เพร ทวา แกแยยิวพู๊ กู่กล๊อดุกู๊ฉู่ทู เต๊เห่ จูเอ่ เกอ คูกามาลิเอล อา เตเด๊อะเตเนจว่า เออ เร๊อ อา เอ๊โน คยาแซ๊ เพรโด่แนพู๊ เต๊เห่ เออเต๊เห่. โทเรอ อา มือ เหย่ซี เร๊อ อิปลี๊หรี่ โทเรอ อา เฮ๊ เหย่ซี เน๊อ ซี เบ่ โด่แนแด๊โฉ่หนิ เป่ ปา อู เร๊อ เหย่ซู่ อามุย เออเนอ โต่, อา เฮ๊โท ฮู๊เนอเรอ อา ปลวา กาแก เหย่ซี.
แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอ เตเมแลเปล๊กา อาเงเนอเรอ, เป แด๊โฉ่โด่แน โล เป่เกอ เฮ๊อ เหย่ซี เร๊อ เตซิครือมีลา เฮ๊อ. เบ๊อะเนออาเค แกแยยิวพู๊ เต๊เห่ เมดู๊แด ตาตือ เป. ฮู๊เนอเร๊อ เหย่ซี เมเต เต๊เห่เนอ, อา แด่บาแถ่โจโม เกอเร๊อ ลอปลี เจ๊อ อา เตซื๊อเตโอ่หร่า เนอเต๊เห่ โต่ เจ๊อเด๊อ เหล่แด่แถ่ อาเหล่โอ่ โอ่ปา เจ๊อโต่ เฮ๊อ. กู๊แหน่เออ จอแปแหร่ อา เตซิปล่อดุ อา เตเมจากาคยา เด๊อ คยาเล๊อ เออเนอ อา เก่ แฮโต่เฮ๊อ เด๊อ เหย่ซี โอ่ เฮ๊อ.
ကြော်ငြာတွေ