มัทธิว 23:3 - ลีเทส่อพ๊าอาเซ เร๊อ เห่ขุทวาลู๊

³ เมฮู๊เนอเรอ ซี เบ่ หนิดา เหย่ซีโหง่, ซี เบ่ ครวา เม ลอ ฮู๊ อา แด๊โฉ่โล เป่ ซี เนอ. หม่าแน๊เรอ ครวา เม เกอ แต่ ฮู๊ เหย่ซี เมเนอ แต่เหม่, เมเตเฮ๊เรอ เหย่ซี เออเต๊เห่ เนอหม่า อา ครวา เม เกอ ฮู๊ อา เฮ๊ เป่ อู เนอเต๊เห่โต่.

Eastern Kayah Shadaw Dialect

³ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤞꤤ꤭ ꤙꤢꤩ꤬ ꤔ꤫ꤤ꤬ꤘꤢ꤭ ꤛꤢꤩ꤬ꤞꤤ꤭ꤍ꤫ꤥ꤬, ꤞꤤ꤭ ꤙꤢꤩ꤬ ꤋꤚꤝꤢ꤭ꤗꤢꤩ꤬ ꤜꤢꤪ꤭ ꤟꤢꤨ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒ꤫ꤢꤧ꤬ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤔꤣꤧ꤬ ꤒ꤫ꤢꤧ꤬ꤗꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤟꤢꤨ ꤢ꤬ ꤟꤢꤩ ꤕ꤫ꤢꤩ꤬ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬꤯

มัทธิว 23:3 ပူးပေါင်းရင်းမြစ်များ

ทิโมธี เนอบ่า ต๊าบ่า 3:5

เหย่ซี จ่า ครวาเมเกอบย่า แพ๊ เป เตจ๊อบู่จ๊อเบ อาเหล่โกล เหล่แบ่ ปา. หม่าแน๊เรอ เหย่ซี เก่ โชโม๊บิแก เตจ๊อบู่จ๊อเบ อา เตอเรอฉว่าชอ เด๊อ อา หม่าแหน่ เออเนอเต๊เห่ ปา. จว๊า ตาพาแก เน๊อ แกแย ฮู๊เนอเต๊เห่ อาเหล่นี๋.

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

เพรโด่แนพู๊ เต๊เห่ 5:29

คูเปโตร เร๊อ เพรโด่แนพู๊ เต๊เห่ เฮ๊ฉื่อ เน๊อ, “ผื๋อ เร๊อ เตเร หนิดา แกแย เห่ขุพู๊ อาโหง่เนอ, เบ่ หนิดาดุ เล๋อ เด๊อ จอแปแหร่ อาโหง่.

ꤚꤥꤗꤢꤩ꤬ 13:1

อู ปว๋า เตเพร โตเบ่ จูเอ่ หนิดา คุ๊ยจ๊อแผ่เด๊อ อา เป๊อเทอเก่ เต๊เห่ อาโหง่, เมเตเฮ๊เรอ จอแปแหร่ เก่ นอเป๊อ เหย่ซี โต่ เฮ๊เนอ, เหย่ซี แถ่ทวาเบ๊ คุ๊ย โต่. แกแย เด๊อ อา เป๊อเทอเป๊อเก่ กู๊แหน่ เออ เต๊เห่ เนอหม่า จอแปแหร่ แด่แถ่ ลอ เหย่ซี แพ๊.

มัทธิว 21:30

“โทเรอ เพเออ เตเพรเนอ อา จว๊าติ เด๊อ อาพู๊ปีตี๊ เตเพร อา โอ่ เร๊อ อา เฮ๊ แซ่ลู ฮู๊ อา เฮ๊ อา พู๊แหว่เพร่ว เนอเตเพร เร๊อ อา เฮ๊ฉื่อ อาเพ เน๊อ, ‘อ่อ เพ, แว แฮดื่อ ปา,’ ตื๊อดื่อเรอ อา แฮ เป๊ โต่.

มัทธิว 23:2

“เพรอิซว๊า เตซว๊าเตแส่ อาซ๊าร๊า เร๊อ ฟาริสีพู๊ เต๊เห่ หม่า อา พย๊าหนิ เตอเรอฉว่าชอ เด๊อ อา เบ่ อิซว๊าอี๊แส่ เฮ๊ เถ่ เต๊เปล่ เป่ อู เร๊อ คูโมเสส อา เตซว๊าเตแส่ เต๊เห่เนอ.

มัทธิว 23:4

เหย่ซี นอลือครวาเม อู เตจ๊อบู่จ๊อเบ อา เตซว๊าเตแส่ เด๊อะ อา โอ่ เอ๊ ลา แซ่เน๊อ อา นอแย๊ อู ตาหมื่อตาเต เด๊อ อาโถ่ อาหน่า เต๊เห่เนอ ตื๊อดื่อเรอ แซ่ฮู๊ อู เก่ แย๊เบ๊ ตาหมื่อ ตาเต เด๊ออาโถ่ อาหน่า เต๊เห่ อาเง เนอ, ตีกี๋ หม่า เหย่ซี เมจว่า เจ๊อ อู โต่.