มัทธิว 23:14 - ลีเทส่อพ๊าอาเซ เร๊อ เห่ขุทวาลู๊

¹⁴ แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อแอ๊เต อาเหน่ เต๊เห่, เมเตเฮ๊เรอ ซี จว๊า พย๊าเผ่ แก ลอ เพรเหมาะโอ่แคร๊ อาหี่ เน๊อ ตาหมื่อ ตาเต เต๊เห่, เร๊อ แซ่ฮู๊ อู เก่ แม๊เถอะ ซีฮู๊ แกแยจ๊อ แกแยเต เต๊เห่เนอเรอ ซีกุย จ๊อเบทู ฮู๊เนอเรอ จอแปแหร่ เก่ เมจากาคยา จาเล๊อ เจ๊อ ซี เร๊อ อู ปา.

Eastern Kayah Shadaw Dialect

¹⁴ ꤛꤢꤨꤘꤢ꤬ꤖꤢꤨ ꤢ꤬ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤞꤤ꤭꤮ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭꤯ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤧꤡꤢꤪꤢꤧꤒꤢꤩ꤬ ꤢ꤬ꤔ꤫ꤢꤩ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤡꤝꤢ ꤟꤢꤩꤙꤢꤩ꤬ ꤊꤛꤢꤊꤢ꤬ꤋꤛꤢ꤭ꤟꤢꤧ꤭ꤑꤢꤩ꤭ ꤖꤛꤢꤖꤢꤩ꤬ꤊꤢꤧ꤭ꤜꤢꤪ꤭ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤢ꤬ꤟꤤ꤬ ꤔꤢꤧ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤚꤣꤧ꤬ ꤞꤤ꤭ ꤊꤝꤤ꤭ ꤡꤢꤪꤙꤢꤩ꤭ꤓꤢꤨ꤭ ꤕ꤫ꤢꤩ꤬ ꤢꤨ꤭꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤣ ꤞꤤ꤭ ꤔꤢꤧ ꤢꤨ꤭ ꤕꤢ꤭꤯

มัทธิว 23:14 ပူးပေါင်းရင်းမြစ်များ

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

ꤗꤢ꤬ꤊꤢꤨ 12:40

อาแซ่ฮู๊ เหย่ซี เก่ พย๊าเผ่หนิ เพรเหมาะโอ่แคร๊ เต๊เห่ อาหี่เนอเรอ, เหย่ซี อิลออี๊โหล่ อู, โท๊โต่ แซ่ฮู๊ อู เก่ หนิดา หนิ เร๊อ อูเก่ แม๊เถอะ ปา แต่ เหย่ ซี เตซื๊อ แต่เหม่ อาเงเนอ, อา กุยจ๊อเบ งยางยา เป อู. เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตา จาเหย่ซีปา.”

ꤜꤢꤨꤊꤢ꤬ 20:47

เหย่ซี จว๊าแลโฮเอ่ แลแห่โอ ลอ เพรเหมาะโอ่แคร๊เตปว๋า เต๊อเจ่อ. แซ่ฮู๊ อู เก่ เตเนเกอเร๊อ เหย่ซี เน๊อ เหย่ซี หม่า แกแยบูโพ๊ เต๊เห่ เจ๊อ เนอเรอ, เหย่ซี กุยจ๊อเบ งยางยา เป่ อู. แกแย ฮู๊เนอ เต๊เห่เนอ, เตเมจากาคยา เก่ เบ่จา เล๊อ เน๊อ อูโร เต๊เห่ ปา.”

มัทธิว 11:24

หม่าแน๊เรอ แว เฮ๊ เป่ซี, ม๊อเนอ เต เมจากาคยา เตอเนอ ปาเนอ, วีโสโดม เออเนอ, จอแปแหร่ เก่ซิยอ ดุ เล๊อ เร๊อ ซีปา.”

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

ꤜꤢꤨꤊꤢ꤬ 12:48

หม่าแน๊เรอ หลู่ กู่กล๊อ เด๊อ อา ซิเง อาแบ่เจ่ อา เตซิหยื่อ โต่ เตเพร เนอ, อา เก่ เมซื๊อ เต๊อเจ่อเจ่อ เด๊อ อา โตเบ่ ปลี๊ ลู เฮ๊เนอ, อาแบ่เจ่ เก่ เมจากาคยา ปลี๊เช หย่าเข่เล๊อ ลู ปา. แกแย เด๊อ อา พย๊าหนิ เอ๊ เตลีแมลีเพ๊ เตเพรเพรเนอ, จอแปแหร่ แม๊ชือหนิ ลู เด๊อ อา เก่ เบ่เม เอ๊เล๊อ เร๊อ อู. แกแย เด๊อ จอแปแหร่ หยื่อเอ่หนิ ลู เร๊อ อา เด๊อ เอ๊เล๊อ ลู เตเพรเนอ, จอแปแหร่ กุย เอ๊เล๊อ ลู ปา.

ทิโมธี เนอบ่า ต๊าบ่า 3:6

เหย่ซี เต๊เห่เห่เนอ, อา จว๊า โนค๊าโนโข่ เด๊อ อู หี่ด๊อหี่แพกู เร๊อ เหย่ซี เป๊อตี๊หรี่ ปื่อหม่าหนิ เพรเหมาะ เด๊อ อา จูเอ่ยูงย๊า เนอเต๊เห่. เพรเหมาะ เออเต๊เห่ เนอหม่า เพรเหมาะ เด๊อ อา โอ่ เน๊อ อา เตซื๊อเตโอ่หร่า อา เตวี๊เตแย๊ เร๊อ อา ครวาเกอ เตซิหยื่อซิลอ อาเมวเมว อาเจ่อเจ่อ อาคยา เนอเต๊เห่ แพ๊.

ꤒꤤꤒꤢꤨ 1:10

เมเตเฮ๊เรอ แกแย เด๊อ อา เฮ๊ โตโมจู๊แก่ เต เต๊เห่เนอ อา โอ่ เอ๊แหน่เจ๊อ. เหย่ซี เนอเต๊เห่หม่า, อา เฮ๊เบ่ เต เด๊อ อาโหง่แลช๊า โอ่โต่ เต๊เห่, เร๊อ อา เฮ๊เบ่ แลโฮแลแห่ ลอ อู. แกแย ฮู๊เนอ เต๊เห่หม่า, เอ๊ตี๊กิ, เป แม๊เถอะแจ่ เหย่ซี เบ๊อะเฮ๊เรอ, เหย่ซี เนอเต๊เห่หม่า, อา เฮ๊เบ่ ชอเกอเด๊อ แลแค เร๊อ แซ่ฮู๊ อู เก่ พย๊าหนิ เตแลเปล๊กา อาเงเนอ, อู เบ่ ดื๊อตีลี๊พ๊า, อา เฮ๊ แลแค ฮู๊เนอ เต๊เห่ เด๊ออาเกล เนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 3:1

แว โป่แหว่ ซี๋, ซี โต ทวา โหร่เอ๊ ซ๊าร๊า โต่, เมเตเฮ๊เรอ ฮู๊ ซี ซิเง โทดื่อเนอ เฮ๊อ, เป เด๊อ อา ทวา ซ๊าร๊า เต๊เห่เนอ, จอแปแหร่ เก่ เมจากาคยา ชอเล๊อ เป เน๊อ แกแย เด๊อ อาโร เนอเต๊เห่ ปา.

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

เปโตร เนอบ่า ต๊าบ่า 2:14

เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.