มัทธิว 22:13 - ลีเทส่อพ๊าอาเซ เร๊อ เห่ขุทวาลู๊

¹³ “เออโตโพ๊เรอ คุ๊ย เฮ๊ หลู่เล๊ เต๊เห่ เน๊อ, ‘จอกลอลอ อากู๊ขุ กู๊โด่ เนอ เร๊อ ต่าเถ่แก อา เด๊อ อาคี๊เกล เนอ. เหล่โอ่ เบ๊อะเนอ โต๊โผ่หม่า อาโหง่ อาเห่ อาเหล่โอ่ เร๊อ อา อ่า ตาจ๊า แลแค เจ๊อ อากู๊เคอ ปา.’

Eastern Kayah Shadaw Dialect

¹³ “ꤣꤧ꤭ꤒꤣ꤬ꤖꤥꤚꤣꤧ꤬ ꤋꤝꤤ ꤟꤢꤩ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ, ‘ꤡꤢꤪ꤭ꤊꤜꤢꤪ꤬ꤜꤢꤪ꤭ ꤢ꤬ꤊꤢꤨꤋꤢꤨ꤬ ꤋꤢꤧꤘꤥ꤬ ꤔꤣꤧ꤬ ꤚꤣꤧ꤬ ꤒ꤫ꤢ꤬ꤓꤢꤩ꤬ꤊꤢꤧ꤭ ꤢ꤬ ꤘꤣ ꤢ꤬ꤋꤤꤊꤜꤢꤩ꤭ ꤔꤣꤧ꤬꤯ ꤜ꤫ꤢꤩ꤬ꤥ꤬ ꤙꤣꤧꤔꤣꤧ꤬ ꤒꤣ꤬ꤖꤥ꤬ꤗꤢ꤬ ꤒꤢꤩ꤬ꤍ꤫ꤥ꤬ꤕꤜꤢꤧ꤬ꤍ꤫ꤥ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤔꤢꤧ ꤒꤢꤩ꤬ ꤢ꤫ꤢ꤬ꤒꤣꤧ꤬ꤡꤢ ꤡꤣꤧ ꤊꤢꤨ꤬ꤋꤣꤧ꤭ ꤢ꤬ꤜ꤫ꤢꤩ꤬ꤥ꤬꤯’

มัทธิว 22:13 ပူးပေါင်းရင်းမြစ်များ

มัทธิว 8:12

แกแยยิวพู๊ เต๊เห่เนอ, อา โตเบ่ ทวา จอแปแหร่ อาแกแย เด๊อ จอแปแหร่ อาเทออาเก่กู เนอ หม่าแน๊เรอ จอแปแหร่ อา วีโนแก แกแย เหย่ซี เด๊อ เตคี๊ ลอ เหล่โอ่ ปา. เหย่ซี เก่ จว๊า โหง่เอ๊โทเอ๊โม เร๊อ เหย่ซี อะตาจ๊า เกอเร๊อ ลอปลี เจ๊อ อากู่เคอ เบ๊อะเนอ โต๊โผ่ ปา.”

มัทธิว 25:30

ต่าเถ่แก หลู่เล๊ โอ่เล๊อโอ่กลอ เออเตเพร เด๊อ เตคี๊เตลอ อาเกล เนอ. เบ๊อะเนอโต๊โผะเนอ อู เก่ จว๊าโหง่จว๊าเห่, อู เก่ อ่า ตาจ๊า เจ๊อ อากู๊เคอ ปา.’

เปโตร เนอบ่า ต๊าบ่า 2:17

แกแย เออเต๊เห่ หม่า อาแซ่เน๊อ เทอเถ่ขุ ปาโต่ เนอเต๊เห่. โทเรอ อาแซ่เน๊อ อ๊อโหล่ เด๊อ เก่แลเซ๊ดุ พอจว๊าแก ลู เนอเต๊เห่. เร๊อ จอแปแหร่ เมโอ่เป่ เฮ๊อ เหย่ซี อาเหล่โอ่ เด๊อ อา คี๊ตือรือ โต๊โผ่เฮ๊อ.

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

เธสะโลนิกา เนอบ่า ต๊าบ่า 1:9

เหย่ซี เก่ ข่าเบ่ เตปย๊าเตหลู่ ตูจูเพร อา เต เมจากาคยา เออเนอ ปา. โทเรอ แบ่เจ่ เก่ แด่ตาพาแก เหย่ซี เด๊อ อา เป๊เส่เง เร๊อ อา เตเตอเรอดุทู เด๊อ อาโพรอาเตอเรอ เออเต๊เห่ อาเป๊เส่เง ปา.

ꤜꤢꤨꤊꤢ꤬ 13:28

“เด๊อ จอแปแหร่ เทอเลเก่กู เนอ, ซี แม๊เถอะ เร๊อ เพอับราฮัม, อิสอัค, ยาโคบ เร๊อ เพรโพร ล๋อ ปลี เนอเต๊เห่ แฮ โนลอ เบ๊อะเนอ ตื๊อดื่อเรอ ซี แหน่แบ่เจ่ เร๊อดื่อ เร๊อ อู เก่ เหว่เถ่แก ซี เด๊อ อากลอ ปา. เหล่โอ่ เบ๊อะซี เก่ จว๊า โอ่ เออโต๊โผ่ ปาเนอ, ซี เก่ จว๊า โหง่แปล่โหง่แร เร๊อ ซี เก่ ตาจ๊า เกอเร๊อ ลอ เจ๊อ ซี กู่เคอ ปา.

มัทธิว 24:51

แบ่เจ่ เก่ เมจากาคยา ลู ปา เร๊อ อา โอ่ แด่โน โต่แก ลู เนอ เบ๊อะแกแย จ่าจ๊อจ่าเต อาเหน่ เนอเต๊เห่ เหล่โอ่ เนอปา. เหล่โอ่ เบ๊อะเนอ โต๊โผ่เนอ อู เก๊โหง่เก่เห่, อู เก่ อ่า ตาจ๊า เจ๊อ อากู่เคอ เจ๊อ ปา.”

มัทธิว 13:50

เร๊อ เตเน่ว วีตาแก เหย่ซี เด๊อ หง่าหร่าปอรากยากู ปา. เด๊อ หมิอือ แกโรโซ โต๊โผ่เนอ อู อาโหง่อาเห่ ปา, อู เก่ อ่า ตาจ๊า แลแค เจ๊อ อากู๊เคอ ปา.”

มัทธิว 13:42

โทเรอ อา เก่ วีตาลอ เหย่ซี เด๊อ หง่าหร่าปอรากยากู ปา. เด๊อ หมิอือ แกโรโซโต๊โผ่ ปาเนอ เหย่ซี อาโหง่อาเห่, อาซิ ตาจ๊า อ่าตาจ๊า เกอเร๊อ ลอปลี เจ๊อ อากู่เคอปา.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

ꤛꤢꤨꤘꤢ꤬ 1:13

เหย่ซี เต๊เห่เนอ, อาแซ่เน๊อ เทอฮ๊าโฮ๊ ชอ เด๊อ เทอดุซาวา อากูเนอ เต๊เห่ แพ๊. โท๊โต่ เหย่ซี เตเม เด๊อ อา ทวาแถ่ เตซิเตเร เต๊เห่เนอ อา เก่ โอ่โลแถ่ แซ่เน๊อ เทอบ๊อเบ๊ เนอ ปา. เหย่ซี เออเต๊เห่เนอ, อาแซ่เน๊อ เฉ่ เด๊อ อา จว๊าโค๊แก เร๊อ อาแกล๊ เร๊อ อา โอ่ตอ เกอ อา เหล่โอ่โต่ เนอเต๊เห่ เฮ๊อ. จอแปแหร่ ตี๊หรี่แตแร หนื่ออื่อ เป่ เหย่ซี เหล่โอ่ เด๊อ เตคี๊ตือรือ เล๊ออู โต๊โผ่ เร๊อ อา เก่ นอโอ่ เหย่ซี เบ๊อะเนอ ตูจูเพร แตแลเคร๊ ปา.

ꤛꤢꤨꤘꤢ꤬ 1:6

ซิเงแถ่เบ่ หนิคยาแซ๊ แลแค ดื่อ เตเน่วพู๊ เด๊อ อา วีแก แก จอแปแหร่ เด๊อ เหย่ซี อาเตเป๊อตี๊หรี่ เออเนอ, เร๊อ เถ่จว๊า โค๊แกลา เร๊อ อา เหล่โอ่เหล่แบ่ เออเนอ เต๊เห่. จอแปแหร่ จอหม่า ลอเฮ๊อ เหย่ซี เร๊อ สู่เปลอต่อเท๊ เร๊อ อา แด่โน เฮ๊อ เหย่ซี เด๊อ เตคี๊เตลอ อากู เฮ๊อ. เร๊อ อา เก่ แด่โอ่ โต่ เหย่ซี เด๊อ เตเมจากาคยาอา ม๊อเนอดุ เนอเตอเนอ ปา.

เพรโด่แนพู๊ เต๊เห่ 7:54

เบ๊อะแกแย ทวา กู่กล๊อ เต๊เห่ หนิโฮ คูสเทเฟน อา เตเฮ๊เบ่เออ เบ๊อะเนอ, เหย่ซี ซิปล่อดุ เร๊อ อา อาซิอ่าตาจ๊า จว๊าโต แลแค เจ๊อ อากู่เคอ เด๊อ ลูโอ่.

มัทธิว 13:30

นอดุแถ่ โหร่ดื่อ ลู เบ๊อะเนอ เฮ๊อ, เร๊อ ช๋าโต เก๊เฮ๊อ ปา เร๊อ แว นอ เก๊แก เหร่อ อู โร๊ยเหมาะ เนอเต๊เห่ ปา เร๊อ กยากลอแก อา เร๊อ ชื๊อแก อา เร๊อ หมิ ปา. โบ๊กู่ลา เนอ เก่เก๊เก่ปอ อา ปา เร๊อ แด่ปล๊อ อา เด๊อ แจกู ปา.’”

มัทธิว 12:29

“หม่าโต่เรอ, เบ๊อะแกแย เตเพร จว๊าโน เด๊อ แกแยฉว่าแกแยชอ เตเพร อาหี่ เบ๊อะเนอ, แซ่เน๊อ โลเน๊ มู๊แหม่ กู่กล๊อ, เก่ โน จอกลอหม่า เหร่อ ลู โต่ เก่เฮ๊เรอ อา จว๊า พย๊าเผ่ แจ่ ลูตาเต ฮู๊เต? อา จอกลอ หม่า โท ลู ตื๊อหม่า อา พย๊าเผ่ หนิ แจ่ ลู ตาเต แพ๊.

เพรโด่แนพู๊ เต๊เห่ 21:11

อา แฮ เด๊อ เปโอ่ เร๊อ อา พย๊าเถ่ คูเปาโล ฮ๊อท๊อ เร๊อ อา จอกลอ เกอ เร๊อ คยาดื่อ เด๊อ อากู๊ขุ เร๊อ กู๊โด่ เร๊อ ฮ๊อท๊อ เออต๊าบ่า เร๊อ อา เฮ๊ เน๊อ, “แหย่โยบูโพ๊แบ่เจ่ เฮ๊ เน๊อ, ‘แกแยยิวพู๊ โอ่ เบ๊อะวีเยรูซาเล็ม อากู เนอเต๊เห่ เก่ จอกลอ ฮ๊อท๊อ แบ่เจ่ เออเตเพรเนอ ฮู๊เออ ปา เร๊อ อา เก่ เด๊อะตาแก ลู เด๊อ แกแยยิวพู๊ หม่าโต่ เต๊เห่ อา กู๊ยากู ปา.’”

ꤛꤥ꤭ꤟꤢ꤬ 21:18

แว เฮ๊จ๊อจ๊อ เน, เบ๊อะเน หน่าเจ่ปา เนอ, เน แรแถ่ หนิเกอเร๊อดื่อ เนฮ๊อท๊อ, เน ซิหยื่อจว๊า เบ๊อะเต๋ เนอ เน จว๊าเบ๊. หม่าแน๊เรอ ช๋า เน โหมะเผร่เฮ๊อ ปาเนอ, เน เก่ บ๊อเถ่ เน กู๊ขุ เนอโค๊ ปา. อู เก่ จอกลอหม่า เน กู๊ขุ เร๊อ อู เก่ พย๊าจว๊า เน เด๊อ เหล่โอ่ เด๊อ เน ซิหยื่อ จว๊า โต่ เนอ ปา.”