มัทธิว 21:31 - ลีเทส่อพ๊าอาเซ เร๊อ เห่ขุทวาลู๊

³¹ “พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

Eastern Kayah Shadaw Dialect

³¹ “ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤞꤤꤔꤣꤧ꤭ꤔꤣꤧ꤬, ꤢ꤬ ꤗꤢꤩ꤬ꤒꤥ꤭ ꤢ꤬ꤖꤢꤩ꤭ ꤞꤤꤕꤜꤢꤪ꤬ ꤙꤣꤧꤒꤢꤩ꤭ ꤒꤣ꤬ꤖꤚꤢꤩ꤬ꤒꤢꤩ꤭?” ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤢ꤬ꤘꤢꤨ꤬ ꤒꤣ꤬ꤖꤚꤢꤩ꤬꤯” ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤞꤤ꤭ ꤜ꤫ꤢꤩ꤬ꤔꤥ꤭ꤥ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤖꤚꤢꤩ꤬ꤊꤝꤤ꤭ꤢ꤬ꤗꤢꤨ꤬ꤢ꤬ꤚꤢ ꤔꤢꤧ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤡꤝꤢꤔꤥ꤭ꤖꤢꤩ꤬ꤊꤢꤧ꤭ ꤞꤤ꤭ ꤟꤣꤧ꤯

มัทธิว 21:31 ပူးပေါင်းရင်းမြစ်များ

ꤜꤢꤨꤊꤢ꤬ 7:29

ล๋อ แกแย เออเต๊เห่ เร๊อ เพรกุ่ยอาหมู่อาร๊า เต๊เห่เนอ อาย๊อ เจ เหร่อ โทเฮ๊อ เทอ เด๊อ คูยอห์น โอ่ อาขว่าอาคยา, เบ๊อะเหย่ซี หนิโฮ แลแค เหย่ซู่ เฮ๊เบ่ ฮู๊เออ เบ๊อะเนอ, เหย่ซี หยื่อ เร๊อ จอแปแหร่ อาโหง่เฮ๊แก เออเต๊เห่ เนอหม่า อาจ๊ออาเต แพ๊.

มัทธิว 7:21

“ล๋อ แกแย เด๊อ อา เอ๊ แว เน๊อ, ‘แบ่เจ๋ แบ่เจ่เนอ’ อา โน หนิลอ เด๊อ ม๊อขุ เทอเลเก่กู ปว๋า เตเพร หม่าโต่. อา โนหนิ ตื้อแพ๊ ดื่อ แกแย เด๊อ อา เมโตเมเบ่ แวเพ เด๊อ ม๊อขุ เตเพร อาซิปล่อ เนอเต๊เห่ แพ๊.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

ꤚꤥꤗꤢꤩ꤬ 3:19

เป ซิเง เน๊อ ลอ เตซว๊าเตแส่ แด๊โฉ่ เต๊เห่เนอ, อา เฮ๊ เป่ แกแย เด๊อ อา พย๊าหนิ เตซว๊าเตแส่ เนอเต๊เห่ อาเงแพ๊. แซ่ฮู๊ เป เก่ เฮ๊เบ่ แลเปล๊แจ่ เกอ เร๊อ ปาแต่ เปเหน่ เร๊อ เป เม เตซื๊อ อาคยา เออ แต่เหม่ เนอเรอ, จอแปแหร่ เด๊อะตา เป่ เป เตซว๊าเตแส่ เออเนอ แพ๊. โท๊โต่ แซ่ฮู๊ จอแปแหร่ เก่ เมจากาคยา ล๋อ แกแย โอ่ เด๊อ เห่ขุ เออต๊าบ่า ปว๋า เตเพร ปา เนอเรอ, อา เด๊อะตา แพ๊.

มัทธิว 20:16

“ฮู๊เนอเรอ แกแย โอ่ เด๊อ คยาเล๊อ อู อา เก่ โอ่ เด๊อ เง เร๊อ แกแย โอ่ เด๊อ เงเล๊อ อู ปา. อา เก่ โอ่ เด๊อ คยาเล๊อ อู ปา.”

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

ꤜꤢꤨꤊꤢ꤬ 19:22

“เร๊อ อา เฮ๊ ลู เน๊อ, ‘หลู่เล๊จา หลู่เล๊จือ, แว เก่ เมเลอกาคยาฉื่อ เน ฮู๊ เน เฮ๊เบ่เถ่ เกอเร๊อ เนโหง่ เออเนอเต๊เห่ ปา. เน ซิเงเฮ๊อ เน๊อ แว หม่า แกแย เด๊อ อาแหย่ แหน่เจ๊อ เตเพร. แวเต หม่าโต่ เต๊เห่เนอ แว จว๊าพย๊า ดื่อเง. แว อิชออิปลือตาน๊อ เกออู โต่ เร๊อ แว จว๊าเก๊ กา ดื่อเง เตเพร แวเฮ๊!

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

มัทธิว 18:3

เร๊อ อา เฮ๊ เหย่ซี เน๊อ, “แว เฮ๊จ๊อจ๊อ ซี๋, ซี เก่ ถู่แหล่ เต๊เปล่ ซี ซิปล่อ โต่, ซี เก่ ทวาแถ่ แซ่เน๊อ เป๊เจ่ฮู๊ เออเต๊เห่ โต่, ซี โนหนิ แจ่ เด๊อ ม๊อขุ เทอเลเก่กู แตแค๋ โต่.

มัทธิว 12:50

เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”

มัทธิว 9:9

เบ๊อะแบ่เจ่ เหย่ซู่ เถ่จว๊าแก เบ๊อะเนอ, อา แม๊เถอะ แกแย เตเพร อามุย เร๊อ คูมัทธิว โอ่แนโอ่ แรเต เด๊อ เหล่กุย อาหมู่อาร๊า หี่กู. แบ่เจ่ เหย่ซู่ เฮ๊ ลู เน๊อ, “จว๋า, ครวาเกอ แวคยา เร๊อ ทวาเกอ แว โคเจ่.” เร๊อ คูมัทธิว ก๊อถ่อจว๊า เร๊อ ครวาเกอ ลูคยา.

มัทธิว 6:5

“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ.

มัทธิว 5:18

แว เฮ๊จ๊อจ๊อ ซี, ม๊อขุ เร๊อ เห่ขุ ตาพรอแก ตื๊อดื่อเรอ, ลีปล่อ เด๊อ อา ปีตี๊เล๊ออู ตอปล๊อ เบ่เบ่, ลีปล่อ เมม๊าเมแด เด๊อ อา ปีตี๊เล๊อ ตอปล๊อ เนอเบ่เบ่, ตีกี๋ หม่า อา เบ่ โอ่เหม่แก หนิ โต่. ล๋อ ลีเออ เต๊เห่ เฮ๊หนื่ออื่อ เนอ อา เบ่ เล๊อบา เหร่อ ลอ.

มัทธิว 5:46

ซี เก่ โมหนิเกอเร๊อ ตื้อแพ๊ แกแย เด๊อ อา โมหนิเกอเร๊อ ซี เนอเต๊เห่ แพ๊ เก่เฮ๊เรอ จอแปแหร่ เด๊อะ ซี คว๊าเก่โต่. เก่ เมแพ๊ ฮู๊เนอ เก่เฮ๊เรอ เพรกุยอาหมู่อาร๊า เต๊เห๋ หม่า อา เมแจ่ แพ๊แพ๊.

มัทธิว 21:30

“โทเรอ เพเออ เตเพรเนอ อา จว๊าติ เด๊อ อาพู๊ปีตี๊ เตเพร อา โอ่ เร๊อ อา เฮ๊ แซ่ลู ฮู๊ อา เฮ๊ อา พู๊แหว่เพร่ว เนอเตเพร เร๊อ อา เฮ๊ฉื่อ อาเพ เน๊อ, ‘อ่อ เพ, แว แฮดื่อ ปา,’ ตื๊อดื่อเรอ อา แฮ เป๊ โต่.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.