มัทธิว 20:26 - ลีเทส่อพ๊าอาเซ เร๊อ เห่ขุทวาลู๊

²⁶ ซี ลาติ เร๊อ ซี โต เมฮู๊เนอ โต่. เด๊อ ซีเกลเนอ, แกแย เตเพรเพร เก่ ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.

Eastern Kayah Shadaw Dialect

²⁶ ꤞꤤ꤭ ꤜꤢ꤭ꤒꤢꤩ꤬ ꤚꤣꤧ꤬ ꤞꤤ꤭ ꤒꤥ꤭ ꤗꤢꤩ꤬ꤟꤢꤨꤔꤣꤧ꤬ ꤒꤥ꤬꤯ ꤘꤣ ꤞꤤ꤭ꤊꤜꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤞꤤꤛ꤫ꤢꤦ꤬ ꤓꤝꤢ꤭ꤘꤢꤨ꤬ ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤓꤝꤢ꤭ ꤞꤤ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ꤯

มัทธิว 20:26 ပူးပေါင်းရင်းမြစ်များ

ꤗꤢ꤬ꤊꤢꤨ 10:43

หม่าแน๊เรอ ล๋อ ซี เออเนอเต๊เห่เนอ ซี โตเบ่ เมฮู๊เนอ โต่. เด๊อ ซีเกลเนอ, แกแย เตเพรเพร อา ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.

ꤗꤢ꤬ꤊꤢꤨ 10:45

เมเตเฮ๊เรอ แกแยพู๊คู หม่าเฮ๊อ แวเออ, แว แฮ เด๊อ อู เก่ เม เป่ แวเง เนอ หม่าโต่. แว แฮ เด๊อ แว เก่ เม เป อูเง แพ๊. เร๊อ แซ่ฮู๊ แว เก่ เอ๊ถ่ากาหนิ เหย่ซี อาเงเนอเรอ, แว เด๊อะแลแก แว ซิปล่อ เซอเพร เด๊อ แกแย โอ่โร๊ลู อาเง.”

ꤗꤢ꤬ꤊꤢꤨ 9:35

เหย่ซู่ โอ่แนโอ่ เร๊อ อา เอ๊แฮ เหย่ซี เด๊อ อาช๊า เร๊อ อา เฮ๊ เหย่ซี เน๊อ, “แกแย เด๊อ อา ซิหยื่อ ทวาดุเล๊อ อู เตเพร เนอหมา อา โตเบ่ โอ่ เด๊อ อู เลเล๊อ เร๊อ อา เบ่ ทวาเป่ ลอ อู ปว๋า เตเพร อา หลู่เล๊.”

เปโตร อาเหร่อเล๊อ ต๊าบ่า 5:3

เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

ꤜꤢꤨꤊꤢ꤬ 18:14

เร๊อ เหย่ซู่ เฮ๊ เหย่ซี เน๊อ, “แว เฮ๊ ซี, แกแย เด๊อ อาจ๊ออาเต เด๊อ จอแปแหร่ อา เป๊เส่เง เนอหม่า ฟาริสี เออเตเพรเนอ หม่าโต่, เพรกุยอาหมู่อาร๊า เออเตเพรเนอ, เบ๊อะอา กา เด๊อ อาหี่ เบ๊อะเนอ, อาจ๊ออาเต เด๊อ จอแปแหร่ อา เป๊เส่เง เฮ๊อ, เมเตเฮ๊เรอ แกแย เด๊อ อา แด่แถ่โล อาเหน่ เตเพรเนอ, จอแปแหร่ แด่ หยว่า ลู ปา. เร๊อ แกแย เด๊อ ถู่แหล่เต๊เปล่กา อาซิปล่อ เตเพรเนอ, จอแปแหร่ เก่ แด่แถ่โล อา ปา.”

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

มัทธิว 25:44

“เร๊อ เหย่ซี เก่ เฮ๊ฉื่อ ลู เน๊อ, ‘แบ่เจ่, เน ซิกู๊ซิวี เบ๊อะเนอ เบ่เบ่, เน ซิโอเทอ เบ๊อะเนอ เบ่เบ่, เน จว๊า ทวา ซิเผระ เบ๊อะเนอ เบ่เบ่, เน โอ่แต่กือ โอ่แต่แซ๊ เบ๊อะเนอ เบ่เบ่, เนชู๊ยเนเช เบ๊อะเนอ เบ่เบ่, อู ด๊อตา เน เด๊อ ทอกู เบ๊อะเนอ เบ่เบ่, เป จว๊าแม๊เถอะ เน เร๊อ เป เมจว่า เน โต่ เบ๊อะเคเต?’

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ฟีเลโมน 1:13

เด๊อ เตซิครือซิลอมีลา อาขว่าอาคยาเร๊อ, อู ด๊อโอ่ปา แว เด๊อ ทอกู เออเบ๊อะเนอ, แซ่ฮู๊ อา เก่ เมจว่า แว เด๊อ เน เงเนอเรอ, แว ซิหยื่อ เอ๊ โอ่ ตื๊อดื่อปา อา เด๊อ แว ช๊า.

ทิโมธี เนอบ่า ต๊าบ่า 1:18

แบ่เจ่ แฮ อาม๊อเนอ เตอเนอ ปาเนอ แบ่เจ่ เก่ เด๊อะ แม๊เถอะ ดื่อ ลู เน๊อ อา เตซิยอ ปานี๋. อา เมจว่า แว เด๊อ วีเอเฟซัส อากู บ๋า เต เนอ, เน ซิเง ตาเต ดื่อเฮ๊อ.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

ꤛꤥ꤭ꤟꤢ꤬ 18:36

แบ่เจ่ เหย่ซู่ เฮ๊ฉื่อ ลู เน๊อ, “แวเทอแวเก่ หม่า เบ๊อะเห่ขุเออ หม่าโต่. เก่ อา หม่า เบ๊อะเห่ขุเออ เฮ๊เนอ, แซ่ฮู๊ แว เก่ โต่เด๊อ แกแยยิวพู๊ อา ทวาดุทวาเต เออเต๊เห่ อา กู๊ยากู แต่เหม่ เนอ, แวโค เด๊อ อา ครวาเกอ แว เต๊เห่ เก่ วื๊อฉื่อ โทเฮ๊อ เหย่ซี กอ. ฮู๊เนอเรอ แวเทอแวเก่ หม่า เบ๊อะเห่ขุเออเนอ หม่าโต่” อา เฮ๊ ฮู๊เนอ.

มัทธิว 27:55

เพรเหมาะ เด๊อ อา โอ่ป่อ แม๊จว๊าจู เด๊อ อายา เต๊เห่ โอ่โหร่โอ่เอ๊ กู๊ลา เบ๊อะเนอ. เพร เหมาะ เนอเต๊เห่ หม่า อาโอ่ เด๊อ กาลิลีเก่ เรอ ครวา เกอ เร๊อ เหย่ซู่. เร๊อ เหย่ซี เออ เต๊เห่ หม่าเพรเหมาะ เด๊อ อา แม๊ตู่ เมจว่าหนิ เหย่ซู่ เต๊เห่ เฮ๊อ.

เตเด๊อะโลแถ่ 17:6

เร๊อ แว แม๊เถอะ เพรเหมาะ เนอเตเพร โอมือ อาเหน่ เน๊อ จอแปแหร่ อาแกแย เด๊อ อาจ๊อ เร๊อ เหย่ซู่ เร๊อ อู เมเซอ ลู เนอเต๊เห่ อาสุ่ย. เบ๊อะแว แม๊เถอะ อา เบ๊อะเนอ, แว คย๊ายื๊อ โกโน๋ โต่.

มัทธิว 20:27

โทเรอ เด๊อ ซีเกลเนอ, แกแย เตเพรเพร เก่ ซิหยื่อ ทวาซี แบ่เจ่ เฮ๊ เรอ ซี โตเบ่ ทวา ซี หลู่.

ꤜꤢꤨꤊꤢ꤬ 22:26

หม่าแน๊เรอ ซี เออเต๊เห่หม่า ซี เบ่เม หนิ เกออู ฮู๊เนอโต่. แกแย เด๊อ อา ทวาดุเล๊อ อู เด๊อ ซีเกล เตเพร เพรเนอ, อา โตเบ่ ทวา ฮู๊ แกแย เด๊อ อา ปีตี๊เล๊อ เตเพรเนอ, โทเรอ แกแย เด๊อ อา ทวา กู่กล๊อ เตเพร เพรเนอ, อา โตเบ่ ทวา ฮู๊ หลู่เล๊ เตเพรเนอ.