มัทธิว 2:4 - ลีเทส่อพ๊าอาเซ เร๊อ เห่ขุทวาลู๊

⁴ อา เอ๊ โอ่กู๊ โอ่ปล๊อลอ ล๋อ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่. เร๊อ อา แด๊เฮอ เหย่ซี เน๊อ, “เพรโพร เต๊เห่ เฮ๊หนื่ออื่อ เร๊อ เพรเมแลเปล๊กา เมสิยาห์ เออเตเพรเนอ อา เก่ โอ่เป๊เจ่แล โตปา เบ๊อะเตโต๊โผ่เต ปา,” อา เฮ๊.

Eastern Kayah Shadaw Dialect

⁴ ꤢ꤬ ꤢꤩ ꤥ꤬ꤊꤢꤨ ꤕꤜꤢꤪꤜꤢꤪ꤭ ꤜꤢꤪ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤥ꤬ꤔꤢꤩ꤬ ꤔꤢꤧ ꤗꤢꤩ꤬ꤏꤤꤛꤢ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤒꤥ꤭ꤕꤢ꤭ ꤙꤣꤧꤒꤢꤩ꤭ ꤒꤣ꤬ꤖꤥ꤬ꤒꤢꤩ꤭ ꤕꤢ꤭,” ꤢ꤬ ꤟꤢꤩ꤯

มัทธิว 2:4 ပူးပေါင်းရင်းမြစ်များ

เพรโด่แนพู๊ เต๊เห่ 23:9

เออโตโพ๊เรอ อู ลื๋อ เอ๊โทเอ๊โมแถ่ ฉว่าฉว่า เร๊อ เด๊อ เหย่ซี อาเกล เนอ แกแย เด๊อ อา ซิเง จอแปแหร่ เตซว๊าเตแส่ โอ่ เต๊เห่, เหย่ซี หม่า ตู๊หมู่จือ เร๊อ ฟาริสีพู๊ เออเต๊เห่ เนอเฮ๊อ. เร๊อ เด๊อ เหย่ซีเกล เต๊เห่เห่เนอ, อา ก๊อถ่อ เร๊อ อา เคร๊แขระ กาคยาฉื่อ เน๊อ, “เป แม๊เถอะ แกแย เออเตเพร อา เตเมซื๊อ เตอเจ๋อ โต่. ตาแร๊หม่า ซิปล่อ เซอเพร หม่าโต่หม่า เตเน่วม๊อขุพู๊ นอเฮ๊เบ่ แหน่แหน่ อา แพ๊ เก่.”

เพรโด่แนพู๊ เต๊เห่ 6:12

เหย่ซี จว๊า เด๊อ แกแย เบ๊หมู่ เออเต๊เห่ อาโอ่, เร๊อ แกแยยิวพู๊ ทวาดุทวาเต เต๊เห่, เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาโอ่ เร๊อ อา จว๊า แฉ่ครวา เร๊อ อา จว๊า นอเมซู๊ซ๊าแถ่ เหย่ซี เร๊อ แกแย เออเต๊เห่ จว๊า ปื่อ คูสเทเฟน เร๊อ จุ่ยแฮ ลู เด๊อ แกแย ทวา ทวาดุทวาเต เต๊เห่ อา เป๊เส่เง.

มัทธิว 21:23

แบ่เจ่ เหย่ซู่ โน เด๊อ เตหลู่แเตโฮ เตเร๊ กู เร๊อ เบ๊อะอา อิซว๊าอี๊แส่ตา อู เบ๊อะเนอ, เพรหลู่แต ทวาดุทวาเต เต๊เห่ เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ เต๊เห่ แฮ เด๊อ แบ่เจ่ อา โอ่ เร๊อ อา แด๊เฮอ ลู เน๊อ, “เน จว๊าเมโต่ เตฮู๊เออ เต๊เห่ เร๊อหม่า เน จว๊าเม เร๊อ อูเป อา เตอเรอฉว่าชอ เป? อูเป นอเม เน เป?”

มัทธิว 7:29

เมเตเฮ๊เรอ, อา อิซว๊าอี๊แส่ แซ่เกอฮู๊ เพรอิซว๊า เตซว๊าเตแส่ อาซ๊าร๊า เนอเต๊เห่ อิซว๊า เนอ โต่. อา อิซว๊า แซ่เจ๊อเร๊อ แกแย เด๊อ อา โอ่ เร๊อ อา เตอเรอฉว่าชอ เตเพร อิซว๊า เนอเจ๊อ.

เพรโด่แนพู๊ เต๊เห่ 4:5

อา ปื่อโท เหย่ซี อาเนอเตอเนอ เนอ แกแยยิวพู๊ อา กู่กล๊อดุ เต๊เห่ เน๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เน๊อ เพรอิซว๊า เตซว๊าเตแส่ อา ซ๊าร๊า เต๊เห่ แฮ โอ่กู๊ ตาฉื่อตาปล๊อ แคลู เด๊อ วีเยรูซาเล็ม อากู.

ꤛꤥ꤭ꤟꤢ꤬ 18:3

ฮู๊เนอเรอ, คูยูดาส จว๊า เด๊อ โต๊โฉ่เผ่เนอ เต๊เหล่ขุ. เร๊อ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ นอแฮ เต่อเกอ โรมัน เกลอฮู๊ เต๊เห่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่ เร๊อ คูยูดาส. เหย่ซี พย๊าแฮหนิ หมิเคว๊กอ ซีเต๊เห่, หมิเฉ่ เต๊เห่ เร๊อ โจ๊โกโจ๊เบ เต๊เห่.

ꤛꤥ꤭ꤟꤢ꤬ 8:3

เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่เนอ อา ปื่อแฮหนิ เพรเหมาะ เตเพร เด๊อ แบ่เจ่ เหย่ซู่ อา โอ่. เหย่ซี แม๊เถอะ เล๊หนิ เพรเหมาะ เออเตเพร เบ๊อะอา จว๊าซื๊อ เพรคู เบ๊อะเนอ. เหย่ซี นอก๊อถ่อโอ่ เพรเหมาะ เออเตเพร เด๊อ แกแย เบ๊หมู่ อา เป๊เส่เง.

ꤛꤥ꤭ꤟꤢ꤬ 7:32

เหย่ซี เฮ๊เบ่โห่ เฮ๊เบ่เซ๊ เกอเร๊อลู เร๊อ แบ่เจ่ เหย่ซู่ครี๊ อาหรี่อาแก คยา ฮู๊เออ เบ๊อะเนอ, ฟาริสี เต๊เห่ หนิโฮ เร๊อ เหย่ซี เน๊อ เพรหลู่แต ทวาดุทวาเต เต๊เห่ นอจว๊าปื่อ แบ่เจ่ เหย่ซู่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่.

ꤛꤥ꤭ꤟꤢ꤬ 3:10

เหย่ซู่ เฮ๊ฉื่อ อา เน๊อ, “เน ทวา เจ๊อ อิสราเอล อา ซ๊าร๊าดู๋ เตเพร แวเฮ๊โต่, ฮู๊เออแพ๊ เร๊อ เน จว๊า ซิเงโต่ เมเต?

ꤜꤢꤨꤊꤢ꤬ 23:10

เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เด๊อ อา ก๊อถ่อโอ่ แลแค เบ๊อะเนอ เต๊เห่, แม๊ปูแม๊แหว่ แด่ ตื๊อดื่อ เจ๊อ เหย่ซู่ เตซื๊อ เจ๊อ.

ꤜꤢꤨꤊꤢ꤬ 20:19

เพรอิซว๊า เตซว๊าเตแส่ อาซ๊าร๊า เต๊เห่ เน๊อ เพรหลู่แต ทวาดุทวาเต เต๊เห่ ซิเง เร๊อ เหย่ซู่ เฮ๊โข่ เหย่ซี ขว่าคยา. โตโพ๊โต อา ซิหยื่อ ปื่อ เจ๊อ เฮ๊อ เหย่ซู่ เบ๊อะเนอ เฮ๊อ. หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่.

ꤗꤢ꤬ꤊꤢꤨ 8:31

เร๊อ เหย่ซู่ เป๊อแถ่ อิซว๊า อา โคเจ่ เต๊เห่ เน๊อ, “แว หม่า แกแยพู๊คู เร๊อ แว โตเบ่ ข่าเบ่ เอ๊แหน่เจ๊อ เตจาเตจือ ปา. เร๊อ แกแยยิวพู๊ ทวาดุทวาเตเนอ เต๊เห่, เพรหลู่แต ทวาดุทวาเต เต๊เห่. เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาซ๊อต๊าหน่า ซ๊อตาพาแก แว ปา. เร๊อ เหย่ซี เก่ เมเซอแก แว ปา. เร๊อ แว เซอโทปา เร๊อ โซเนอ ปาเนอ, แว เก่ เซอ เพร กาคยา คยาแซ๊ เด๊อ เตเซอ ปา.”

มัทธิว 27:1

อาโหน่โตโร เหมาะลี โรมื่อ เบ๊อะเนอ, ล๋อ เพรหลู่แต ทวาดุทวาเต เต๊เห่ เร๊อ แกแยยิวพู๊ กู่กล๊อดุ โหมะพรู โหมะเผระ ทวาดุ แฮ โอ่กู๊โอ่แก๊ ลอ ลู เร๊อ เหย่ซี เก่ เมเซอ เหย่ซู่.

มัทธิว 26:47

เบ๊อะแบ่เจ่ เหย่ซู่ เฮ๊เบ่ ปาแพ๊ เบ๊อะเนอ, คูยูดาส เด๊อ อา โอ่เต่อเกอ ลู โคเจ่ เช๊อซิเนอ อาเกล เออเตเพรเนอ, อา แฮโต่ เบ๊อะเนอ. เร๊อ อาแฮเต่อ เกอเร๊อ อู ตูปลูเต๊เผ่ เจ๊อ เร๊อ เหย่ซี พย๊าแฮหนิ แลแค อิมือ, อิปอ เร๊อ เน๊ เต๊เห่. แกแย เออเต๊เห่ เนอหม่า หม่าแพ๊ เพรหลู่แต ทวาดุทวาเต เต๊เห่ เร๊อ แกแยยิว ทวาดุทวาเต เต๊เห่ ปลวาแฮ เหย่ซี เนอแพ๊.

มัทธิว 26:3

เบ๊อะเนอเบ๊อะเนอ, เพรหลู่แต กู่กล๊อขุแกล เต๊เห่ เร๊อ แกแยยิวพู๊ เตจ๊อบู่จ๊อเบ กู่กล๊อขุแกล เต๊เห่ โอ่ปล๊อลอ ลู เด๊อ เพรหลู่แต กู่กล๊อดุเล๊อ คายาฟาส อาโฮกู.

มัทธิว 21:15

หม่าแน๊เรอ เบ๊อะเพรหลู่แต ทวาดุทวาเต กู่กล๊อ เร๊อ เพรอิซว๊า เตซว๊าเตแส่ อาซ๊าร๊า เต๊เห่ แม๊เถอะเฮ๊อ แบ่เจ่ เหย่ซู่ เมเตโค๊ตีกลี๊ เต๊เห่, โทเรอ อา แม๊เถอะ เป๊เจ่พู๊ เต๊เห่ เอ๊โทแถ่ แลแค เน๊อ, “โฮซันนา, ถู่เซ๊แถ่ คุ๊ยดาวิด อาพู๊คู,” เด๊อ เตหลู่แตโฮกู เบ๊อะเนอ, เหย่ซี ซิปล่อดุ โกโน๋ โต่.

มัทธิว 13:52

เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”

มัทธิว 2:3

เบ๊อะคุ๊ยเฮโรด หนิโฮ เตเฮ๊เบ่ ฮู๊เออ เบ๊อะเนอ, อา ซิปล่อกู่ ซิปล่อแก. ล๋อ วีเยรูซาเล็มพู๊ เต๊เห่ ซิปล่อกู่ ซิปล่อแก เกอ ล๋อปลี เจ๊อ.

มัทธิว 2:5

เร๊อ เหย่ซี เฮ๊ฉื่อ ลู เน๊อ, “อา เก่ โอ่เป๊เจ่แล เด๊อ วีเบธเลเฮม, ยูดาห์ เก่ อากู เนอปา, เพรโพร มีคาห์ รา เร๊อ อา เฮ๊ เน๊อ,