มัทธิว 2:12 - ลีเทส่อพ๊าอาเซ เร๊อ เห่ขุทวาลู๊

¹² เร๊อ จอแปแหร่ เด๊อะรอเด๊อะเร เพรลีแมลีเพ๊ เออเต๊เห่ เด๊อ อา เตโอ่เมอแหม่ อากู เน๊อ เหย่ซี เก่ กาโต ปา แต่ คุ๊ยเฮโรด แต่เหม่. เร๊อ เหย่ซี กาโค๊แก แกล๊ เด๊อ อาโร โตโบ เด๊อ อาเก่.

Eastern Kayah Shadaw Dialect

¹² ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤖꤚꤢꤩ꤬ꤞꤤꤖꤢꤩꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤢ꤬ ꤒꤢꤩ꤬ꤥ꤬ꤗꤣꤧ꤭ꤗ꤫ꤢꤧ꤬ ꤢ꤬ꤊꤢꤨ꤭ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢ꤬ꤒꤥ꤭ ꤕꤢ꤬ ꤒ꤫ꤢꤧ꤬ ꤋꤝꤤꤟꤢꤩ꤬ꤚꤥ꤬ ꤒ꤫ꤢꤧ꤬ꤗꤢꤩ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤊꤢ꤬ꤋꤥꤊꤢꤧ꤭ ꤊꤜꤢꤧ ꤘꤣ ꤢ꤬ꤚꤥ꤬ ꤒꤣ꤬ꤙꤥ꤭ ꤘꤣ ꤢ꤬ꤊ꤫ꤢꤩ꤬꤯

มัทธิว 2:12 ပူးပေါင်းရင်းမြစ်များ

มัทธิว 2:22

หม่าแน๊เรอ เบ๊อะเพโยเซฟ หนิโฮ เน๊อ คุ๊ยเฮโรด อาพู๊คู คุ๊ยอารเคลาอัส แถ่เป๊อ อาเพ เหล่โกล เด๊อ ยูดาห์เก่ เบ๊อะเนอ, อา ซิอิเช เร๊อ อา กาโต บื่อโต่. จอแปแหร่ เด๊อะรอเด๊อะเร เพโยเซฟ เด๊อ อา เตโอ่เมอแหม่อากู เร๊อ อา จว๊าสี่กย๊า กาคยา โอ่เด๊อ กาลิลีเก่กู.

มัทธิว 2:19

เบ๊อะคุ๊ยเฮโรด เซอโทเฮ๊อ เร๊อ เพโยเซฟ โอ่ปา เด๊อ อียิปต์เก่ อาเค เนอ, จอแปแหร่ อา เตเน่วม๊อขุ เตเพร แฮโอ่โลเถ่ เป่ ลู เด๊อ อา เตโอ่เมอแหม่ เออเนอ.

มัทธิว 2:13

เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”

มัทธิว 27:19

เบ๊อะคุ๊ยปีลาต โอ่แนโอ่ เด๊อ อาเหล่แด๊เฮอ เจแม๊ อู กู่ แกล๊แถ่อาโล เบ๊อะเนอ, อาเม นอแฮแด๊โฉ่ แกแยเต๊เห่ เร๊อ อา เวคุ๊ยปีลาต เร๊อ อา เฮ๊ เน๊อ, “จว๊าเมเบ่แต แกแย เด๊อ อาเตซื๊อ โอ่โต่ เออเตเพรเนอ ตีกี๋ แต่เหม่ นี๋, เมเตเฮ๊เรอ แว โอ่เมอแหม่ แร๊ เจ๊อ อาหรี่อาแก ตีกี๋ เจ๊อ โต่.”

มัทธิว 1:20

อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.

เห่ขุทวาลู่ 31:24

หม่าแน๊เรอ เบ๊อะ เหมาะคี๊ เบ๊อะเนอ, จอแปแหร่ดุ แฮเฮ๊โล อารัมมีเมวเจ่อพู๊ เพลาบัน เด๊อ อาเตโอ่เมอแหม่ กู เร๊อ อา เฮ๊ ลู เน๊อ, “อาแร๊ เบ่เบ่ อาแร๊ โต่ เบ่เบ่, รอ เกอเร๊อ เนเหน่ เร๊อ จว๊าเฮ๊ ต๊อหร่อเซ๊ ซิอิเชแต่ คูยาโคบ เต๊อเจ๋อ แต่เหม่ นี๋.”

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

เพรโด่แนพู๊ เต๊เห่ 5:29

คูเปโตร เร๊อ เพรโด่แนพู๊ เต๊เห่ เฮ๊ฉื่อ เน๊อ, “ผื๋อ เร๊อ เตเร หนิดา แกแย เห่ขุพู๊ อาโหง่เนอ, เบ่ หนิดาดุ เล๋อ เด๊อ จอแปแหร่ อาโหง่.

เพรโด่แนพู๊ เต๊เห่ 4:19

หม่าแน๊เรอ คูเปโตร เร๊อ คูยอห์น เฮ๊ฉื่อ เหย่ซี เน๊อ, “หม่า เป โตเบ่ หนิดา ซีโหง่ แอ? หม่าโต่เรอ เป โตเบ่ หนิดา จอแปแหร่ อาโหง่ แอ? เนอ, เตเนแล เกอเร๊อ แลแค ซีเหน่ เด๊อ จอแปแหร่ อา เป๊เส่เง เนอ.

โครินธ์ อาเหร่อเล๊อ ต๊าบ่า 3:19

แกแย เห่ขุพู๊ เต๊เห่ เตเน เร๊อ เออ หม่า เตลีแมลีเพ๊ เฮ๊อ เต๊เห่เนอ, เด๊อ จอแปแหร่ อาเง เนอหม่า อา หม่า แพ๊ เตโอ่เล๊อโอ่กลอ แพ๊. ลีเทส่อพ๊ากู เฮ๊ เน๊อ, “เพรลีแมลีเพ๊ เต๊เห่ เตเน เกอเร๊อ แลแค อาเหน่ เน๊อ เป แจ่ ลา เฮ๊อ หม่าแน๊เรอ จอแปแหร่ ปื่อหนิแก เฮ๊อ เหย่ซี เร๊อ เหย่ซี อาเตแจ่แหน่ เออเนอเฮ๊อ. เหย่ซี อาเตเมแจ่เมแหน่ เต๊เห่ เนอหม่า หม่าแพ๊ แด๊ปา แพ๊.”

ꤜꤢꤨꤊꤢ꤬ 2:26

โทเร๊อ แหย่โยบูโพ๊แบ่เจ่ เด๊อะแม๊เถอะลว๊า ตาเต หนื่ออื่อ เฮ๊อ อา เนอ, อา เก่ แม๊เถอะ แต่ล๋าย ครี๊ เด๊อ แบ่เจ่ จอแปแหร่ นว๊าแถ่ ลู เออเตเพร ล๋ายโต่ เฮ๊เนอ, อา เบ่เซอหนิ ล๋ายโต่.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

ꤟꤤꤙꤚꤢꤨ 8:5

เหล่สื่อดุ บูโพ๊ เด๊อ เพรหลู่แตเนอ เต๊เห่ โนเม เกอเร๊อ ลู เด๊อ เห่ขุ เออเตเม เนอหม่า, อา แม๊ แบ๊บือเกอ จอแปแหร่ อา เตหลู่เเตโฮ หม่าแหน่ เด๊อ ม๊อขุ เนอเตเม แพ๊. เหล่สื่อดุ เออเตเม เนอ อา หม่าแหน่ หม่าโต่, หม่าแพ๊ เด๊อ ม๊อขุ อา หม่าแหน่ เนอเตเม อา แหย่โย แพ๊. เมเตเฮ๊เรอ, เบ๊อะจอแปแหร่ นออิ ช๊อแถ่ คูโมเสส เหล่สื่อดุ เด๊อ เห่ขุเออ เบ๊อะเนอ, อา เฮ๊ ลู เน๊อ, “ครวาเม แบ๊บือ ตาเตแร๊ แซ่เกอลอ ฮู๊ อู เด๊อะโล โทเฮ๊อ เน ม๊อขุ เตหลู่เเตโฮ อาแหย่โย เด๊อ โฉ่ขุเค เนอนี๋,” จอแปแหร่ เฮ๊ ลู ฮู๊เนอ.