มัทธิว 19:16 - ลีเทส่อพ๊าอาเซ เร๊อ เห่ขุทวาลู๊

¹⁶ แกแย เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ แด๊เฮอ ลู เน๊อ, “ซ๊าร๊า, แซ่ฮู๊ แว เก่ พย๊าหนิ ซิปล่อเซอเพร ตูจูเพร อาเงเนอ, เต อาแร๊ เต๊อเจ่อเจ่อ เด๊อ แว โตเบ่ เมเนอหม่า แคร๋ หม่าอิเต?”

Eastern Kayah Shadaw Dialect

¹⁶ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤟꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤞꤢꤚꤢ, ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤒꤢꤩ꤬ ꤢ꤬ꤚꤢꤧ ꤒꤣ꤬ꤡꤣ꤬ꤡꤣ꤬ ꤘꤣ ꤠꤢꤧ꤭ ꤒꤥ꤭ꤙꤢꤩ꤬ ꤗꤢꤩ꤬ꤔꤣꤧ꤬ꤗꤢ꤬ ꤋꤚꤢꤧ꤮ ꤗꤢ꤬ꤤ꤭ꤒꤢꤩ꤭?”

มัทธิว 19:16 ပူးပေါင်းရင်းမြစ်များ

ꤛꤢꤨꤘꤢ꤬ 1:21

เบ๊อะซี โอ่ป่อแม๊ชือ แบ่เจ่ เหย่ซู่ครี๊ อา เตซิยอ เด๊อ อา เก่ เด๊อะ เป ซิปล่อเซอเพร ตูจูเพร เออเตเพร เก่ แฮ เบ๊อะเนอปาเนอ, โอ่หม่าโอ่กลอ แลแค เด๊อ จอแปแหร่ อาเตโม อากู นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2

เบ๊อะเตเซอเพร เออ โอ่โลแถ่ เบ๊อะเนอ, เป แม๊เถอะ อา อาขว่าอาคยา, อา อาหรี่อาแก หม่าเฮ๊อ เตเซอเพร ตูจูเพร แตแลเคร๊ เออเนอ, เป แด๊โฉ่โด่แน โลแจ่ เป่ ลอ เฮ๊อ ซี เฮ๊อ. เตเซอเพร ตูจูเพร ตาแลเคร๊ เออเนอ, อา โอ่เต่อ เร๊อ เปเพ จอแปแหร่ โทเรอ อา แฮ โอ่ โลแถ่ เป่ เฮ๊อ เปเฮ๊อ.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

ꤒꤤꤒꤢꤨ 1:2

เตจ๊ออาเต เออเนอ อา เด๊อ เหย่ซี เตแม๊ซื๊อ เด๊อ เหย่ซี เก่ พย๊าหนิ ซิปล่อเซอเพร ตูจูเพร ตาเลเคร๊ อาเง เฮ๊อ. เบ๊อะเห่ขุ โอ่ทวาแถ่ แต่ล๋ายโต่ เบ๊อะเนอ, จอแปแหร่ เด๊อ อา แลโฮน๊อ แตแค๋ โต่ เออเตเพรเนอ, อา อ๊อแล หนื่ออื่อ โทเฮ๊อ เร๊อ อา เก่ เด๊อะ เป เตเซอเพร เออเนอ เฮ๊อ.

ทิโมธี อาเหร่อเล๊อ ต๊าบ่า 6:19

เก่ เหย่ซี เมฮู๊เนอ เฮ๊เรอ, อา แซ่เฮ๊อ เน๊อ เหย่ซี แด่โอ่ปล๊อ หนิ เฮ๊อ อา เตดุแหย่แถ่เซ เด๊อ อาแบ๊ หม่าแตแนแร๊ เฮ๊อ อาแก่ช๊าเออ ช๋า เนอปา ตือทือ อาเงเนอเฮ๊อ. โทเรอ เหย่ซี เก่ ปื่อหม่า เร๊อดื่อ ซิปล่อเซอเพร เด๊อ อา หม่าแหน่ เออเนอ ปา.

ทิโมธี อาเหร่อเล๊อ ต๊าบ่า 6:12

เตหยื่อเตแหน่ อา เตช๊าเตปา เนอ ตูรู๊ แอ๊จื๊อ ช๊า อา เด๊อ อาแร๊ ตื๊อดื่อ นี๋. เร๊อ ปื่อหม่าหนิ แร๊เด๊อะ เตเซอเพร ตูจูเพร เออเนอ นี๋. เบ๊อะเน อ๊อแล เฮ๊อ เน เตหยื่อเตแหน่ เออเนอ เด๊อ อู โอ่โร๊ อา เป๊เส่เง เบ๊อะเนอ, จอแปแหร่ เอ๊ เน เด๊อ เน พย๊าหนิเฮ๊อ ซิปล่อเซอเพร ตูจูเพร เออเนอ เฮ๊อ.

เพรโด่แนพู๊ เต๊เห่ 16:30

อา เมฮู๊เนอ โทเร๊อ อา เอ๊เถ่ คูเปาโล เร๊อ คูสิลาส เด๊อ อากลอ เร๊อ อา แด๊เฮอ เหย่ซี เน๊อ, “โป่แหว่ ซี๋, แซ่ฮู๊ แว เก่ พย๊าหนิเกอ เตแลเปล๊กา อาเงเนอ, แว โตเบ่ เมฮู๊เต?”

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤛꤥ꤭ꤟꤢ꤬ 12:25

แกแย เด๊อ อา โม เกอเร๊อ อา ซิปล่อเซอเพร เด๊อ เห่ขุเออ เตเพรเพร เนอ, อา เก่ แลจู่ แก อาซิปล่อ เซอเพร ปา. หม่าแน๊เรอ แกแย เด๊อ อา เก่ ซิโล เกอเร๊อ อา ซิปล่อเซอเพร เด๊อ เห่ขุเออ โต่ เตเพรเพร เนอ, อา เก่ พย๊าหนิ ซิปล่อเซอเพร ตูจูเพรเง ปา.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

ทิโมธี อาเหร่อเล๊อ ต๊าบ่า 1:16

หม่าแน๊เรอ แซ่ฮู๊ จอแปแหร่ เก่ เด๊อะโลแถ่ แบ่เจ่ เหย่ซู่ครี๊ อา เตแด่ทูซิปล่อ อาเล๊ออาบา เด๊อ แวโอ่ อาเงเนอ, อา ซิยอเกอเร๊อ แว. เมเตเฮ๊เรอ แว หม่า แกแย เด๊อ อา เมเตซื๊อ ดุเล๊ออูโร เตเพร เฮ๊อ. แซ่ฮู๊ แว เก่ ทวาแถ่ เป่ อู เหล่แม๊บือ เด๊อ เพรหยื่อกา อา เด๊อคยา เต๊เห่ อาเง, โทเรอ แซ่ฮู๊ เหย่ซี เก่ พย๊าหนิเกอ ซิปล่อเซอเพร ตูจูเพร ตาแลเคร๊ อาเง เนอเรอ จอแปแหร่ ซิยอเกอเร๊อ แว แพ๊.

มัทธิว 19:26

แบ่เจ่ เหย่ซู่ แม๊ตู่ แต่ เหย่ซี เร๊อ อา เฮ๊ เหย่ซี เน๊อ, “แกแยเห่ขุพู๊ เมแลเปล๊ แจ่ เกอเร๊อ อาเหน่โต่ ตื๊อดื่อเรอ, จอแปแหร่ เมแจ่เต ปว๋า เต๊อเจ่อ.”

มัทธิว 19:15

เร๊อ อา แด่แถ่โท อากู๊ขุ เด๊อ เหย่ซี อาลู เร๊อ อา เถ่จว๊าแก.