มัทธิว 18:9 - ลีเทส่อพ๊าอาเซ เร๊อ เห่ขุทวาลู๊

⁹ เนเป๊เส่ เก่ นอเม เน เตซื๊อ เฮ๊เรอ ก๊ออูเถ่แก เร๊อ วีแก แก อาเนอ. เนเป๊เส่ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เน๊อ เนเป๊เส่ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ หง่าหร่าปอรากยากู ปาเนอเจ๊อ.”

Eastern Kayah Shadaw Dialect

⁹ ꤔꤢꤧ꤬ꤕꤣꤧꤞꤢꤩ꤬ ꤊꤢꤩ꤬ ꤔꤢꤪ꤭ꤗꤢꤩ꤬ ꤔꤢꤧ꤬ ꤒꤢꤩ꤬ꤞꤢꤦ ꤟꤢꤩꤚꤣꤧ꤬ ꤊꤣꤧ꤬ꤢꤨ꤭ꤓꤢꤩ꤬ꤊꤢꤧ꤭ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤢ꤬ꤔꤣꤧ꤬꤯ ꤔꤢꤧ꤬ꤕꤣꤧꤞꤢꤩ꤬ ꤥ꤬ꤖꤢꤧ ꤒꤣ꤬ꤊꤛꤢ꤭ ꤚꤣꤧ꤬ ꤔꤢꤧ꤬ ꤊꤢ꤬ꤊꤣꤧ꤬ꤔꤥ꤭ꤙꤢꤩ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤔꤢꤧ ꤔꤢꤧ꤬ꤕꤣꤧꤞꤢꤩ꤬ ꤥ꤬ꤕꤝꤢ꤭ꤥ꤬ꤘꤝꤢ꤭ ꤜꤢꤪ꤭ꤔꤣꤧ꤭ꤋꤥ ꤚꤣꤧ꤬ ꤢꤨ꤭ ꤙꤢꤩ꤬ ꤠꤤ꤭ꤒꤢ꤭ꤊꤢꤧ꤭ ꤔꤢꤧ꤬ ꤘꤣ ꤗꤢꤪꤚꤢ꤬ꤕꤢꤪ꤬ꤒꤢꤧ꤬ꤊꤢꤨ꤭ ꤕꤢ꤭ꤔꤣꤧ꤬ ꤡꤣꤧ꤯”

มัทธิว 18:9 ပူးပေါင်းရင်းမြစ်များ

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

มัทธิว 18:8

เน กู๊ขุ เบ่เบ่, เน กู๊โด่ เบ่เบ่, อา เก่ นอเม เน เตซื๊อ เฮ๊เรอ, ปาตือ ลอแก เร๊อ วีแก อาเนอ. เน กู๊ขุตือ, เนกู๊โด่ตือ เร๊อ เน กาโนเบ๊ เด๊อ ม๊อขุเนอ อาแร๊เล๊อ ปา เจ๊อ เน๊อ เนกู๊ขุ กู๊โด่ โอ่ปวา เร๊อ อู เบ่ วีตาแก เน เด๊อ หมิแก ตูจูเพร เด๊อ อา ปี เป่โต่ เนอเต๊เผ่ กูปา.

มัทธิว 5:29

เนเป๊เส่ จ๊อทว๊า ตากยา เก่ นอเม เน เตซื๊อ เก่เฮ๊เรอ, ก๊ออูเถ่แก เร๊อ วีแก แก อา เนอ. เก่เม เนอ พื๋อ อู เก่ วีตาแก ลอ เน ซีเหน่กล่อ ชีเพร ลอ เด๊อ หง่าหร่าปอรากยากู เนอ, เนเป๊เส่ เลปย๊าแก ตากยา หม่า อาแร๊เล๊อ ปา เจ๊อ.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

ꤟꤤꤙꤚꤢꤨ 4:11

เป เพอโพ เด๋อ งย๊าเค เต๊เห่เนอ, อา ย๊อ หนิดา เกอ จอแปแหร่ อาโหง่ โต่ อาขว่าอาคยา, อา โนหนิ เกออู เด๊อ จอแปแหร่ เหล่โอ่โก๊ เตเบ๊ซิพร๊า อาเหล่โอ่ เออเนอ โต่. แซ่ฮู๊ เป เก่ ครวาแม๊บือ เกอ แต่ เปเพอเปโพ เตเพร่ว แต่เหม่, โท๊โต่ แซ่ฮู๊ เป เก่ โนหนิ เกออู เด๊อ เหล่โอ่โก๊ เตเบ๊ซิพร๊า อาเหล่โอ่ เออ อาเงเนอ, เป เตเพร เร๊อ เตเพร เก่ แอ๊จื๊อ แร๊ ตื๊อดื่อ โหร่ลู โป๋.

ꤗꤢ꤬ꤊꤢꤨ 9:47

เป๊เส่ปล่อ เก่ นอเม เร๊อ เตซื๊อ เฮ๊เรอ ก๊ออูเถ่แก เร๊อ วีแก แก อาเนอ เป๊เส่ปล่อ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เร๊อ เป๊เส่ปล่อ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ ปอรากยากู ปาเนอ เจ๊อ.

มัทธิว 19:17

แบ่เจ่ เหย่ซู่ แด๊เฮอ ลู เน๊อ, “เมเตเร๊อ เน จว๊า แด๊เฮอโต่ แว เนอ เตแร๊ อาหรี่อาแก เมเต? แกแย เด๊อ อาแร๊ หม่าแหน่ เนอหม่า อา โอ่ แพ๊ตื๊อ จอแปแหร่ เต แพ๊. เน เก่ ซิหยื่อ พย๊าหนิ ซิปล่อเซอเพร ตูจูเพร เก่เฮ๊เรอ ลือครวา เมเกอ ฮู๊ จอแปแหร่ โหง่เฮ๊แก เนอ.”

มัทธิว 16:26

แกแย เตเพรเพร อา พย๊าหนิ ลอ เจ๊อ เห่ขุต๊าบ่า เตดุแหย่แถ่เซ เต๊เห่ เจ๊อ ตื๊อดื่อเรอ อา เก่ แลจุแก อา ซิปล่อตูจูเพรเออ เฮ๊เนอ อาบุ๊ย เด๊อ ลูเง ฮู๊เต? แกแย เด๊อ อา ซิหยื่อ หนิเบ่ กาคยา คยาแซ๊ อา ซิปล่อเซอ ตูจูเพร เออ เตเพรเพรเนอ, เตดุแหย่แถ่เซ เด๊อ อา เก่ อิพรีเบ๊ เน๊อ อา ซิปล่อเซอเพร เออเนอ อา โอ่ เตอเจ๋อ โต่.