มัทธิว 18:17 - ลีเทส่อพ๊าอาเซ เร๊อ เห่ขุทวาลู๊

¹⁷ เก่ อา หนิดา เกอ ซีโหง่ โต่ เก่เฮ๊เรอ แด๊โฉ่โล เร๊อ เพรหยื่อเอ่ ตู๊หมู่ตอกล๊อ เนอ เต๊เห่, เร๊อ เพรหยื่อเอ่อา ตู๊หมู่ตอกล๊อ เฮ๊ ลู เร๊อ อา เก่ หนิดา โต่โต่ เก่เฮ๊เรอ ซี เบ่แด่ แกอา ฮู๊ แกแย เด๊อ อา หยื่อเอ่ จอแปแหร่โต่ เตเพรเนอ, โต่หม่าแน๊ ซี เบ่แด่ อา ฮู๊ เพรกุย อาหมู่อาร๊า เตเพรเนอ เฮ๊อ.

Eastern Kayah Shadaw Dialect

¹⁷ ꤊꤢꤩ꤬ ꤢ꤬ ꤔ꤫ꤤ꤬ꤘꤢ꤭ꤊꤣꤧ꤭ ꤛꤢꤩ꤬ꤞꤤ꤭ꤍ꤫ꤥ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬ ꤘꤢꤧꤏꤥ꤬ꤜꤥ꤭ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤔꤣꤧ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤟꤢꤩ ꤜꤢꤨ꤭ ꤚꤣꤧ꤬ ꤢ꤬ ꤊꤢꤩ꤬ ꤔ꤫ꤤ꤬ꤘꤢ꤭ ꤒꤥ꤬ꤒꤥ꤬ ꤊꤢꤩ꤬ꤟꤢꤩꤚꤣꤧ꤬ ꤟꤢꤩꤙꤢꤩ꤬ꤟꤢꤩꤏꤥ꤭ ꤢ꤬ ꤟꤢꤨ ꤞꤤ꤭ ꤘꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤒꤥ꤬ꤗꤢ꤬ꤔꤢꤧ ꤟꤢꤩꤙꤢꤩ꤬ꤟꤢꤩꤏꤥ꤭ ꤢ꤬ ꤟꤢꤨ ꤖꤚꤢꤩ꤬ꤊꤝꤤ꤭ꤢ꤬ꤗꤢꤨ꤬ꤢ꤬ꤚꤢ ꤒꤣ꤬ꤖꤚꤢꤩ꤬ꤔꤣꤧ꤬꤯

มัทธิว 18:17 ပူးပေါင်းရင်းမြစ်များ

เธสะโลนิกา เนอบ่า ต๊าบ่า 3:6

โป่แหว่ ครี๊พู๊ ซี๋, เด๊อ แบ่เจ่ เหย่ซู่ครี๊ อามุย อากู, เป เฮ๊แก ซี โหง่ เนอ, ล๋อ โป่แหว่ เด๊อ อา เตเกลแลแบ๊ เร๊อ อา ครวาเม เกออู ฮู๊ เป เหล่โกลเม เด๊อ เป เด๊อะแก ซี เออเนอ โต่ เต๊เห่เนอ จว๊า แบ๊ซว๊า แต่ เร๊อ เหย่ซี แต่เหม่ นี๋.

โครินธ์ อาเหร่อเล๊อ ต๊าบ่า 5:9

แว รา เป่ ซี ลี เด๊อ อาเหร่อเค ต๊าบ่า เนอหม่า, แว เฮ๊ ซี เร๊อ แบ๊ซว๊าแบ๊โค แต่ เร๊อ แกแย เด๊อ อา จว๊าซื๊อ เพรเหมาะเพรคู เนอเต๊เห่ แต่เหม่, แว รา เฮ๊จว๊า เป่ ซี ฮู๊เนอ.

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ꤜꤢꤨꤊꤢ꤬ 15:1

เบ๊อะเตอโพ๊ เพรก่อยอาหมู่อาร๊า เต๊เห่ เร๊อ เพรเตซื๊อโอ่ เต๊เห่ แฮ โอ่ปลู ตาวา หนิดา แลแค เหย่ซู่ อา เตโด่แนเฮ๊เบ่ เต๊เห่.

มัทธิว 11:19

แกแย เห่ขุพู๊ อาพู๊คู หม่าเฮ๊อ แวเออ แฮเอ่แฮโอ เกอลาติ เร๊อ เหย่ซี เฮ๊ แลแคเน๊อ ‘แม๊มอ แกแย เออเตเพรเล๊, อา เอ่ฉว่าโอชอ เอ่มือ โอแพร๊, อา แบ๊ซว๊าแบ๊โค ดื่อเง เร๊อ เพรกุยอาหมู่อาร๊า เร๊อ เพรเมซื๊อพู๊ เนอเต๊เห่เล๋,’ เหย่ ซี เฮ๊ แลแค ฮู๊เนอ. หม่าแน๊เรอ จอแปแหร่ อา เตลีแม เออเนอ อู เก่ แม๊เถอะ ดื่อเน๊อ อาเตเส่ เตโพ เถ่โลเฮ๊อ เบ๊อะเนอปา.”

ꤜꤢꤨꤊꤢ꤬ 18:11

ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน.

มัทธิว 5:46

ซี เก่ โมหนิเกอเร๊อ ตื้อแพ๊ แกแย เด๊อ อา โมหนิเกอเร๊อ ซี เนอเต๊เห่ แพ๊ เก่เฮ๊เรอ จอแปแหร่ เด๊อะ ซี คว๊าเก่โต่. เก่ เมแพ๊ ฮู๊เนอ เก่เฮ๊เรอ เพรกุยอาหมู่อาร๊า เต๊เห๋ หม่า อา เมแจ่ แพ๊แพ๊.

มัทธิว 6:7

ซี กุยจ๊อเบ เบ๊อะเนอ กุย จ๊อเบ แต่ฮู๊ แกแย เด๊อ อา ซิเง เกออู จอแปแหร่โต่ เนอเต๊เห่ กุย จ๊อเบ แต่เหม่. เหย่ซี หม่า อา กุย จ๊อ เบ ทู เร๊อ อาโหง่ แลช๊า โอ่โต่. เก่ กุย จ๊อ เบ ทู ตื๊อ หม่า จอแปแหร่ เด๊อะ เหย่ซี แพ๊ อาเตเน แลแค ฮู๊เนอ.

มัทธิว 10:3

โทเรอ คูฟีลิป เร๊อ คูบารโธโลมิว, คูโธมัส เร๊อ เพร กุยอาหมู่อาร๊า คูมัทธิว, โทเรอ เพอัลเฟอัส อาพู๊คู คูยากอบ โทเรอ คูธัดเดอัส,

โครินธ์ อาเหร่อเล๊อ ต๊าบ่า 6:1

ซี เก่ กย๊างาลู เฮ๊เรอ ซี จว๊า เอ๊แถ่แด๊ เฮอ เจแม๊โต่ ลู เตเพร เร๊อ เตเพร เด๊อ แกแยดุ เด๊อ อา หยื่อเอ่ ครี๊ โต่ เต๊เห่ อาหี่ เมเต? ซี เร๊อ ซี เอ๊ เฮ๊เบ่โปล เกอเร๊อ ลู เร๊อ ซี นอ แด๊เฮอเจแม๊ น๊อเร๊อ จอแปแหร่ อาแกแย เต๊เห่ โต่ เมเต?