มัทธิว 18:15 - ลีเทส่อพ๊าอาเซ เร๊อ เห่ขุทวาลู๊

¹⁵ “เน โป่แหว่ เพรหยื่อเอ่ เตเพรเพร เก่ เมซื๊อ เน บ๊อเกเต๋ เบ่เบ่, จว๊าแม๊เถอะ เฮ๊เบ่ ตื๊อดื่อ เร๊อ อา, เร๊อ แด๊โฉ่โล เป่ ลู เต เด๊อ อา เมซื๊อ เน เนอ เต๊เห่. เก่ อา ซิปล่อโต อ๊อแล เกอ อา เตเมซื๊อ เก่เฮ๊เรอ, ซี ทวา กาคยา คยาแซ๊ ลูฮู๊ โป่แหว่ เนอ เฮ๊อ.

Eastern Kayah Shadaw Dialect

¹⁵ “ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤗꤢꤩ꤬ꤞꤢꤦ ꤔꤢꤧ꤬ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤡꤝꤢꤗꤢꤧꤓ꤫ꤣꤧ꤬ ꤟꤢꤩꤙꤢꤩ꤬ ꤒꤢꤦꤘꤢꤦ꤬ ꤔꤢꤧ ꤢ꤬ ꤚꤣꤧ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤨ꤭ ꤒꤢꤩ꤬ ꤘꤣ ꤢ꤬ ꤗꤢꤩ꤬ꤞꤢꤦ ꤔꤢꤧ꤬ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤊꤢꤩ꤬ ꤢ꤬ ꤞꤤꤕꤜꤢꤪ꤬ꤒꤥ꤭ ꤊꤣꤧ꤭ ꤔꤢꤧ ꤔꤢꤧ꤬ ꤚꤣꤧ꤬ ꤢ꤬ ꤊꤢꤩ꤬ ꤢꤪꤜꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤊꤢꤩ꤬ꤟꤢꤩꤚꤣꤧ꤬ ꤔꤢꤧ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ꤣꤧ꤭ ꤒꤣ꤬ꤖꤚꤢꤩ꤬ ꤟꤣꤧ꤯

มัทธิว 18:15 ပူးပေါင်းရင်းမြစ်များ

โคโลสี 3:13

แด่ทูซิปล่อ เป่ แกแย เด๊อ อา เมจาเมจือ แหน่ ซิปล่อ เนอเต๊เห่ นี๋. แกแย เตเพรเพร เก่ เมซื๊อ เน เฮ๊เรอ ปลวาแก ลูเตซื๊อ นี๋. ปลวาแก คยาลู เตซื๊อ เตเพร เร๊อ เตเพร ฮู๊ แบ่เจ่ อาปลวาแกเฮ๊อ ซี เตซื๊อ เออเนอ นี๋.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

เธสะโลนิกา เนอบ่า ต๊าบ่า 3:15

หม่าแน๊เรอ ซิเถ่ซิฮา แต่ อา แต่เหม่ นี๋, หม่าแน๊เรอ เด๊อะรอเด๊อะเร อา ฮู๊ เน เด๊อะรอเด๊อะเร เน โป่แหว่ ครี๊พู๊ เตเพรเนอ แพ๊ นี๋.

มัทธิว 18:35

เร๊อแบ่เจ่ เหย่ซู่ เฮ๊ ตื๊อดื่อแกเนอ, “ซี เก่ ปลวาแก ลอซิปล่อสู่เทอ แหน่แหน่ ซี โป่แหว่ โต่ เฮ๊เนอหม่า, เพ จอแปแหร่ เด๊อ ม๊อขุ เตเพร เก่ เม เกอ ซี แซ่ฮู๊เนอ ปา.”

ꤚꤥꤗꤢꤩ꤬ 12:21

ปลวา เมเป่ แต่ เตมู๊แหม่ เร๊อ เนเหน่ แต่เหม่ นี๋. เมเป่แก เตมู๊แหม่ เออเนอ เร๊อ เตแร๊ เออเนอ นี๋.

เปโตร อาเหร่อเล๊อ ต๊าบ่า 3:1

ฮู๊เนอเฮ๊อ ซี เด๊อ อา ทวา เมเต๊เห่ เนอเบ่เบ่, แด่หยว่า แลแค ซีซิปล่อ เด๊อ ซีเว เต๊เห่ อาเล นี๋. เด๊อ เหย่ซี อาเกลเนอ, อา เก่ หยื่อเอ่ เกออู จอแปแหร่ อาลาอาโหง่ โต่ เก่โอ่ เตเพรเพร เฮ๊เรอ, ซี เฮ๊ เป่ เจ๊อ เหย่ซี โหง่ ตือมื๋อ โต่ เบ่เบ่, เด๊อ ซี เตโอ่ซาแรฉ่าเผร่ ซีเหน่ อาขว่าอาคยา, อา เก่ อี๊หล่าอี๊ลอหนิ คยา เหย่ซี ซิปล่อ เร๊อ อา เก่ หยื่อเอ่แหน่ เกอ ครี๊ ปา.

โครินธ์ อาเหร่อเล๊อ ต๊าบ่า 8:12

เด๊อ ซี เมฮู๊เนอ อาขว่าอาคยา, ซี เมซื๊อเฮ๊อ ซี โป่แหว่ เออเต๊เห่ เฮ๊อ. เมเตเฮ๊เรอ อาเตหยื่อ ปีตี๊ เร๊อ อา ครวา แม๊บือ เมเกอ ซี เร๊อ อาซิปล่อ โม เกอเร๊อ โต่ อาขว่าอาคยา, อา แซ่ เฮ๊อ เร๊อ ซี เมซื๊อเฮ๊อ ครี๊ เนอ เฮ๊อ.

โครินธ์ เนอบ่า ต๊าบ่า 7:12

ฮู๊เนอเรอ, ลี เด๊อ แว ราจว๊าเป่ ซี เด๊อ อาเหร่อเค ต๊าบ่าเนอ หม่า, แว ราจว๊า เป่ แกแย เด๊อ อา เมซื๊อเต เนอเตเพร เร๊อ แกแย เนอเตเพร เมซื๊ออู เนอเต๊เห่ อาขว่าอาคยา ตื่อดื่อ หม่าโต่, แซ่ฮู๊ ซี เก่ ซิเง เร๊อ ซี เด๊อะแล เจ๊อ ซีซิปล่อ เด๊อ เปเง บ๋า เตเนอ, แว ราจว๊า เต่อเกอดื่อ ฮู๊เนอ. ซี โม เป บ๋า เตเนอ จอแปแหร่ ซิเง ตาเต ลอปลี เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.

มัทธิว 18:14

แซ่ฮู๊เนอเฮ๊อ, แกแย เด๊อ อาปีตี๊ เล๊ออู เด๊อ ซี เกล เต๊เห่ เก่ เซอแก เด๊อ แหย่โย ตากยาเนอ, ซีเพ เด๊อ ม๊อขุเออ อาซิหยื่อ ตีกี๋ โต่.”

มัทธิว 18:21

โทเรอ คูเปโตร แฮ เด๊อ แบ่เจ่ เหย่ซู่ อา โอ่, เร๊อ อา แด๊เฮอ ลู เน๊อ, แบ่เจ่, แว โป่แหว่ เตเพร เก่ เมซื๊อ แว เฮ๊เรอ แว โตเบ่ ปลวาแก ลูเตซื๊อ บ๊าโพ๊เต? หม่า แว เบ่ ปลวาแก บา โต่เจ๊อ เหย่ซี โซซว๊าโตโพ๊ เจ๊อ แอ?

ꤒꤤꤒꤢꤨ 3:10

แกแย เตเพรเพร เด๊อ อา เด๊อ โอ่แถ่ เตลูโพร๊ลูแพร เต๊เห่เนอ, เด๊อะรอ อา เนอโพ๊ โทเรอ เด๊อ คยา เนอ แบ๊ซว๊า ปา ดื่อ เร๊อ อา แต่เหม่ นี๋.