มัทธิว 18:10 - ลีเทส่อพ๊าอาเซ เร๊อ เห่ขุทวาลู๊

¹⁰ “รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

Eastern Kayah Shadaw Dialect

¹⁰ “ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤒ꤫ꤢꤧ꤬ ꤖꤚꤢꤩ꤬ꤕꤣꤧ꤬ꤒꤤꤜꤣ ꤘꤣ ꤢꤨ꤭ꤊꤜꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤟꤢꤩ ꤟꤣꤧ ꤞꤤ꤭ ꤔꤢꤧ, ꤛꤢꤩ꤬ꤞꤤ꤭ ꤢ꤬ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ ꤥ꤬ꤕ꤫ꤢꤪ꤬ ꤗꤢꤧ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ꤖꤢꤦ꤬ ꤔꤢꤧ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

มัทธิว 18:10 ပူးပေါင်းရင်းမြစ်များ

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ꤜꤢꤨꤊꤢ꤬ 16:22

“เบ๊อะแกแย โซพ๊าโซแรพู๊ เออเตเพร อาเซอ เบ๊อะเนอ, เตเน่ว ม๊อขุพู๊ เต๊เห่ จอแถ่ อา เด๊อ เพอับราฮัม อาช๊า. แกแย ดุแหย่แถ่เซ เออเตเพรเนอ, อา เซอเกอลาติ เร๊อ อู จว๊า โล๊แก ลู.

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

ꤜꤢꤨꤊꤢ꤬ 1:19

เร๊อ เตเน่วม๊อขุ เฮ๊ฉื่อ ลู เน๊อ, “แว หม่า กาเบรียล, แว ก๊อถ่อ เด๊อ จอแปแหร่ อา เป๊เส่เง เร๊อ อา นอตาแล แว เด๊อ แว เก่ แฮ แด๊โฉ่ เป่ เน เร๊อ โหง่ เตซิครืออามีลา เออเต๊อเจ่อ เนอแพ๊.

มัทธิว 18:14

แซ่ฮู๊เนอเฮ๊อ, แกแย เด๊อ อาปีตี๊ เล๊ออู เด๊อ ซี เกล เต๊เห่ เก่ เซอแก เด๊อ แหย่โย ตากยาเนอ, ซีเพ เด๊อ ม๊อขุเออ อาซิหยื่อ ตีกี๋ โต่.”

มัทธิว 18:6

“แกแย เตเพรเพร เก่ นอเมซื๊อ เพรปีตี๊เล๊อ เด๊อ อา หยื่อเอ่ แว เออเต๊เห่ อาเกล เตเพรเพร เฮ๊เนอ, จอ หล่อดุ เด๊อ อาแก่โบลูเนอ เร๊อ ต่าตา แลจื๊อแก อา เด๊อ เทอดุซาวากู เนอหม่า, อาแร๊เล๊อ ปาเจ๊อ เด๊อลูเงเจ๊อ.

มัทธิว 2:19

เบ๊อะคุ๊ยเฮโรด เซอโทเฮ๊อ เร๊อ เพโยเซฟ โอ่ปา เด๊อ อียิปต์เก่ อาเค เนอ, จอแปแหร่ อา เตเน่วม๊อขุ เตเพร แฮโอ่โลเถ่ เป่ ลู เด๊อ อา เตโอ่เมอแหม่ เออเนอ.

มัทธิว 2:13

เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”

มัทธิว 1:20

อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

โครินธ์ อาเหร่อเล๊อ ต๊าบ่า 11:22

ซี เอ่ แลแค เด๊อ ซีหี่ โต่หม่า ซีหี่ โอ่ แหน่ โต่ แอ? หม่า ซี ซิหยื่อ เมมุยแลปี จู๊แก่ แหน่ เฮ๊อ ล๋อ เพรหยื่อเอ่ เออ เออเต๊เห่ อามุย แหน่ เฮ๊อ แอ? หม่า ซี ซิหยื่อ เม ซิเตเรแก แกแย โซพ๊าโซแร เนอเต๊เห่ แอ? แว เตเร เฮ๊ ปา ซี ฮู๊เต? แว โตเบ่ ถู่เซ๊ เกอเร๊อ ซี แอ? เหล่ถู่เซ๊ เกอเร๊อ ซี เนอ อาโอ่ เตอเจ๋อ โต่.

โครินธ์ อาเหร่อเล๊อ ต๊าบ่า 16:11

ซี เบ่ เตเน ปีตี๊หนิ ลู เตเพร่ว โต่. แซ่ฮู๊ อา เก่ กาโต่เบ๊ คยา เด๊อ แว โอ่, โท๊โต่ แซ่ฮู๊ อา เก่ จว๊า แฮเง โมโม แร๊แร๊ โป่ แกล๊ เด๊อ เง ตากยา อาเงเนอ, ซี เบ่ เมจว่า ลู, เมเตเฮ๊เรอ แว โอ่ป่อแม๊ชือ อา เร๊อ อาโค โป่แหว่ ครี๊พู๊ เด๊อ อาโร เต๊เห่ เก่ กาโต่ โหร่ลอ ลู เด๊อ แว โอ่.

ꤚꤥꤗꤢꤩ꤬ 14:10

ฮู๊เนอเรอ, เน จว๊า แด่ เตซื๊อ โต่ เน โป่แหว่ เมเต? หม่าโต่เรอ, เน จว๊า เตเน ปีตี๊โต่ เน โป่แหว่ เออเตเพร เมเต? ล๋อ เป เออเต๊เห่เนอ, เป เบ่ ก๊อถ่อลอ เด๊อ จอแปแหร่ เหล่เมจากาคยา อาเหล่โอ่ เนอ อาเป๊เส่เง ปา.

เพรโด่แนพู๊ เต๊เห่ 27:23

เมเตเฮ๊เรอ, เออเตเซ, จอแปแหร่ เด๊อ แว ทวาเฮ๊อ อาเต เร๊อ แว เมเฮ๊อ อาเตเม เออเตเพร อา เตเน่วม๊อขุ แฮ ก๊อถ่อโอ่ เด๊อ แว ช๊า,

เพรโด่แนพู๊ เต๊เห่ 12:23

โตโพ๊โต, แบ่เจ่ อา เตเน่วม๊อขุพู๊ เตเพร เมชุ๊ยเมเช คุ๊ยเฮโรด, เมเตเฮ๊เร๊อ อา โต ถู่เซ๊แถ่ จอแปแหร่ ตื๊อดื่อเรอ อา จว๊า นอถู่เซ๊แถ่ อาเหน่ เน๊อ แกแยเห่ขุพู๊. เร๊อ อาเขระ เอ่เซอแก ลู.

เพรโด่แนพู๊ เต๊เห่ 12:15

“หม่า เน ตีมุย แอ?” เหย่ซี เฮ๊ฉื่อ เหมาะโรดา ฮู๊เนอ, ตื๊อดื่อเรอ อา หม่าแหน่ เจ๊อ เหมาะโรดา เฮ๊ชาเผระฉื่อ เหย่ซี ฮู๊เนอ. “คูเปโตร อาแหย่โย แพ๊กอ” เหย่ซี เฮ๊ฉื่อ กาคยา ลู ฮู๊เนอ.

เพรโด่แนพู๊ เต๊เห่ 10:3

เตอเนอเค เบ๊อะเหมาะเฮ๊แล โซมือ ผื่อเบ่เฮ๊อ เบ๊อะเนอ, อา แม๊เถอะลว๊า หนื่ออื่อ ลีโพ๊ เจ๊อ จอแปแหร่ อา เตเน่วม๊อขุพู๊ เตเพร แฮโน โอ่โลคย๊า เด๊อ อา หี่ด๊อกู เร๊อ อา เอ๊ ลู เน๊อ, “เพโครเนลิอัส!” ฮู๊เนอ.

เพรโด่แนพู๊ เต๊เห่ 5:19

หม่าแน๊เร๊อ เบ๊อะเบ๊อะเนอเตเซเนอ, แบ่เจ่ เตเน่วม๊อขุพู๊ เตเพร แฮบ๊าโม กู่ดา เร๊อ อา ปลวาเถ่แก เพรโด่แนพู๊ เต๊เห่ เออเต๊เห่ เร๊อ อา เฮ๊ เหย่ซี เน๊อ,

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

โครินธ์ อาเหร่อเล๊อ ต๊าบ่า 9:22

แซ่ฮู๊ แกแย เด๊อ อู เมจาเมจือ เหย่ซี, เป่เอ่เป่โอ เหย่ซี เต๊เห่ เก่ หยื่อเอ่ เกอ แบ่เจ่ เหย่ซู่ อาเงเนอ, เบ๊อะแว โอ่เต่อเกอ เด๊อ เหย่ซีเกล เบ๊อะเนอ, แว โอ่เซอเพร แซ่เกอ ฮู๊ เหย่ซี เนอ. แซ่ฮู๊ แกแย เต๊เห่เห่ เก่ พย๊าหนิ เกอ เตเมแลเปล๊กา อาเงเนอ, แว แม๊ปู โอ่เซอเพร ตาโตตาเบ่ เกอ ปว๊า เต๊อเจ่อ ฮู๊ เหย่ซี ปว๋า เตเพร โอ่เซอเพร เนอ เจ๊อ.

ꤚꤥꤗꤢꤩ꤬ 15:1

เป เด๊อ อาโอ่ เร๊อ เตหยื่อเตแหน่ ชอ เออเต๊เห่เนอ, เป โตเบ่ แด่ทูซิปล่อ เร๊อ เมจว่า เป่เกอ แกแย เด๊อ อา เตหยื่อเตแหน่ ปีตี๊ปา เร๊อ อาซิปล่อ หร่ารอหร่าเหร่ ปา ดื่อเง เนอเต๊เห่. เป โต ลือเมโม แล เกอเร๊อดื่อ เปเหน่ โต่.

ꤚꤥꤗꤢꤩ꤬ 14:21

เอ่ เตหย่า เบ่เบ่, โอ เทอแย เบ่เบ่, เมเต เต๊อเจ่อเจ่อ เด๊อ อา ทวาแถ่ เตซื๊อ เด๊อ โป่แหว่ อาเงเบ่เบ่, เป เก่ โด่ หม่า อาแร๊เล๊อ.

เตเด๊อะโลแถ่ 8:2

เบ๊อะเนออาเค แว แม๊เถอะ เตเน่วพู๊ โซซว๊าเตเพร เด๊อ อา เม จอแปแหร่ อาเตเม เร๊อ อา ก๊อถ่อ โอ่ เด๊อ ลูเป๊เส่เง ปว๋า โตโพ๊, เร๊อ อู เด๊อ เหย่ซี กวา โซซว๊าเตเม.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

มัทธิว 12:20

แกแย เด๊อ อา อ๊าเจ่ เหร่เจ่ แซ่เน๊อ ปูเหมาะ แลงอ เตเพร เนอ, อา เก่ย๊อเก่ แกลูโต่. แกแย เด๊อ อาเตหยื่อ ปีตี๊ แซ่เน๊อ หมิเคว๊กอ เด๊อ อาเตเร ปีเฮ๊อ เตเพร เนอ, อาโอ๊ปี ลา ลูโต่. อา เก่ เมแร๊ เป่แฮ เร๊อ อา เก่ ซิยอ เป่ แฮ ลาโป่ โต่ เด๊อ อา เก่ เด๊อ โอ่ทวาแถ่ เตจ๊อเตเต เก่ เมเป่แก เต มู๊แหม่ เออเนอ ปา.

ꤟꤤꤙꤚꤢꤨ 9:24

เมเตเฮ๊เรอ เหล่สื่อดุ บูโพ๊ เด๊อ อู เม เร๊อ แกแย กู๊ขุ เร๊อ อู แม๊บือ เมเกอ แพ๊ อาโหมะกล่อ หม่าแหน่ เออเตเม อากู เนอ, ครี๊ จว๊าโน เบ๊อะเนอ หม่าโต่. อา จว๊าโน เร๊อดื่อ เด๊อ ม๊อขุ เร๊อ กู๊แหน่เออ อา กุยซิยอ เป่ เป เด๊อ จอแปแหร่ อาเป๊เส่เง.