มัทธิว 17:5 - ลีเทส่อพ๊าอาเซ เร๊อ เห่ขุทวาลู๊

⁵ เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

Eastern Kayah Shadaw Dialect

⁵ ꤙꤣꤧ ꤢ꤬ ꤟꤢꤩꤙꤢꤩ꤬ ꤕꤢ꤬ꤖꤢꤧ ꤢ꤬ꤋꤢꤩ꤭ꤔꤣꤧ꤬, ꤢꤪꤜ꤫ꤥ꤬ ꤒꤣꤧ꤬ꤋꤢꤩ꤭ ꤒꤣ꤬ꤙꤢ꤬ ꤜꤣꤧ꤬ꤕꤢꤪ꤬ ꤒꤢ꤭ꤙꤤꤊꤢꤧ꤭ ꤛꤢꤩ꤬ꤞꤤ꤭ ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ ꤒꤣ꤬ꤗꤢꤦ꤭ ꤘꤣ ꤢꤪꤜ꤫ꤥ꤬ ꤢ꤬ꤊꤢꤨ꤭ ꤔꤢꤧ, “ꤣꤧ꤭ꤗꤢ꤬ ꤠꤢꤧ꤭ꤖꤢꤨ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤢ꤬ ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤥ꤬ ꤚꤣꤧꤘꤢꤦ꤬ ꤢ꤬ ꤒꤣ꤬ꤖꤚꤢꤩ꤬, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤢ꤬ꤍ꤫ꤥ꤬ ꤔꤤ꤮꤯”

มัทธิว 17:5 ပူးပေါင်းရင်းမြစ်များ

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

มัทธิว 12:18

“เหย่ซู่ หม่า เพรแรเต เด๊อ จอแปแหร่ นว๊าแถ่ ลู, อา หม่า แกแย เตเพร เด๊อ แว โมหนิเกอเร๊อ ลู เร๊อ แว ซิปล่อ โอ่หนิเกอ ลู. แว เก่ นอแฮโอ่ แหย่โยบูโพ๊ แบ่เจ่ เด๊อ อาลู ปา เร๊อ อา เก่ แด๊โฉ่โล เป่ แกแยยิวพู๊ หม่าโต่ เต๊เห่ เน๊อ อาเบ่ พย๊าฉื่อ เตจ๊อเตเต เด๊อแวโอ่ ฮู๊ เตเนอ ปา.

ꤗꤢ꤬ꤊꤢꤨ 9:7

เร๊อ อ๊อโหล่ ตื๊อบื่อ แลปอ ตาบี๊แก เหย่ซี เร๊อ โหง่พราเถ่ เด๊อ อ๊อโหล่กู เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โม เกอเร๊อ อา เตเพร, เร๊อ หนิดา แลแค อาโหง่ นี๋.”

ꤛꤥ꤭ꤟꤢ꤬ 3:35

เพ จอแปแหร่ โมเร๊อ อาพู๊คู เร๊อ อา เด๊อะตาลอ ลู เตปว๋า เต๊อเจ่อ เด๊อ อา กู๊ยากู เฮ๊อ.

ꤗꤢ꤬ꤊꤢꤨ 1:11

เร๊อ จอแปแหร่ โอ่ เด๊อะ ม๊อขุ, เร๊อ อา เฮ๊เบ่ตา ลู เน๊อ, “เน หม่า แวพู๊คู เด๊อ แว โมแหน่เกอ เร๊อเน เร๊อ เน เมโม แว ซิปล่อ เตเพร,” อา เฮ๊ ฮู๊เนอ.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

ꤜꤢꤨꤊꤢ꤬ 3:22

โทเร๊อ แหย่โยบูโพ๊แบ่เจ่ กลว่าอาเหน่ ฮู๊ ถู่หลุ่ย เร๊อ อา แฮ ตาโอ่ เด๊อ เหย่ซู่ ลู เบ๊อะเนออาเค โหง่พรา ตา เด๊อ ม๊อขุ เร๊อ อา เฮ๊ เน๊อ, “เน หม่า แวพู๊คู เด๊อ แว โม เกอเร๊อ เร๊อ อาโตอาเบ่ เร๊อ แว ซิปล่อสู่เทอ เตเพร.”

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

เพรโด่แนพู๊ เต๊เห่ 7:37

“คูโมเสส หม่า แกแย เด๊อ อา แด๊โฉ่โล เป่ อิสราเอล อากลุยอาแล เต๊เห่ เน๊อ, ‘จอแปแหร่ เก่ นอแกแล เพรโพร เด๊อ ซีโอ่ ฮู๊ อา นอจว๊า แว เออเนอ ปา, เร๊อ อา หม่า ซี แกแยเมวเจอะ พู๊ เร๊อ ดื่อ แพ๊.’

ꤛꤥ꤭ꤟꤢ꤬ 5:37

เร๊อ เพ เด๊อ อา นอแฮ แว เออเตเพรเนอ, อา ข่าเฮ๊โล เด๊อ แวเง. ซี หนิโฮน๊อ เร๊อ อาตาลา โต่, โทเรอ ซี แม๊เถอะน๊อ เร๊อ อาเป๊เส่ โตโพ๋ โต่.

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

เอเฟซัส 1:6

อา เด๊อะตาครา เป่ เป เชหยู่ หม่าเฮ๊อ อา พู๊เพรคู เด๊อ อา โม เร๊อดื่อ เออเตเพร อาขว่าอาคยา, เป่ ถู่เซ๊แถ่ โหร่ลู จอแปแหร่ อาบุ๊ยดุอาเตอเรอทู เออเนอ โป๋.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

เพรโด่แนพู๊ เต๊เห่ 1:9

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

มัทธิว 17:6

เบ๊อะอา โคเจ่ หนิโฮ ฮู๊เออ เบ๊อะเนอ, เหย่ซี ซิอิเช โกโน๋ โต่, เร๊อ อา วี แลคื๊อ โตโกล ตาลอ อาเหน่ เด๊อ เห่ขุ.

เตเด๊อะโลแถ่ 14:14

ฮู๊เนอโทเรอ เด๊อคยาเนอ แว แม๊เถอะ อ๊อโหล่บู ต๊าบ่า, เร๊อ เด๊อ อ๊อโหล่ เนอต๊าบ่า อาลู เนอ, อาแซ่เน๊อ แกแย โอ่แนโอ่ เตเพร เร๊อ อา โก่หนิ กู๊โก่เท เตเม เร๊อ อา ปื่อหนิ เตเจ แทแร๊ เต๊เบ่ เด๊อ อา กู๊ยากู.