มัทธิว 16:4 - ลีเทส่อพ๊าอาเซ เร๊อ เห่ขุทวาลู๊

⁴ แกแยมู๊แหม่ เด๊อ อาจ๊อ เกออู เร๊อ จอแปแหร่ โต่ เออเตอทือ เต๊เห่ จว๊ากูยแม๊ โต่ แว เตเม อาโค๊ตีกลี๊ เต๊อเจ่อ, หม่าแน๊เรอ แว เก่ เด๊อะโล เป่ ตื๊อแพ๊ เหย่ซี เตโค๊ตีกลี๊ เต๊อเจ่อ เด๊อ อาแซ่เน๊อ เพรโพร คูโยนาห์ เนอปา แพ๊,” อา เฮ๊โทเรอ อา เถ่จว๊า ตาพาแก เร๊อ เหย่ซี.

Eastern Kayah Shadaw Dialect

⁴ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤊꤣꤧ꤭ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣ꤬ꤓꤢꤦ꤭ ꤒꤣꤧ꤬ꤟꤢꤩ꤬ ꤡꤝꤢꤊꤝꤤ꤭ꤗꤢꤧ ꤒ꤫ꤥ꤬ ꤠꤢꤧ꤭ ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤒꤣ꤬ꤡꤣ꤬, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤒꤢꤦꤖꤢꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤢꤩ꤬ꤒꤣꤧ꤬ꤊꤜꤤ ꤒꤣ꤬ꤡꤣ꤬ ꤘꤣ ꤢ꤬ꤞꤢꤧꤔꤢꤧ ꤖꤚꤢꤩ꤬ꤖꤚꤥ꤬ ꤡꤛꤥ꤬ꤔꤢ ꤔꤣꤧ꤬ ꤕꤢ꤭ ꤖꤢꤧ,” ꤢ꤬ ꤟꤢꤩꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤛꤢꤩ꤬ꤞꤤ꤭꤯

มัทธิว 16:4 ပူးပေါင်းရင်းမြစ်များ

ꤗꤢ꤬ꤊꤢꤨ 8:38

กู๊แหน่ทือเค เด๊อ อา โอ่ โชชื่อแพ๊ เร๊อ แกแย เด๊อ อา เมซื๊อเมปล๊าเต, แกแย เด๊อ อา ครวาลือเม โต จอแปแหร่ อาซิปล่อ โอ่ ปา โต่ เออเตอทือเนอ, แกแย เตเพรเพร เด๊อ อา ซิเตเร แว, โท๊โต่ อา ซิเตเร แวลาแวโหง่ เออเต๊เห่ เตเพรเพร เนอ, ช๊า แกแยพู๊คู หม่าเฮ๊อ แวเออ เก่ แฮเฮ๊อ เร๊อ แวเพ อา เตอเรอดุเตอเรอทู ปา, เร๊อ แว แฮเต่อเกอ เร๊อ เตเน่วม๊อขุพู๊ บูโพ๊ เต๊เห่ เฮ๊อปา เบ๊อะเนอ, แว เก่ ซิเตเร เกอลาติ อา ปา.”

ꤗꤢ꤬ꤊꤢꤨ 8:12

เหย่ซู่ เซ๊โหมะ เร๊อ อา เฮ๊ เหย่ซี เรอ, “แกแย เออตือทือ เต๊เห่ จว๊ากูยแม๊ โต่ แว เตเม อาโค๊ตีกลี๊ เมเต? แว เฮ๊จ๊อจ๊อ ซี แว เด๊อะโล เป่ ซี เตเม อาโค๊ตีกลี๊ เตอเจ๋อ โต่.”

มัทธิว 15:14

เตเน แบ๊ซว๊า แบ๊โค เหย่ซี แต่เหม่, เหย่ซี หม่า แกแย เป๊เส่คี๊ เด๊อ อา ซูเป่ แกแย เป๊เส่คี๊ เต๊เห่ อาแกล๊ แพ๊. แกแย เป๊เส่คี๊ เตเพร เก่ ซูเป่ แกแย เป๊เส่คี๊ เด๊อ อาโรเตเพร แกล๊ เฮ๊เนอหม่า เหย่ซี อา ตาลอ เด๊อ ครอกู ซิเนอ ปา.”

เห่ขุทวาลู่ 6:3

เร๊อ จอแปแหร่ ตูจูเพร เฮ๊ เน๊อ, “แว ปลวา โอ่ ตื๊อดื่อ หนิเกอ แวแหย่โยเซอเพร เน๊อ แกแยเห่ขุพู๊ เออเต๊เห่ ตูจูเพร หม่า อาแร๊ โต่. เมเตเฮ๊เร๊อ เหย่ซี โอ่ เน๊อ พ๊าหย่าสุ่ยเทอ เด๊อ อา เซอ แจ่ แพ๊ อาขว่าอาคยา, เหย่ซี เบ่ โอ่เซอเพร แพ๊ อาหน่า เตเย เน๊อ เนอเชอ แพ๊.”

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

เพรโด่แนพู๊ เต๊เห่ 2:40

คูเปโตร เฮ๊รอเฮ๊เร หนื่ออื่อ เอ๊ลา เหย่ซี, โท๊โต่ อา เด๊อะอ๊าเด๊อะเหร่ เหย่ซี เน๊อ, “เมแลเปล๊กา แลแค ซีเหน่ เร๊อ เตเมจากาคยา เด๊อ อา เตเร แฮเบ่ แกแย มู๊แหม่รีแจ่ เออตือทือ เนอเต๊เห่ นี่!”

มัทธิว 16:5

เบ๊อะเหย่ซี เถ่จว๊าเบ๊ โทเฮ๊อ เทออ่อดุ เบ๊อะเนอ, อา โคเจ่ เต๊เห่ โชตาปา ฉู่จว๊าหนิ ค๊อมู.