มัทธิว 16:3 - ลีเทส่อพ๊าอาเซ เร๊อ เห่ขุทวาลู๊

³ โทเร๊อ เหมาะลี เบ๊อะเนอ, เหมาะ เก่ ลี, อ๊อโหล่ เก่ โด เฮ๊อเร๊อ ซี เฮ๊ แลแค เนอ, เก่แลแล แฮ ปา, ซี แม๊ ม๊อเล เตเมทวาแถ่ เต๊เห่ เร๊อ ซี แม๊ลว๊า ซิเงหนื่ออื่อ เหร่อ เก่จือ เก่แลเซ๊ อาหรี่อาแก, ตื๊อดื่อเรอ เตเหม่ทวาแถ่ อาเหน่ กู๊แหน่เออ เต๊เห่เนอ, ซี จว๊า ซิเง ลว๊า เหร่อ อาโหง่แลช๊า โต่ หม่า ฮู๊เต?

Eastern Kayah Shadaw Dialect

³ ꤓꤥ꤭ꤚꤣꤧ꤬ ꤗ꤫ꤢꤪ꤬ꤜꤤ꤭ ꤢ꤬ꤋꤢꤩ꤭ꤔꤣꤧ꤬, ꤗꤢꤪ ꤊꤢꤩ꤬ ꤜꤤ꤬, ꤢꤪꤜ꤫ꤥ꤬ ꤊꤢꤩ꤬ ꤘꤥ꤭ ꤟꤢꤩꤚꤣꤧ꤬ ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ꤊ꤫ꤢꤩ꤬ꤜꤣꤧ꤬ꤜꤢꤧ꤭ ꤟꤢꤧ꤭ ꤕꤢ꤭꤯ ꤞꤤ꤭ ꤗꤢꤧ ꤗꤢꤪꤜꤢꤩ꤭ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤗꤢꤧꤜꤝꤢ ꤞꤤꤑꤢꤩ꤭ꤥ꤬ꤔꤢꤩ꤬ ꤚ꤫ꤣꤧ꤬ ꤊ꤫ꤢꤩ꤬ꤡꤢꤦ꤬ ꤊ꤫ꤢꤩ꤬ꤜꤣꤧ꤬ꤞꤢꤩ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤡꤝꤢ ꤞꤤꤑꤢꤩ꤭ ꤜꤝꤢ ꤚ꤫ꤣꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤥ꤬ ꤗꤢ꤬ ꤟꤢꤨꤒꤢꤩ꤭?

มัทธิว 16:3 ပူးပေါင်းရင်းမြစ်များ

ꤜꤢꤨꤊꤢ꤬ 12:56

เพรจ่าจ๊อจ่าเต บย่าแพ๊ อาเหน่ ซิ, ซี๋ แม๊ เห่ขุ เร๊อ ม๊อเล เร๊อ เต เก่ ทวาแถ่ ฮู๊เต ปาเนอ ซี แม๊ลว๊า ซิเงหนื่อื่อ เหร่อ เจ๊อ ตื๊อดื่อเรอ จอแปแหร่ เมทวาแถ่ เต กู๊แหน่เออ เต๊เห่ อาโหง่แลช๊าเนอ, ซี แม๊ลว๊า ซิเงหนื่อื่อ เหร่อ แจ่โต่ เมเต?

ꤜꤢꤨꤊꤢ꤬ 13:15

เร๊อ แบ่เจ่ เฮ๊ฉื่อ กาคยา ลู เน๊อ, “เพร จ่าจ๊อจ่าเต บย่าแพ๊ อาเหน่ ซี๋, ซี ปว๋า เตเพร ฉิโล๊ แลแค ซี ปู่เปลอ, หม่าโต่เรอ ซี ตีซิเปลอ เด๊อ อาโปกู เร๊อ ซี จุ่ยเถ่จว๊า โบ่โอ อาเทอ เบ๊อะแกแยยิวพู๊ ม๊อเนอโด่ เบ๊อะเนอ หม่าโต่ แอ?

มัทธิว 11:5

แกแย เป๊เส่คี๊ เต๊เห่ แม๊เถอะ แจ่เฮ๊อ, แกแย กู๊โด่ด๊า เต๊เห่ จว๊าแจ่เฮ๊อ, แกแย จุมู๊แหม่ เต๊เห่ โอ่เหม่ กาคยา ลอเฮ๊อ, แกแยกู๊หลิโกะ กอออ เต๊เห่ หนิโฮกาคยาเฮ๊อ, แกแยเซอ เต๊เห่ ก๊อถ่อเซอเพร กาคยา คยาแซ๊เฮ๊อ, แกแย โซพ๊าโซแรพู๊ เต๊เห่ หนิโฮเบ่ เกอเฮ๊อ เตซิครือซิลอมีลา เฮ๊อ.

ꤜꤢꤨꤊꤢ꤬ 11:44

“เตเมจากาคยา เก่ เบ่ หม่าแหน่ เจ๊อ ซี ปา, เมเตเฮ๊เรอ ซี แซ่เร๊อ โลขุ เด๊อ อู เมม๊าเมแด ลู โต่ เต๊เห่, เร๊อ แกแย เต๊เห่ จว๊า เด๊อ ลูขุ ตื๊อดื่อเรอ อู ซิเง เร๊อ โลขุ หม่าโต่.”

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

มัทธิว 22:18

หม่าแน๊เรอ แบ่เจ่ เหย่ซู่ ซิเงหนื่ออื่อ โทเฮ๊อ เด๊อ เหย่ซี เหล่เตเน เตเร ปื่อ ลูโหง่ เร๊อ อา เฮ๊ฉื่อ เหย่ซี เน๊อ, “แกแย เกลแอ๊จ๊อแอ๊เต เหน่ ซี๋, หม่าเมเตเร๊อ ซี แฮเจ แม๊ปื่อแว เตซื๊อ เมเต?

มัทธิว 15:7

แกแย เกลแอ๊จ๊อ แอ๊เต อาเหน่ ซี๋, เพรโพร อิสยาห์ เฮ๊หนื่ออื่อ เร๊อ ซีคยา เร๊อหม่า อา โตตื๊อ เจ๊อ.

มัทธิว 7:5

เพร จ่าจ๊อจ่าเต อาเหน่ ซี๋, พย๊าเถ่แก เหร่อเล๊อ ส่อกว่า โอ่ เด๊อ ซี เป๊เส่ปล่อกู เนอ, ตื๊อเรอ ซี แม๊เถอะโลแร๊ เร๊อ ซี ตาคว๊า เถ่แก แจ่ เป่ อาหมื่ออาม๊า โอ่ เด๊อ ซี โป่แหว่ อา เป๊เส่ปล่อกู เออเนอ แพ๊.

มัทธิว 4:23

เหย่ซู่ เลจว๊า ลอ กาลิลี เต๊เก่เล เร๊อ อา เลจว๊า อิซว๊าอี๊แส่ อู เด๊อ เตจ๊อเบ โฮกู ปว๋า โต๊โผ่. อา แด๊โฉ่โด่แน เป่ แกแยยิวพู๊ เต๊เห่ เร๊อ จอแปแหร่ อาเทอ อาเก่ เตซิครือมีลา อาหรี่อาแก. เร๊อ อา แหย่โอ่เหม่ เป่ ลอ อู เตชุ๊ย ปว๊าโตเมว เตเช ปว๊าเต๊อเจ่อ.

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.