เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.
มัทธิว 16:27 - ลีเทส่อพ๊าอาเซ เร๊อ เห่ขุทวาลู๊27 เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา. အခန်းကိုကြည့်ပါ။Eastern Kayah Shadaw Dialect27 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ ꤔꤢꤧ ꤢ꤬ꤖꤢꤩ꤭ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤕꤢ꤭, ꤔꤢꤧ ꤢ꤬ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ꤋꤛꤢ꤭ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ အခန်းကိုကြည့်ပါ။ |
มัทธิว 16:27
45 ပူးပေါင်းရင်းမြစ်များ
เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.
กู๊แหน่ทือเค เด๊อ อา โอ่ โชชื่อแพ๊ เร๊อ แกแย เด๊อ อา เมซื๊อเมปล๊าเต, แกแย เด๊อ อา ครวาลือเม โต จอแปแหร่ อาซิปล่อ โอ่ ปา โต่ เออเตอทือเนอ, แกแย เตเพรเพร เด๊อ อา ซิเตเร แว, โท๊โต่ อา ซิเตเร แวลาแวโหง่ เออเต๊เห่ เตเพรเพร เนอ, ช๊า แกแยพู๊คู หม่าเฮ๊อ แวเออ เก่ แฮเฮ๊อ เร๊อ แวเพ อา เตอเรอดุเตอเรอทู ปา, เร๊อ แว แฮเต่อเกอ เร๊อ เตเน่วม๊อขุพู๊ บูโพ๊ เต๊เห่ เฮ๊อปา เบ๊อะเนอ, แว เก่ ซิเตเร เกอลาติ อา ปา.”
“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา.
เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.
โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.
เมเตเฮ๊เรอ แบ่เจ่ อาเหน่แบ่เจ่ เร๊อดื่อ เก่ โอ่ เด๊อ ม๊อขุ เร๊อ แฮแล ปา. เร๊อ อา เก่ เอ๊โทตา อาโหง่ ตือมือ ปา. โทเรอ ม๊อขุเตเน่วพู๊ อา กู่กล๊อดุเล๊อ เตเพร เก่ เอ๊โท เฮ๊เบ่ตา ปา. โทเรอ อู เก่ หนิโฮ จอแปแหร่ อากวา พราแถ่ ปา เร๊อ แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา เก่ ก๊อถ่อ กาเหร่อเล๊อ อู ปา.
เด๊อ แบ่เจ่ เหย่ซู่ เฮ๊ ฮู๊เออ อาขว่าอาคยา, โหง่ โลปีชีจว๊า บอบย่าลอ เด๊อ โป่แหว่ เพรหยื่อเอ่ เต๊เห่ อาเกล เร๊อ อา โคเจ่ เนอเตเพร อา เซอโต่ เฮ๊เนอ, อา เฮ๊ แลแค ฮู๊เนอ. หม่าแน๊เรอ แบ่เจ่ เหย่ซู่ เฮ๊ เร๊อ อา เซอโต่ ฮู๊เนอ หม่าโต่. อา เฮ๊ เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เนอ เร๊อ จู๊ดื่อ แว แพ๊, เนอหม่า เน เตเม หม่าโต่,” อา เฮ๊ ฮู๊เนอ แพ๊.
หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.
ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่.
ကြော်ငြာတွေ