มัทธิว 15:32 - ลีเทส่อพ๊าอาเซ เร๊อ เห่ขุทวาลู๊

³² แบ่เจ่ เหย่ซู่ เอ๊แฮ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แว ซิยอ เกอเร๊อ แหน่เจ๊อ แกแย เออเต๊เห่, อา โอ่ เกอ แลแค เจ๊อ แว เบ๊อะเออ หม่า อา บา เฮ๊อ โซเนอ เฮ๊อ. เหย่ซี เหล่เอ่เหล่โอ โอ่ แลแค เตอเจ๋อ โต่. แว ซิหยื่อ เหย่ซี โอ่วี กา เด๊อ แกล๊ ลูโต่, ปาหม่า เหย่ซี แลแด๊เอ่แลแด๊โอ เร๊อ แลคื๊อแลปอ กาลอ เด๊อ แกล๊ลู เห่.”

Eastern Kayah Shadaw Dialect

³² ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢꤩꤟꤢꤧ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬, ꤢ꤬ ꤥ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤢꤧ ꤠꤢꤧ꤭ ꤙꤣꤧꤣꤧ꤭ ꤗꤢ꤬ ꤢ꤬ ꤙꤢ꤭ ꤟꤣꤧ ꤞꤥ꤭ꤔꤣꤧ꤭ ꤟꤣꤧ꤯ ꤛꤢꤩ꤬ꤞꤤ꤭ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤥ꤬ ꤜꤢ꤭ꤋꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤕꤜꤝꤢ꤭ꤊꤢ꤬ ꤒꤣꤧ꤬ꤠꤤ꤭ꤒꤣꤧ꤬ꤊꤢꤪ꤭ ꤛꤢꤩ꤬ꤞꤤ꤭ ꤒꤥ꤬, ꤕꤢ꤭ꤗꤢ꤬ ꤛꤢꤩ꤬ꤞꤤ꤭ ꤜꤣꤧ꤬ꤘꤢꤧꤢꤩ꤬ꤜꤣꤧ꤬ꤘꤢꤧꤥ꤭ ꤚꤣꤧ꤬ ꤜꤣꤧ꤬ꤋꤢꤦꤜꤣꤧ꤬ꤕꤢꤪ꤬ ꤊꤢ꤬ꤜꤢꤪ꤭ ꤜꤢ꤭ꤋꤢꤧ꤭ ꤘꤣ ꤊꤜꤢꤧꤜꤥ꤬ ꤟꤢꤩ꤬꤯”

มัทธิว 15:32 ပူးပေါင်းရင်းမြစ်များ

มัทธิว 9:36

เบ๊อะอา แม๊เถอะ แกแย เบ๊หมู่ เด๊อ อา เบ่แป่เบ่เช เร๊อ อาเหล่ ซิเล เกอเร๊อ อู โอ่ เตเพร่ว โต่ เร๊อ อา แซ่เน๊อ ซิหมิ ตู๊หมู่ เด๊อ อู เพรเก เหย่ซี โอ่โต่ เออ เต๊เห่ เบ๊อะเนอ, แบ่เจ่ เหย่ซู่ ซิยอ เกอเร๊อ แหน่เจ๊อ เหย่ซี.

เพรโด่แนพู๊ เต๊เห่ 27:33

เหมาะ เตเร ลีบูเฮ๊อ เบ๊อะเนอ, คูเปาโล กุยซิยอ ตื๊อดื่อ ลอปลี เหย่ซี เร๊อ อา เก่เอ่เก่โอ คยาแซ๊ แลแค. “กู๊แหน่เร๊อ ซี ส่าเซ ตาล๊าเจ๊อ เช๊อลุยเซ เจ๊อเฮ๊อ, เร๊อ ซีเอ่ซีโอ น๊อล๋าย เตอเจ๋อ โต่.

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤜꤢꤨꤊꤢ꤬ 7:13

เบ๊อะแบ่เจ่ แม๊เถอะ เพร เหมาะโอ่แคร๊ เออเตเพร เบ๊อะเนอ, อา ซิยอ เกอเร๊อ แหน่เจ๊อ ลู เร๊อ อา เฮ๊ ลู เน๊อ, “โหง่ แต่เหม่ นี๋.”

ꤗꤢ꤬ꤊꤢꤨ 9:22

โลเน๊ ซิหยื่อ เมเซอ ลู เร๊อ อา เม แลคื๊อโน โตโมโม ลู เด๊อ หมิกู, อา เม แลตาโน โตโมโม ลู เด๊อ เทอกู เจ๊อ. เน เก่ เมแจ่ เฮ๊เรอ ซิยอ เร๊อ เมจว่า เร๊อ เป แต๋.”

มัทธิว 27:63

เร๊อ เหย่ซี จว๊า เฮ๊ ลู เน๊อ, “คุ๊ย, เป เตเนหม่า ปา เร๊อ เบ๊อะเพแลโฮดุ เนอเตเพร โอ่เซอ เพรปา เบ๊อะเนอ, อา เฮ๊ เน๊อ, ‘โซเนอโทปา เนอ, แว เก่ ก๊อถ่อเซอเพร กาคยา ปา,’ อาเฮ๊ฮู๊เนอ.

มัทธิว 20:34

แบ่เจ่ เหย่ซู่ ซิยอเกอเร๊อ เหย่ซี เร๊อ อา เต่อแฮ เหย่ซี เป๊เส่ปล่อ เร๊อ เหย่ซี เป๊เส่ ลีแถ่ คย๊า เจ๊อ. ตื๊อหื่อโต เร๊อ เหย่ซี เป๊อแถ่ ครวา ลอ เกอ ลูคยา.

มัทธิว 12:40

เมเตเฮ๊เรอ, ฮู๊ คูโยนาห์ โอ่ เด๊อ เต๊วดุ ฮ๊อกู โซเนอโซเซ เนอ, แกแยเห่ขุ อาพู๊คู หม่า เฮ๊อ แว เออ อา เก่ โอ่เกอดื่อ เด๊อ โลกู โซเนอโซเซ ปา.

มัทธิว 14:13

เบ๊อะแบ่เจ่ เหย่ซู่ หนิโฮ เนอ อู เมเซอ โทเฮ๊อ คูยอห์น เบ๊อะเนอ, อา เร๊อ อา โคเจ่ เต๊เห่ จว๊าโน แถ่แด๊หนิ ส่อเกลอ เร๊อ เถ่จว๊าแก แลแค ตื้อดื่อ เด๊อ เหล่โอ่อาโส่อาเคร เด๊อ อู โอ่ เตเพร่ว โต่ โต๊โผ่. เร๊อ เบ๊อะแกแย เบ๊หมู่ หนิโฮเฮ๊อ เบ๊อะเนอ, อา โอ่ แลแค เบ๊อะวีกู เนอเต๊เห่ เร๊อ อา เถ่ครวา จว๊าเกอ แลแค เร๊อ กู๊โด่ เด๊อ โคขุ ตากยา.

มัทธิว 15:33

เร๊อ อา โคเจ่ เต๊เห่ เฮ๊ฉื่อ ลู เน๊อ, “เหล่โอ่ เบ๊อะเออ โต๊โผ่หม่า ดอโฉ่ โอ่ผื่อโอ่ว๊า ตอด๋อ โต่. เป เตเร แด๊ เอ่ แกแย เออ ตูปลู เต๊เผ่ อาเง เนอ เปเก่ จว๊าแม๊ ตูปลู พรีเอ่ โต เหล่เอ่ เบ๊อะเต?”