มัทธิว 15:30 - ลีเทส่อพ๊าอาเซ เร๊อ เห่ขุทวาลู๊

³⁰ แกแย เต๊เห่ แฮปลู่แฮเผ่ เด๊อ เหย่ซู่โอ่. เร๊อ เหย่ซี แย๊แฮหนิ, แย๊แฮหนิ แลแค แกแยด๊าตือรือ, แกแย เป๊เส่คี๊, แกแยด๊าตอ, แกแย เป๊ เร๊อ เด๊อ อาโร เต๊เห่ เอ๊ลา เร๊อ เหย่ซี แฮแด่ตา เด๊อ แบ่เจ่ กู๊โด่ช๊า เร๊อ เหย่ซู่ แหย่โอ่เหม่ เป่ ลอ เป่ เหย่ซี.

Eastern Kayah Shadaw Dialect

³⁰ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤟꤢꤧ꤭ꤕꤜꤢꤨ꤬ꤟꤢꤧ꤭ꤖꤢꤩ꤬ ꤊꤣꤧ꤭ ꤜꤢꤪ꤭ꤕꤜꤤ꤭ ꤜꤢꤨ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤢꤩꤟꤢꤧ꤭ꤔ꤫ꤤ꤬, ꤛꤢꤧꤟꤢꤧ꤭ꤔ꤫ꤤ꤬ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤒꤣꤧ꤬ꤚꤢꤨ꤬ꤥ꤬ꤒ꤫ꤢꤧ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤢ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤕꤢꤩ ꤒꤣꤧ꤬ꤟꤢꤩ꤬ ꤔꤢꤧ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢꤩꤜꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤘꤢꤧ꤬ꤒꤢ꤭ ꤘꤣ ꤙꤢꤧ꤬ꤡꤢꤩ꤬ ꤋꤢꤧꤘꤥ꤬ꤏꤢ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤪ꤭ ꤛꤢꤩ꤬ꤞꤤ꤭꤯

มัทธิว 15:30 ပူးပေါင်းရင်းမြစ်များ

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

ꤗꤢ꤬ꤊꤢꤨ 9:43

เน กู๊ขุ เก่ นอเม เน เตซื๊อ เฮ๊เรอ ปาตือแก อาเนอ เน กู๊ขุตือ โตโค๊ เร๊อ เน กาโนเบ๊ เด๊อ ม๊อขุเนอ อาแร๊เล๊อ ปา เจ๊อ เด๊อ เน กู๊ขุ โอ่ปวาลอ เนอโค๊ เจ๊อ, เน กาโน เด๊อ ม๊อขุ เนอ เร๊อ กู๊ขุ ตือเออโตโค๊ แพ๊ เออเนอ, อาแร๊เล๊อ ปา เจ๊อ เด๊อ เน กู๊ขุ โอ่ปวาลอ เนอโค๊ เร๊อ เน ตา เด๊อ ปอรากยากู เด๊อ หมิ ปี แจ่ ปา โตโพ๋ โต่ เออเนอ เจ๊อ.

ꤜꤢꤨꤊꤢ꤬ 14:13

หม่าแน๊เรอเบ๊อะเน เมป่วย เบ๊อะเนอ, เซเร เหล่เอ่เหล่โอ เร๊อ เอ๊ เป่ แกแย เด๊อ อา โซพ๊าโซแร เนอเต๊เห่, แกแยด๊าโอ่ตือรือ เนอเต๊เห่, แกแย กู๊โด่ด๊า เนอเต๊เห่ เด๊อ แกแย เป๊เส่คี๊ เนอเต๊เห่ นี๋.