มัทธิว 14:6 - ลีเทส่อพ๊าอาเซ เร๊อ เห่ขุทวาลู๊

⁶ หม่าแน๊เรอ เบ๊อะคุ๊ยเฮโรด อาม๊อเนอ อาโอ่เนอ แฮโต่เฮ๊อ เบ๊อะเนอ, โหมะเฮโรเดียส อาพู๊เพรเหมาะ เลเผระ เด๊อ คุ๊ยเฮโรด อาเป๊เส่เง เน๊อ ซิเผระ เต๊เห่ อาเป๊เส่เง เร๊อ คุ๊ยเฮโรด ซิปล่อโม โตซิปล่อ โกโน๋ โต่ อาขว่าอาคยา,

Eastern Kayah Shadaw Dialect

⁶ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤋꤝꤤꤟꤢꤩ꤬ꤚꤥ꤬ ꤥ꤬ ꤖꤢꤨꤡ꤫ꤢꤩ꤬ꤜꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤢ꤬ꤖꤢꤨꤖꤚꤢꤩ꤬ꤗꤢꤪ꤬ ꤜꤢꤩ꤭ꤖꤚ꤫ꤢꤩ꤬ ꤘꤣ ꤋꤝꤤꤟꤢꤩ꤬ꤚꤥ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤢꤧ ꤞꤤꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤋꤝꤤꤟꤢꤩ꤬ꤚꤥ꤬ ꤞꤤꤕꤜꤢꤪ꤬ꤗꤥ꤬ ꤞꤤꤕꤜꤢꤪ꤬ꤗꤤ꤭ ꤊꤣꤧ꤬ꤔꤥ꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭,

มัทธิว 14:6 ပူးပေါင်းရင်းမြစ်များ

เห่ขุทวาลู่ 40:20

เบ๊อะ อาบาแถ่ เฮ๊อ โซเนอ เตอเนอ เบ๊อะเนอ, อาโตตื๋อ เน๊อ คุ๊ย โอ่เป๊เจ่แล อาม๊อเนอ ช๊าฉื่อ, เร๊อ อา เม เป ล๋อ อาหลู่เล๊ อาดุอาขุ เต๊เห่ เตเอ่เต่อโอเต่อ ลู. เร๊อ อา เอ๊เถ่ เพร เด๊อ อา โอแม๊ เป่ คุ๊ย อาแท๊ทือเส่เทอแย อาทวาดุทวาเต เน๊อ เพรเม เป่ ลู ค๊อมู อาทวาดุทวาเต เนอ ซิเนอ, เร๊อ อู เอ๊แฮ เหย่ซี เด๊อ ล๋อ คุ๊ย อาหลู่เล๊ เต๊เห่ อาเป๊เส่เง.

ꤗꤢ꤬ꤊꤢꤨ 6:17

เด๊อ อาเหร่อเคเนอ หม่า คุ๊ยเฮโรด นอจว๊าปื่อ จอกลอหม่า อาเกลอฮู๊ เต๊เห่ เร๊อ คูยอห์น เร๊อ อา นอด๊อตาแก ลู เด๊อ ทอกู เนอหมา โหมะเฮโรเดียส อาขุคยา เฮ๊อ โหมะเฮโรเดียส หม่า จ๊อแผ่ เฮโรด อาคี, อาโป่คูฟีลิป อาเม เร๊อ คูยอห์น เฮ๊ตาตือ โตโมโม คุ๊ยเฮโรด เนอ อา โต พย๊าหนิ อาโป่ เร๊อคูฟีลิป อาเม โต่.

มัทธิว 22:24

เร๊อ เหย่ซี แด๊เฮอ แบ่เจ่ เหย่ซู่ เน๊อ, “ซ๊าร๊าดุ, คูโมเสส เฮ๊ เป่ เป เร๊อ เพรคู เตเพรเพร อา เก่เซอ เร๊อ อาพู๊ เก่ โอ่แก เตเพร่ว โต่ เฮ๊เนอ, แซ่ฮู๊ อากลุยอาแล เก่ โอ่แก เกออู เนอเรอ, อา โป่เพรคู เบ่ พย๊าดว้า อาคี โอ่แกเออ, อา เฮ๊ ฮู๊เนอ.

ꤜꤢꤨꤊꤢ꤬ 3:19

หม่าแน๊เรอ คุ๊ยเฮโรด ย๋อ จว๊าพย๊า เกอเร๊อ คยาแซ๊ดื่อ อาคี โหมะเฮโรเดียส อาขว่าอาคยา, คูยอห์น เฮ๊ ลู เร๊อ อา เมเต เออเนอหม่า อา ซื๊อ. โท๊โต่ เด๊อ อาเหร่อเคเนอ หม่า คุ๊ยเฮโรด ย๋อ เม เตมู๊แหม่รีแจ่ เต๊เห่ อาขว่าอาคยา, อา แด่โป่ ลู เตซื๊อ เร๊อ เนอเนอ.

ꤗꤢ꤬ꤊꤢꤨ 6:19

ฮู๊เนอ อาคยาเร๊อ คุ๊ย อาเม โหมะเฮโรเดียส เออเนอ อา ปื่อหม่า ตื๊อดื่อ คูยอห์น เตซื๊อ เร๊อ อา ซิหยื่อ เมเซอแก ลู หม่าแน๊เรอ อา เมแจ่ เตอเจ๋อ โต่.

มัทธิว 14:3

คุ๊ยเฮโรด ย๋อ จว๊าพย๊า เกอเร๊อ คยาแซ๊ดื่อ อาคี โหมะเฮโรเดียส หม่าเฮ๊อ อาเหล่ โกล ทวา อาโป่ คูฟีลิป อาเม อาขว่าอาคยา, คูยอห์น เฮ๊โทเฮ๊แซ๊แซ๊ ลู เน๊อ, “เน จว๊าพย๊าหนิ คยาแซ๊ เนคี ฮู๊เนอ หม่า อาโต เร๊อ เตซว๊าเตแส่โต่.” อา เฮ๊ ลู ฮู๊เนอเรอ อา นอจว๊าปื่อ จอกลอหม่า อาเกลอฮู๊ เต๊เห่ เร๊อ คูยอห์น เร๊อ อา นอด๊อตาแก ลู เด๊อ ทอกู.

มัทธิว 14:7

คุ๊ยเฮโรด อาอ๊อแล เรอ “เน ซิหยื่อ กุย อิเตเต๋ เนอ, แว เก่ เด๊อะ เน เด๊อ เน กุยแว ฮู๊เนอ.”

ꤗꤢ꤬ꤊꤢꤨ 6:14

เหย่ซู่ อามุย โลเทอโลเก่ อาขว่าอาคยา, คุ๊ยเฮโรด หนิโฮปา ลอ ล๋อ อา เม เต เนอเต๊เห่ อาขว่าอาคยา, โท๊โต่ แกแย เบ๊อะเนอ เฮ๊ แลแค เน๊อ, “เหย่ซู่ หม่า เพรเจเทอ คูยอห์น อาเซอกาคยาแซ๊ แพ๊, ตื๊อเรอ อา เมแจ่ อาโค๊ตีกลี๊เจ๊อ เนอเต๊เห่ เจ๊อเนอ.”

ꤗꤢ꤬ꤊꤢꤨ 8:15

เหย่ซู่ เฮ๊แก ตาเต อา โคเจ่ เต๊เห่ เน๊อ, “เบ่รอเบ่เร แลแค ซีเหน่ เร๊อ ฟาริสี เต๊เห่ อาโฮหมื่อกลุย เร๊อ คุ๊ยเฮโรด อากลุย เออเนอ นี๋.”

ꤜꤢꤨꤊꤢ꤬ 3:1

เบ๊อะ จ๊อแผ่ดุ ทิเบริอัส เป๊อะเทอเป๊อะเก่ บาแถ่ เฮ๊อ เช๊อแง หน่า เบ๊อะเนอ, ปอนทิอัสปีลาต ทวาแถ่ คุ๊ยดุ เด๊อ ยูดาห์เก่. เร๊อ เพรเป๊อ กาลิลีเก่ หม่า คุ๊ยเฮโรด. เร๊อ คุ๊ยเฮโรด อาโป่ คูฟีลิป หม่า เพรเป๊อ อิทูเรียเก่ เร๊อ ตราโคนิติสเก่. คุ๊ยลีซาเนีย เร๊อ อา เป๊อหนิ เก่ อาบีเลนเก่.

ꤜꤢꤨꤊꤢ꤬ 8:3

โทเร๊อ คูคูซา เด๊อ อา แม๊ตู่หนิ เป่ คุ๊ยเฮโรด อา ตาหมื่อตาเต เด๊อ จ๊อแผ่ โฮกูเนอ เตเพร อาเม โหมะโยอันนา เร๊อ เหมาะสูสันนา เร๊อ เพรเหมาะ เด๊อ อาโร เต๊เห่ ครวาจว๊าเต่อ เอ๊ เกอลา ลู. เพรเหมาะ เออเต๊เห่เนอ, แซ่ฮู๊ เหย่ซี เก่ เมจว่าเกอ หนิ เหย่ซู่ เร๊อ อา เพรโด่แนพู๊ เออเต๊เห่เนอเรอ, เหย่ซี ลอแก หนิเร๊อดื่อ แลแค อารืออาเท เร๊อ อา ครวาจว๊าเกอ เหย่ซี อาคยา.

ꤜꤢꤨꤊꤢ꤬ 13:31

เบ๊อะเนอเค, ฟาริสี เต๊เห่ แฮ เด๊อ เหย่ซู่ โอ่ เร๊อ อา แฮ เฮ๊ ลู เน๊อ, “เน โต เถ่จว๊า ตาพาแก เด๊อ อาโร โต๊โผ่, เมเตเฮ๊เรอ คุ๊ยเฮโรด ซิหยื่อ เมเซอ เน.”

ꤜꤢꤨꤊꤢ꤬ 23:7

เบ๊อะอา ซิเง เร๊อ เหย่ซู่ หม่า แกแยกาลิลีพู๊ เด๊อ อา โอ่ เด๊อ คุ๊ยเฮโรด อาเตเป๊อ อาเหล่โอ่ เบ๊อะเนอ, อา นอซูกาคยา ลู เด๊อ คุ๊ยเฮโรด อา โอ่. เบ๊อะเนอเค หม่า คุ๊ยเฮโรด โอ่ เด๊อ วีเยรูซาเล็ม.

ꤜꤢꤨꤊꤢ꤬ 23:11

คุ๊ยเฮโรด เร๊อ อาเกลอฮู๊ เต๊เห่ งยาโคร เหย่ซู่, เฮ๊โตโมเต๊เก่ ลอปลี เหย่ซู่, เร๊อ อา แซ๊แถ่ เป่ ลู จาจวาตว่า จาจวาแร๊ ตือปือ, เร๊อ คุ๊ยเฮโรด นอซู กาคยา เหย่ซี เด๊อ คุ๊ยปีลาต อาโอ่.

เพรโด่แนพู๊ เต๊เห่ 4:27

กู๊แหน่เร๊อ เด๊อ วีกู เออเนอ อา ทวาแถ่เฮ๊อ อาเหน่ ฮู๊เนอ เฮ๊อ! เมเตเฮ๊เร๊อ คุ๊ยเฮโรด เร๊อ ปอนทัสปีลาต โอ่กู๊โอ่แก๊ ตาฉื่อ เร๊อ แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ เบ๊อะวีกูเออ. เร๊อ อา เตเน เมเซอ โหร่ลู เหย่ซู่ หม่าดื่อ เน หลู่เล๊บูโพ๊ เด๊อ เน เด๊อะทวา อา เร๊อ ครี๊ เออเนอ เตเพร.

เพรโด่แนพู๊ เต๊เห่ 12:1

เบ๊อะเนอโตโพ๊ คุ๊ยเฮโรด เป๊อแถ่ เมจาเมจือ เพรหยื่อเอ่ ตู๊หมู่ตอกล๊อ เต๊เห่.