มัทธิว 14:3 - ลีเทส่อพ๊าอาเซ เร๊อ เห่ขุทวาลู๊

^3-4 คุ๊ยเฮโรด ย๋อ จว๊าพย๊า เกอเร๊อ คยาแซ๊ดื่อ อาคี โหมะเฮโรเดียส หม่าเฮ๊อ อาเหล่ โกล ทวา อาโป่ คูฟีลิป อาเม อาขว่าอาคยา, คูยอห์น เฮ๊โทเฮ๊แซ๊แซ๊ ลู เน๊อ, “เน จว๊าพย๊าหนิ คยาแซ๊ เนคี ฮู๊เนอ หม่า อาโต เร๊อ เตซว๊าเตแส่โต่.” อา เฮ๊ ลู ฮู๊เนอเรอ อา นอจว๊าปื่อ จอกลอหม่า อาเกลอฮู๊ เต๊เห่ เร๊อ คูยอห์น เร๊อ อา นอด๊อตาแก ลู เด๊อ ทอกู.

Eastern Kayah Shadaw Dialect

^3-4 ꤋꤝꤤꤟꤢꤩ꤬ꤚꤥ꤬ ꤜꤢ꤭ ꤡꤝꤢꤖꤛꤢ ꤋꤛꤢ꤭ꤞꤢꤧ ꤚꤣꤧꤘꤢꤦ꤬ ꤢ꤬ꤋꤤ꤭ ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤗ꤫ꤢ꤬ꤟꤣꤧ ꤢ꤬ꤕ꤫ꤥ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤢ꤬ꤗꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤛꤥ꤭ꤟꤢ꤬ ꤟꤢꤩꤓꤥ꤭ꤟꤢꤩꤞꤢꤧꤞꤢꤧ ꤜꤢꤨ꤭ ꤔꤢꤧ, “ꤔꤢꤧ꤬ ꤡꤝꤢꤖꤛꤢꤚꤣꤧ ꤋꤛꤢ꤭ꤞꤢꤧ ꤔꤢꤧ꤬ꤋꤤ꤭ ꤟꤢꤨꤔꤣꤧ꤬ ꤗꤢ꤬ ꤢ꤬ꤒꤥ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬꤯” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤕ꤫ꤢꤦ꤬ ꤡꤢꤪ꤭ꤊꤜꤢꤪ꤬ꤗꤢ꤬ ꤢ꤬ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤚꤣꤧ꤬ ꤢ꤬ ꤔꤢꤪ꤭ꤘꤢꤪꤒꤢ꤭ꤊꤢꤧ꤭ ꤜꤢꤨ꤭ ꤘꤣ ꤢ꤬ꤕꤥ꤬ꤊꤢꤨ꤭꤯

มัทธิว 14:3 ပူးပေါင်းရင်းမြစ်များ

ꤗꤢ꤬ꤊꤢꤨ 6:17

เด๊อ อาเหร่อเคเนอ หม่า คุ๊ยเฮโรด นอจว๊าปื่อ จอกลอหม่า อาเกลอฮู๊ เต๊เห่ เร๊อ คูยอห์น เร๊อ อา นอด๊อตาแก ลู เด๊อ ทอกู เนอหมา โหมะเฮโรเดียส อาขุคยา เฮ๊อ โหมะเฮโรเดียส หม่า จ๊อแผ่ เฮโรด อาคี, อาโป่คูฟีลิป อาเม เร๊อ คูยอห์น เฮ๊ตาตือ โตโมโม คุ๊ยเฮโรด เนอ อา โต พย๊าหนิ อาโป่ เร๊อคูฟีลิป อาเม โต่.

มัทธิว 4:12

เบ๊อะเหย่ซู่ หนิโฮ เร๊อ อู ปื่อด๊อตา คูยอห์น เด๊อ ทอกู เฮ๊อ เบ๊อะเนอ, อา เถ่กาแก เด๊อ กาลิลีเก่.

ꤗꤢ꤬ꤊꤢꤨ 6:22

เบ๊อะคุ๊ยเฮโรด อาเม โหมะเฮโรเดียส อาพู๊เพรเหมาะ แฮโน ลีเผร่ เบ๊อะเนอ, อา เม ซิปล่อโม ซิปล่อแร๊ เจ๊อ คุ๊ยเฮโรด เร๊อ อาซิเผระ ล๋อ ปลี อาคยา คุ๊ยเฮโรด เฮ๊ เป๊เจ่ เพรเหมาะ เออเนอ เตเพร เน๊อ, “เน ซิหยื่อซิลอ อิเตเนอ แด๊โฉ่ แว, แว เก่ เด๊อ เน.”

ꤗꤢ꤬ꤊꤢꤨ 6:19

ฮู๊เนอ อาคยาเร๊อ คุ๊ย อาเม โหมะเฮโรเดียส เออเนอ อา ปื่อหม่า ตื๊อดื่อ คูยอห์น เตซื๊อ เร๊อ อา ซิหยื่อ เมเซอแก ลู หม่าแน๊เรอ อา เมแจ่ เตอเจ๋อ โต่.

มัทธิว 11:2

เบ๊อะคูยอห์น โอ่ เด๊อ ทอกู เบ๊อะเนอ, อา หนิโฮ เร๊อ แบ่เจ่ เหย่ซู่ เมเต โค๊ตีกลี๊ เต๊เห่ เร๊อ อา นอจว๊าแด๊เฮอ อา โคเจ่ เร๊อ แบ่เจ่ เหย่ซู่ เร๊อ เหย่ซี แด๊เฮอ เหย่ซู่ เน๊อ,

ꤜꤢꤨꤊꤢ꤬ 13:1

เบ๊อะเนอเค แกแย เต๊เห่ แฮ แด๊โฉ่โล เหย่ซู่ เร๊อ เบ๊อะกาลิลีพู๊ เต๊เห่ หลู่แตแถ่ เบ๊อะเนอ, โรมัน คุ๊ยปีลาต อาเกลอฮู๊ เต๊เห่ เมเซอ เหย่ซี.

มัทธิว 14:6

หม่าแน๊เรอ เบ๊อะคุ๊ยเฮโรด อาม๊อเนอ อาโอ่เนอ แฮโต่เฮ๊อ เบ๊อะเนอ, โหมะเฮโรเดียส อาพู๊เพรเหมาะ เลเผระ เด๊อ คุ๊ยเฮโรด อาเป๊เส่เง เน๊อ ซิเผระ เต๊เห่ อาเป๊เส่เง เร๊อ คุ๊ยเฮโรด ซิปล่อโม โตซิปล่อ โกโน๋ โต่ อาขว่าอาคยา,

ꤗꤢ꤬ꤊꤢꤨ 6:14

เหย่ซู่ อามุย โลเทอโลเก่ อาขว่าอาคยา, คุ๊ยเฮโรด หนิโฮปา ลอ ล๋อ อา เม เต เนอเต๊เห่ อาขว่าอาคยา, โท๊โต่ แกแย เบ๊อะเนอ เฮ๊ แลแค เน๊อ, “เหย่ซู่ หม่า เพรเจเทอ คูยอห์น อาเซอกาคยาแซ๊ แพ๊, ตื๊อเรอ อา เมแจ่ อาโค๊ตีกลี๊เจ๊อ เนอเต๊เห่ เจ๊อเนอ.”

ꤗꤢ꤬ꤊꤢꤨ 8:15

เหย่ซู่ เฮ๊แก ตาเต อา โคเจ่ เต๊เห่ เน๊อ, “เบ่รอเบ่เร แลแค ซีเหน่ เร๊อ ฟาริสี เต๊เห่ อาโฮหมื่อกลุย เร๊อ คุ๊ยเฮโรด อากลุย เออเนอ นี๋.”

ꤜꤢꤨꤊꤢ꤬ 3:1

เบ๊อะ จ๊อแผ่ดุ ทิเบริอัส เป๊อะเทอเป๊อะเก่ บาแถ่ เฮ๊อ เช๊อแง หน่า เบ๊อะเนอ, ปอนทิอัสปีลาต ทวาแถ่ คุ๊ยดุ เด๊อ ยูดาห์เก่. เร๊อ เพรเป๊อ กาลิลีเก่ หม่า คุ๊ยเฮโรด. เร๊อ คุ๊ยเฮโรด อาโป่ คูฟีลิป หม่า เพรเป๊อ อิทูเรียเก่ เร๊อ ตราโคนิติสเก่. คุ๊ยลีซาเนีย เร๊อ อา เป๊อหนิ เก่ อาบีเลนเก่.

ꤜꤢꤨꤊꤢ꤬ 8:3

โทเร๊อ คูคูซา เด๊อ อา แม๊ตู่หนิ เป่ คุ๊ยเฮโรด อา ตาหมื่อตาเต เด๊อ จ๊อแผ่ โฮกูเนอ เตเพร อาเม โหมะโยอันนา เร๊อ เหมาะสูสันนา เร๊อ เพรเหมาะ เด๊อ อาโร เต๊เห่ ครวาจว๊าเต่อ เอ๊ เกอลา ลู. เพรเหมาะ เออเต๊เห่เนอ, แซ่ฮู๊ เหย่ซี เก่ เมจว่าเกอ หนิ เหย่ซู่ เร๊อ อา เพรโด่แนพู๊ เออเต๊เห่เนอเรอ, เหย่ซี ลอแก หนิเร๊อดื่อ แลแค อารืออาเท เร๊อ อา ครวาจว๊าเกอ เหย่ซี อาคยา.

ꤜꤢꤨꤊꤢ꤬ 13:31

เบ๊อะเนอเค, ฟาริสี เต๊เห่ แฮ เด๊อ เหย่ซู่ โอ่ เร๊อ อา แฮ เฮ๊ ลู เน๊อ, “เน โต เถ่จว๊า ตาพาแก เด๊อ อาโร โต๊โผ่, เมเตเฮ๊เรอ คุ๊ยเฮโรด ซิหยื่อ เมเซอ เน.”

ꤜꤢꤨꤊꤢ꤬ 23:7

เบ๊อะอา ซิเง เร๊อ เหย่ซู่ หม่า แกแยกาลิลีพู๊ เด๊อ อา โอ่ เด๊อ คุ๊ยเฮโรด อาเตเป๊อ อาเหล่โอ่ เบ๊อะเนอ, อา นอซูกาคยา ลู เด๊อ คุ๊ยเฮโรด อา โอ่. เบ๊อะเนอเค หม่า คุ๊ยเฮโรด โอ่ เด๊อ วีเยรูซาเล็ม.

ꤜꤢꤨꤊꤢ꤬ 23:11

คุ๊ยเฮโรด เร๊อ อาเกลอฮู๊ เต๊เห่ งยาโคร เหย่ซู่, เฮ๊โตโมเต๊เก่ ลอปลี เหย่ซู่, เร๊อ อา แซ๊แถ่ เป่ ลู จาจวาตว่า จาจวาแร๊ ตือปือ, เร๊อ คุ๊ยเฮโรด นอซู กาคยา เหย่ซี เด๊อ คุ๊ยปีลาต อาโอ่.

เพรโด่แนพู๊ เต๊เห่ 4:27

กู๊แหน่เร๊อ เด๊อ วีกู เออเนอ อา ทวาแถ่เฮ๊อ อาเหน่ ฮู๊เนอ เฮ๊อ! เมเตเฮ๊เร๊อ คุ๊ยเฮโรด เร๊อ ปอนทัสปีลาต โอ่กู๊โอ่แก๊ ตาฉื่อ เร๊อ แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ เบ๊อะวีกูเออ. เร๊อ อา เตเน เมเซอ โหร่ลู เหย่ซู่ หม่าดื่อ เน หลู่เล๊บูโพ๊ เด๊อ เน เด๊อะทวา อา เร๊อ ครี๊ เออเนอ เตเพร.

เพรโด่แนพู๊ เต๊เห่ 12:1

เบ๊อะเนอโตโพ๊ คุ๊ยเฮโรด เป๊อแถ่ เมจาเมจือ เพรหยื่อเอ่ ตู๊หมู่ตอกล๊อ เต๊เห่.