มัทธิว 14:27 - ลีเทส่อพ๊าอาเซ เร๊อ เห่ขุทวาลู๊

²⁷ หม่าแน๊เรอ โตโพ๊โต, แบ่เจ่ เหย่ซู่ เฮ๊ เหย่ซี เน๊อ, “แด่คือแด่ฮา แลแค ซี ซิปล่อ. ซิอิเช แลแค แต่เหม่, เออ หม่า แว แพ๊.”

Eastern Kayah Shadaw Dialect

²⁷ ꤗꤢ꤬ꤔꤢꤧꤚꤣꤧ꤬ ꤒꤣ꤬ꤖꤥꤒꤥ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤘꤢꤧ꤬ꤋꤢꤦ꤭ꤘꤢꤧ꤬ꤟꤢ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬꤯ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬, ꤣꤧ꤭ꤗꤢ꤬ ꤠꤢꤧ꤭ ꤖꤢꤧ꤯”

มัทธิว 14:27 ပူးပေါင်းရင်းမြစ်များ

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

ꤛꤥ꤭ꤟꤢ꤬ 6:20

เร๊อ แบ่เจ่ เหย่ซู่ เฮ๊ เหย่ซี เน๊อ, “แวแพ๊! ซิอิเช แลแค แต่เหม่.”

มัทธิว 17:7

หม่าแน๊เรอ, แบ่เจ่ เหย่ซู่ แฮ เด๊อ เหย่ซีโอ่ เร๊อ อา แฮโต่เหย่ซี เน๊อ อา เฮ๊ เหย่ซี เน๊อ, “ก๊อถ่อ แลแค, ซิอิเช แต่เหม่.”

มัทธิว 9:2

แกแย เต๊เห่ แย๊แฮหนิ แกแย เซอชิกยา เตเพร เด๊อ แบ่เจ่ เหย่ซู่ อา โอ่ เร๊อ อา โอ่เมอโอ่ แพ๊ เด๊อ เหล่เมอขุ. เบ๊อะแบ่เจ่ เหย่ซู่ แม๊เถอะ เหย่ซี เตหยื่อ เบ๊อะเนอ, อา เฮ๊ แกแย เซอชิกยา เนอเตเพร เรอ, “แว พู๊เพรคู๋ แด่ฉว่าแด่ชอ แหน่ ซิปล่อ นี๋. แว ปลวาแกเฮ๊อ เน เตซื๊อ เฮ๊อ.”

ꤜꤢꤨꤊꤢ꤬ 1:30

เตเน่วม๊อขุ เฮ๊ ลู เน๊อ, “เหมาะมารี๋ย์ ซิอิเช แต่เหม่ นี๋! จอแปแหร่ เด๊อะบุ๊ยเมเตอเรอ เฮ๊อ เน เฮ๊อ.

ꤜꤢꤨꤊꤢ꤬ 1:13

หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา.

มัทธิว 28:10

โทเรอ แบ่เจ่ เฮ๊ เหย่ซี เน๊อ, “ซิอิเช แต่ แลแค แต่เหม่. กาแด๊โฉ่ เป่ แลแค เปโป่ เปแหว่ เด๊อ อาหยื่อเอ่ เนอ, จว๊า แลแค เด๊อ กาลิลีเก่ เนอ, ซี เก่ จว๊าแม๊เถอะ แว เบ๊อะเนอ ปา, เฮ๊โฉ่ เป เหย่ซี ฮู๊เนอ นี๋”

ꤜꤢꤨꤊꤢ꤬ 2:10

หม่าแน๊เรอ เตเน่วม๊อขุ เฮ๊ เหย่ซี เน๊อ, “ซิอิเช แต่เหม่! แว แฮเฮ๊โล เป่เฮ๊อ ซี เตซิครือมีลา เด๊อ อา เก่ เม ซิครือ หม่าแหน่ เจ๊อ อูปว๊า เพร ปา เออเนอเฮ๊อ.

มัทธิว 14:28

เร๊อ คูเปโตร เฮ๊ เน๊อ, “แบ่เจ่, เก่ เน หม่าแหน่ เฮ๊เรอ เฮ๊ แว เด๊อ แว เก่ แฮเกอ เด๊อ เทอขุ เด๊อ เน โอ่.”

มัทธิว 28:5

เร๊อ ม๊อขุ เตเน่ว เฮ๊ เพรเหมาะ เออซิเนอ เน๊อ, “ซิอิเช แลแค แต่เหม่, เมเตเฮ๊เรอ ซี แม๊ปู เหย่ซู่ เด๊อ อู มือเซอแถ่ ลู เด๊อ อี๊ถื่อดีเต่ลู เนอเตเพร เนอหม่า แวซิเง.

ꤗꤢ꤬ꤊꤢꤨ 6:50

เมเตเฮ๊เรอ เหย่ซี ปว๋า เตเพร แม๊เถอะ ลอปลี ลู เร๊อ ชี๊เช ลอปลี เจ๊อ. โตโพ๊โต เหย่ซู่ เฮ๊ เหย่ซี เน๊อ, “แด่คือแด่ฮา แลแค ซี ซิปล่อ ชี๊เช แลแค เหม่, เออ หม่า แว แพ๊.”

ꤜꤢꤨꤊꤢ꤬ 5:10

เพรเมโหร่เกอลู เต๊ว เร๊อ คูซีโมน เต๊เห่หม่า เพเศเบดี อาพู๊คู, คูยากอบ เร๊อ คูยอห์น แพ๊. เหย่ซี หม่า อา คย๊าอายื๊อ เกอ แหน่เจ๊อ เจ๊อ. เหย่ซู่ เฮ๊ คูซีโมน เน๊อ, “ซิอิเช แต่เหม่, เป๊อแถ่ เออเตอเนอ ตาเป่แฮ, เน เก่ ทวาแถ่ แกแย เด๊อ อา จว๊าเอ๊กา อู เด๊อ จอแปแหร่ อา โอ่ แซ่เน๊อ เน ปื่อเต๊ว เออเนอ ปา.”

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.