มัทธิว 13:57 - ลีเทส่อพ๊าอาเซ เร๊อ เห่ขุทวาลู๊

⁵⁷ เร๊อ เหย่ซี เฮ๊ แลแค ฮู๊เนอ. โท๊โต่ เหย่ซี เอ๊โมฉื่อ เหย่ซู่โต่, เร๊อ เหย่ซู่ เฮ๊ เหย่ซี เน๊อ, “แกแย เด๊อ อา แด่หยื่อแด่แหน่ หนิเกอเร๊อ เพรโพร โต่ เต๊เห่ เนอหม่า ตื๊อแพ๊ อา ดอกูพู๊ เร๊อดื่อ เร๊อ อาหี่ด๊อ หี่แพ เร๊อดื่อ เต๊เห่ แพ๊.”

Eastern Kayah Shadaw Dialect

⁵⁷ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬, ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤓꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤢꤩꤏꤢꤦ꤬ ꤜꤢꤨ꤭ ꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤚꤣꤧꤘꤢꤦ꤬ꤊꤣꤧ꤭ ꤖꤚꤢꤩ꤬ꤖꤚꤥ꤬ ꤒꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤦꤖꤢꤧ ꤢ꤬ꤘꤢꤪ꤭ꤊꤢꤨ꤭ꤖꤢꤨ ꤚꤣꤧꤘꤢꤦ꤬ ꤔꤢꤧ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤖꤢꤧ꤯”

มัทธิว 13:57 ပူးပေါင်းရင်းမြစ်များ

ꤛꤥ꤭ꤟꤢ꤬ 4:44

เหย่ซู่ เฮ๊โท ดื่อ เฮ๊อ เน๊อ, “เพรโพร เนอ อาดอกูพู๊ เร๊อดื่อ แด่หยื่อแด่แหน่ หนิเกอเร๊อ ลู โต่.”

มัทธิว 11:6

อู เป๊เป๋ เบ่เบ่ เด๊อ อา เท๊ฉื่อ แวโต่, หยื่อเอ่ แว อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

ꤜꤢꤨꤊꤢ꤬ 4:24

เร๊อ เหย่ซู่ เฮ๊ โป่ เน๊อ, “แว เฮ๊จ๊อจ๊อ ซี๋, จอแปแหร่ อาเพรโพร เบ๊อะเต๋ เตเพร๊ เบ่เบ่, อาดอกูพู๊ เร๊อดื่อ เอ๊ฉื่อ หนิเกอเร๊อ ลู เตเพร่ว โต่.

ꤛꤥ꤭ꤟꤢ꤬ 6:61

อา โคเจ่ เต๊เห่ ตามวาเตเล แลแค ฮู๊เออเนอ อา ซิเง อาขว่าอาคยา, อา เฮ๊ เหย่ซี เน๊อ, “แว เฮ๊ ฮู๊เออ เร๊อ ซี ซิปล่อปย๊า ลอ แลแค เร๊อ แว เตอิซว๊า เออเต๊เห่ แอ?

ꤛꤥ꤭ꤟꤢ꤬ 6:42

เหย่ซี เฮ๊ แลแค เน๊อ, “อา หม่า เพโยเซฟ อาพู๊คู เหย่ซู่ เฮ๊เนอ เตเพร แพ๊ แวเฮ๊โต่? อาโหมะอาเพ หม่า เป ซิเง แพ๊ แวเฮ๊? หม่าเมเตเร๊อ อา จว๊า เฮ๊โต่ เกอเร๊อ อาเหน่ เน๊อ, ‘แว โอ่ เด๊อ ม๊อขุ แฮแล’ ฮู๊เต?”

ꤜꤢꤨꤊꤢ꤬ 7:23

เด๊อ แวขว่าแวคยา, เร๊อ แกแย เด๊อ อา ซิปล่อปย๊า เป๊โต่, อา หยื่อเอ่ ตื๊อดื่อ เป่แฮลา เต๊เห่เนอ อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

ꤗꤢ꤬ꤊꤢꤨ 6:14

เหย่ซู่ อามุย โลเทอโลเก่ อาขว่าอาคยา, คุ๊ยเฮโรด หนิโฮปา ลอ ล๋อ อา เม เต เนอเต๊เห่ อาขว่าอาคยา, โท๊โต่ แกแย เบ๊อะเนอ เฮ๊ แลแค เน๊อ, “เหย่ซู่ หม่า เพรเจเทอ คูยอห์น อาเซอกาคยาแซ๊ แพ๊, ตื๊อเรอ อา เมแจ่ อาโค๊ตีกลี๊เจ๊อ เนอเต๊เห่ เจ๊อเนอ.”

ꤗꤢ꤬ꤊꤢꤨ 6:3

อา หม่า เพรเมแจ่หี่ เนอเตเพร แวเฮ๊? เร๊อ อา หม่าโหมะ มารีย์ อาพู๊เพรคู แวเฮ๊? อาโป่ เต๊เห่ เนอหมา คูยากอบ, คูโยเสส, คูยูดาห์, เร๊อ คูซีโมน เออเต๊เห่ หม่า แวเฮ๊? เร๊อ อาโป่เพรเหมาะ เต๊เห่ เนอหมา อา โอ่ แพ๊ เบ๊อะดอกูเออ แพ๊ แวเฮ๊?” เหย่ซี เฮ๊ แลแค ฮู๊เนอเรอ, เหย่ซี ซิเถ่ เหย่ซู่ เร๊อ อาเอ๊โมฉื่อ ลู โต่.

มัทธิว 13:58

แกแย เบ๊อะเนอ เต๊เห่ ย๋อ หยื่อเอ่เกอ แบ่เจ่ เหย่ซู่ โต่ อาขว่าอาคยา, อา เด๊อะโลแพ๊ เตโค๊ตีกลี๊ เนอเต๊เห่ ตี๊กิ แพ๊.

ꤗꤢ꤬ꤊꤢꤨ 6:1

เหย่ซู่ เถ่จว๊าแก อาเหล่โอ่ เบ๊อะเนอ โต๊โผ่, เร๊อ อา โคเจ่ เต๊เห่ กาคยา คยาแซ๊ แลแค เด๊อ อาดอ อาโฉ่ เร๊อดื่อ วีนาซาเร็ธ เนอตีวี.

ꤗꤢ꤬ꤊꤢꤨ 6:4

เร๊อ เหย่ซู่ เฮ๊ เหย่ซี เน๊อ, “แกแย เด๊อ อา เบ่หยื่อเบ่แหน่ เกอเร๊อ เพรโพร โต่ เต๊เห่ เนอหม่า ดื่อแพ๊ อาดอกูพู๊ เร๊อดื่อ, อากลุยอาแล เร๊อดื่อ เร๊อ อา หี่พู๊แพพู๊ เร๊อดื่อ เต๊เห่ แพ๊.”