มัทธิว 13:52 - ลีเทส่อพ๊าอาเซ เร๊อ เห่ขุทวาลู๊

⁵² เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”

Eastern Kayah Shadaw Dialect

⁵² ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢꤨ꤭ ꤊꤢꤩ꤬ ꤤ꤬ꤞꤝꤢꤞꤤꤑꤢꤩ꤭ ꤊꤢ꤬ꤜꤢꤪ꤭ ꤜꤢꤪ꤭ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤟꤢꤩꤔꤣꤧ꤬ꤗꤢ꤬, ꤢ꤬ꤞꤢꤧꤔꤢꤧ ꤟꤤ꤬ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤖꤛꤢꤓꤢꤩ꤬ ꤢ꤬ ꤒꤢꤩ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤘꤣ ꤢ꤬ꤞꤢꤩ꤭ ꤔꤢꤧ ꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ꤜ꤫ꤢꤩ꤬ ꤘꤢꤧ꤬ꤥ꤬ꤕꤜꤢꤪ ꤒꤢꤩ꤬ꤜ꤫ꤢꤩ꤬ꤥ꤬ ꤢ꤬ꤊꤢꤨ꤭꤯”

มัทธิว 13:52 ပူးပေါင်းရင်းမြစ်များ

ꤒꤤꤒꤢꤨ 1:9

แซ่ฮู๊ อา เก่ เด๊อะอ๊าเด๊อะเหร่เบ๊ อู เร๊อ เตอิซว๊าอี๊แส่ เด๊อ อาโต เต๊เห่, โท๊โต่ แซ่ฮู๊ อา เก่ อิซว๊าอี๊แส่ กาคยาฉื่อแจ่ คยา แกแย เด๊อ อา เฮ๊ โตโมจู๊แก่ เตหรี่เตแก เออเต๊เห่ อาเงเนอ, อา โตเบ่ หยื่อเอ่ ปื่อหม่าปื่อกลอ หนิ แร๊ เตหรี่เตแก เด๊อ อู หยื่อเอ่เกอ อา เร๊อ ฮู๊ อู อิซว๊าอี๊แส่ โทเฮ๊อ ลู เนอเต๊เห่.

มัทธิว 12:35

แกแย แร๊ เตเพรเนอ, อา ย๋อ แด่โน โอ่ปล๊อ เตแร๊ เต๊เห่ เด๊อ อา ซิปล่อกู อาขว่าอาคยา, อา เบ่ เฮ๊เบ่ เถ่โหง่ เด๊อ อาแร๊ เต๊เห่ แพ๊. หม่าแน๊เรอ แกแยมู๊แหม่ รีแจ่ เตเพรเนอ, อา ย๋อ แด่โน โอ่ปล๊อ เตมู๊แหม่ รีแจ่ เด๊อ อา ซิปล่อกู อาขว่าอาคยา, อา เตเฮ๊เบ่ เถ่โหง่ เนอ, อา มู๊แหม่รีแจ่ แพ๊.

ꤜꤢꤨꤊꤢ꤬ 11:49

เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤛꤥ꤭ꤟꤢ꤬ 13:34

“ฮู๊เนอเร๊อ กู๊แหน่เออ แว เก่ เฮ๊แก ซีโหง่ อาเซ ตือมือ. โม เกอเร๊อ แลแค ลู เตเพร เร๊อ เตเพร นี๋. ฮู๊ แว โม เกอเร๊อ ซีเนอ, ซี เบ่ โม เกอเร๊อ ลู เตเพร เร๊อ เตเพร.

เอเฟซัส 3:4

ช๋า ซี แด๊ แวลีเออ ปา เบ๊อะเนอ, ซี เก่ ซิเงแฮ เร๊อ แว ซิเงโปลเบ๊ เตจ่อแย เร๊อ เตจ่อแย เออเนอหมา หม่าเฮ๊อ ครี๊ อาหรี่อาแก เออเนอ เฮ๊อ.

โครินธ์ เนอบ่า ต๊าบ่า 6:10

เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.

ทิโมธี อาเหร่อเล๊อ ต๊าบ่า 3:6

แซ่ฮู๊ อา เก่ แด่แถ่โล แต่ อาซิปล่อ แต่เหม่, โทเรอ แซ่ฮู๊ จอแปแหร่ เก่ เมจากาคยา แต่ อา แซ่เน๊อ อา เมจากาคยา โลเน๊มู๊แหม่รีแจ่ กู่กล๊อ เนอแต่เหม่ เนอเรอ, อา เบ่ ทวาหนิ แกแย เด๊อ อา หยื่อเอ่เซ ตื่อป่าแพ๊ เนอโต่.

มัทธิว 13:51

แบ่เจ่ เหย่ซู่ แด๊เฮอ อา โคเจ่ เน๊อ, “ล๋อ เออเต๊เห่ หม่า ซี ซิเง แอ?” เหย่ซี เฮ๊ฉื่อ เน๊อ, “อ่อ, เป ซิเง ว๊า.”

มัทธิว 13:53

เบ๊อะแบ่เจ่ เหย่ซู่ แด๊โฉ่ เป่ โทลอเฮ๊อ เหย่ซี เร๊อ โหง่ค๊าโข่ อา เถ่จว๊าแก เบ๊อะเนอ.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.