มัทธิว 13:44 - ลีเทส่อพ๊าอาเซ เร๊อ เห่ขุทวาลู๊

⁴⁴ “ม๊อขุ อา เทอเลเก่กู หม่า อาแซ่เน๊อ อู จว๊าแด่ โอ๊ เตงูดุงูชอ เด๊อ เพร๊ เต๊เหล่ อาเลเนอ เฮ๊อ, เบ๊อะแกแย เตเพร จว๊าแม๊เถอะ อาเตเออ เบ๊อะเนอ, อา ปลือบี๊ กาคยา ลู เร๊อ อา โมแหน่เจ๊อลู เร๊อ อา กา เด๊อ อาหี่. อา อิเชแก ลอ อา ตาหมื่อตาเต ล๋อปลี เร๊อ อา พย๊ารือ จว๊าพรี เพร๊เนอ เต๊เหล่.

Eastern Kayah Shadaw Dialect

⁴⁴ “ꤗꤢꤪꤋꤢꤨ꤬ ꤢ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤗꤢ꤬ ꤢ꤬ꤞꤢꤧꤔꤢꤧ ꤢꤨ꤭ ꤡꤝꤢꤘꤢꤧ꤬ ꤥ꤬ꤥ ꤒꤢꤩ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤘꤣ ꤜ꤫ꤢꤧ꤬ ꤒꤣ꤬ꤜ꤫ꤢꤩ꤬ ꤢ꤬ꤜꤢꤩ꤭ꤔꤣꤧ꤬ ꤟꤣꤧ꤯ ꤙꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤡꤝꤢꤗꤢꤧꤓ꤫ꤣꤧ꤬ ꤒꤢꤩ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤕꤜꤢꤦ꤭ꤙꤤ ꤊꤢ꤬ꤋꤛꤢ꤭ ꤜꤢꤨ꤭ ꤚꤣꤧ꤬ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤚꤣꤧ꤬ ꤢ꤬ ꤊꤢ꤬ ꤘꤣ ꤢ꤬ꤟꤤ꤬꤯ ꤚꤣꤧ꤬ ꤢ꤬ ꤤ꤬ꤏꤢꤩ꤭ꤊꤢꤧ꤭ ꤜꤢꤪ꤭ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤤ꤬ꤖꤚꤤ꤬ ꤔꤢꤧ ꤜ꤫ꤢꤧ꤬ꤔꤣꤧ꤬ ꤒꤣ꤬ꤜ꤫ꤢꤩ꤬꤯

มัทธิว 13:44 ပူးပေါင်းရင်းမြစ်များ

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

ꤜꤢꤨꤊꤢ꤬ 14:33

ฮู๊เนอ อาขว่าอาคยา, ล๋อ เต เด๊อ อา โอ่ เร๊อ ซี ล๋อ ปลี เต๊เห่เนอ, ซี เก่ แด่แก โต่ เก่เฮ๊เรอ, ซี ทวาแถ่ แจ่ แว โคเจ่ เตเพร่ว โต่.

มัทธิว 6:21

เมเตเฮ๊เรอ, ซี เตดุแหย่แถ่เซ โอ่เบ๊อะโต๊โผ่เนอ, ซี ซิปล่อ โอ่เต่อเกอ เบ๊อะเนอ.”

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

เตเด๊อะโลแถ่ 3:18

เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.

มัทธิว 19:27

เร๊อ คูเปโตร เฮ๊ฉื่อ อา เน๊อ, “แม๊มอ, เป แด่แก ลอ เจ๊อเฮ๊อ เตปว๋า เต๊อเจ่อ เร๊อ เป ครวาเกอเฮ๊อ เนคยาเฮ๊อ ฮู๊เนอเรอ เป เตเร พย๊าหนิ เกอ อาคว๊าอาเก่ อิเตเต ปา?”

มัทธิว 19:21

เร๊อ แบ่เจ่ เหย่ซู่ เฮ๊ ลู เน๊อ, “เก่ เน ซิหยื่อ ทวาแถ่ แกแย เด๊อ อา เล๊อบา เตเพร เก่เฮ๊เรอ กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เต๊เห่เนอ. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กา เม โท ฮู๊ เนอเรอ, แฮ ครวาเกอ แวคยา.”

ꤚꤥꤗꤢꤩ꤬ 15:4

เมเตเฮ๊เรอ, ลีเทส่อพ๊า เด๊อ อู ราโอ่ อา มู๋ หนู่เค เต๊เห่เนอ, อา รา หนื่ออื่อ เด๊อ อา เก่ อิซว๊าอี๊แส่ เป อาเงเฮ๊อ. แซ่ฮู๊ เป เก่ โอ่ เร๊อ เตแม๊ชือ เนอ, ลีเทส่อพ๊า เด๊อะ เฮ๊อ เป แด่ทูซิปล่อ เร๊อ เตเหร่เตแบ เต๊เห่ เฮ๊อ.

มัทธิว 13:24

เหย่ซู่ แด๊โฉ่ เป่ โป่ เหย่ซี โหง่ค๊าโข่ เด๊อ อาโร โต๊โต่ เร๊อ อา เฮ๊ เน๊อ, “ม๊อขุ เทอเลเก่กู เนอ อาแซ่เน๊อ เพรเมกู่เกล เตเพร แฮเว๊อตาแก โบ๊กู่ลากลุย เด๊อ อาโชแร๊ เต๊เห่ เด๊อ กู่เกลขุ.

ꤟꤤꤙꤚꤢꤨ 10:34

ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.

ꤛꤥ꤭ꤟꤢ꤬ 6:35

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

มัทธิว 13:46

เบ๊อะอา แม๊เถอะ หล่อ เด๊อ อา งูดุงูชอ หม่าแหน่ เจ๊อ เตเม เบ๊อะเนอ, อา กา อิเชแก อา ตาหมื่อตาเต ล๋อ ปลี เร๊อ จว๊าพรี เร๊อ หล่อ เนอเตเม.

มัทธิว 13:47

“โป่โตโพ๊ปา, ม๊อขุ เทอเลเก่กู เนอ อาแซ่เน๊อ ตีวี เด๊อเพรเมเอ่เต๊ว วี ตา ตีวี เด๊อ เทออ่อกู เร๊อ เต๊ว ปว๊าเมวปว๊าเจ่อ แฮหนิ เนอ เฮ๊อ.