มัทธิว 13:41 - ลีเทส่อพ๊าอาเซ เร๊อ เห่ขุทวาลู๊

⁴¹ ล๋อ เต เด๊อ อา ซูซื๊อ อูแกล๊ เต๊เห่เนอ, เร๊อ ล๋อ แกแย เด๊อ ปว๊า โพ๊โพ๊ อา เม เตมู๊แหม่รีแจ่ เต๊เห่เนอ, แกแย อาพู๊คู หม่า เฮ๊อ แว เออ, แว เก่ นอกา เตเน่ว ตอกล๊อ ปา เร๊อ อา เก่ แฮ เย๊เถ่ ตาพาแก เหย่ซี เด๊อ จอแปแหร่ อา เทอเลเก่กู เออเนอ ปา.

Eastern Kayah Shadaw Dialect

⁴¹ ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤞꤢꤨ꤭ ꤞꤢꤦꤢꤨ꤭ꤊꤜꤢꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤕꤝꤢ꤭꤮ ꤖꤥꤖꤥ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭, ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤓꤢꤪꤓꤢꤩ꤬ ꤒꤣꤧ꤬ꤖꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯

มัทธิว 13:41 ပူးပေါင်းရင်းမြစ်များ

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

มัทธิว 18:7

“เตอิลออี๊โหล่ นอเมซื๊อ อู เนอ เต๊เห่เนอ อา โอ่แถ่ อาขว่าอาคยา, จอแปแหร่เก่ เมจากาคยา แกแยเห่ขุพู๊เต๊เห่ ปา. เตเออเต๊เห่เนอ, อา เบ่ แฮทวาแถ่ หม่าแหน่ ปา. หม่าแน๊เรอ จอแปแหร่ เก๊เมจากาคยา แกแย เด๊อ อา เมทวาแถ่ เต เออเต๊เห่เนอ ปา.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ꤚꤥꤗꤢꤩ꤬ 2:16

เบ๊อะจอแปแหร่ เด๊อะตา อา เตโพรเตเตอเรอ ฉว่าชอ เด๊อ เหย่ซู่ครี๊ เก่ เมจากาคยา อู ล๋อ ปลี ปา เตอเนอเนอ, อา เก่ แซ่ เกอดื่อ ฮู๊เนอ ปา. เบ๊อะเนออาเคปา, ล๋อ แกแย อา เหล่เตเน ด๊อโอ๊ด๊อบี๊ เต๊เห่เนอ, จอแปแหร่ เก่ เมจากาคยา ลอ เหย่ซี อาเตด๊อโอ๊ด๊อบี๊ เนอเต๊เห่ ปา. เออ หม่า เตซิครือมีลา เด๊อ แว โด่แน เป่ อู เออเนอเฮ๊อ.

มัทธิว 13:49

ช๋า ม๊อเนอ ตื๊อดื่อ ปา เตอเนอเนอ, อาแซ่เน๊อ เนอเฮ๊อ, เตเน่ว เนอเต๊เห่ เก่ แฮ ปา เร๊อ อา เก่ แฮ โถ่ เถ่แก แกแยมู๊แหม่ เนอเต๊เห่ เด๊อ แกแยจ๊อแกแยเต เต๊เห่ อาเกล ปา.

ꤗꤢ꤬ꤊꤢꤨ 13:27

โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

มัทธิว 8:20

แบ่เจ่ เหย่ซู่ เฮ๊ ลู เน๊อ, “ถุ่ยมี เต๊เห่ โอ่ เร๊อ อากู, ถูเต๊เห่ โอ่ เร๊อ อาปุย, ตื๊อดื่อเรอ แกแยเห่ขุพู๊ อาพู๊คู เออ, เบ๊อะอากู่กล๊อ เหล่แด่ตา แพ๊เน๋อ อา โอ่โต่.”

มัทธิว 3:12

อา ปื่อโอ่เฮ๊อ ด่อกอ เด๊อ อา กู๊ยากู, เร๊อ อา ตี๊หรี่แตแร หนื่ออื่อเฮ๊อ เด๊อ อา เก่ อิเคร๊เช๊ โบ๊ ปา. อา อิเคร๊เช๊ โทเฮ๊อ ปา เร๊อ อา เก่ แด่โอ่ปล๊อ โบ๊เช๊ เด๊อ แจกู ปา. เร๊อ อาสู่อาพี เต๊เห่เนอ อา เก่ ชื๊อแก เร๊อ หมิ เด๊อ อา ปีเป่ โตโพ๋ โต่ เนอเต๊เผ่ อากู ปา.”