มัทธิว 13:36 - ลีเทส่อพ๊าอาเซ เร๊อ เห่ขุทวาลู๊

³⁶ เร๊อ อา เถ่จว๊าแก เด๊อ แกแย โอ่โหร่โอ่เอ๊ อาเกล เร๊อ อา จว๊าโน เด๊อ หี่กู, เร๊อ อา โคเจ่ เต๊เห่ แฮ เฮ๊ ลู เน๊อ, “เฮ๊โปล เป่ เป เร๊อ เน แด๊โฉ่ ค๊าโข่ โร๊ยเหมาะ โอ่ เด๊อ กู่เกลขุ เนอเต๊เห่ อาโหง่แลช๊า เนอแต๋.”

Eastern Kayah Shadaw Dialect

³⁶ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤊꤣꤧ꤬ꤛꤢꤧ꤭ ꤥ꤬ꤚ꤫ꤥ꤬ꤥ꤬ꤢꤩ ꤢ꤬ꤊꤜꤢꤩ꤭ ꤚꤣꤧ꤬ ꤢ꤬ ꤡꤝꤢꤔꤥ꤭ ꤘꤣ ꤟꤤ꤬ꤊꤢꤨ꤭, ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤧ꤭ ꤟꤢꤩ ꤜꤢꤨ꤭ ꤔꤢꤧ, “ꤟꤢꤩꤕꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤔꤢꤧ꤬ ꤘꤢꤧ ꤋꤢꤋꤥ꤬ ꤚꤝꤢꤩꤗ꤫ꤢꤪ꤬ ꤥ꤬ ꤘꤣ ꤊꤢꤨꤊꤜꤢꤩ꤭ꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤔꤣꤧ꤬ꤒ꤫ꤢꤧ꤬꤯”

มัทธิว 13:36 ပူးပေါင်းရင်းမြစ်များ

ꤗꤢ꤬ꤊꤢꤨ 8:9

แกแย อาเอ่อาโอ เออเนอเต๊เห่ อา พื๋อ โอ่ เจ๊อ แกแย เพร ลุยรี๊.

ꤗꤢ꤬ꤊꤢꤨ 7:17

เหย่ซู่ เถ่จว๊า ตาพาแก เด๊อ แกแย โอ่โหร่เกล เร๊อ เบ๊อะอา จว๊าโน เด๊อ หี่ด๊อกู เบ๊อะเนอ, อา โคเจ่ เต๊เห่ แด๊เฮอ ลู โหง่ค๊าโข่ อาโหง่แลช๊า เต๊เห่.

ꤗꤢ꤬ꤊꤢꤨ 6:45

เหย่ซู่โคเจ่ โถ่ปล๊อ โทโท เน๊อ เหย่ซู่ นอจว๊าโน แถ่แด๊ ลอ อา โคเจ่ เต๊เห่ เด๊อ ส่อเกลอ. เร๊อ อา นอเถ่จว๊า เหร่อแก เหย่ซี เด๊อ วีเบธไซดา เด๊อ อา โอ่ เด๊อ เทออ่อเบ๊เร เนอตีวี. เร๊อ เบ๊อะอา โคเจ่ แถ่แด๊ ส่อเกลอ เบ๊อะเนอ, อา เร๊อ อา ปลวากาแก ลอปลี แกแย ตู๊หมู่ดุ.

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

มัทธิว 13:1

เบ๊อะเนอ เตอเนอเฮ๊อ, แบ่เจ่ เหย่ซู่ เถ่จว๊าแก เบ๊อะหี่เนอ เตเม อากู เร๊อ อา จว๊า โอ่แนโอ่ เด๊อ เทอดุซาวาทือ.

มัทธิว 9:28

เบ๊อะแบ่เจ่ จว๊าโน เด๊อ หี่ เตเมกู เบ๊อะเนอ, แกแย เออซิเนอ ครวาโน เกอ ลู เร๊อ แบ่เจ่ เหย่ซู่ แด๊เฮอ เหย่ซี เน๊อ, “แว เมลี แจ่ ซี เป๊เส่, หม่า ซี หยื่อเอ่ แอ?” เหย่ซี เฮ๊ฉื่อ เน๊อ, “อ่อ, เป หยื่อเอ่, แบ่เจ่”

มัทธิว 15:39

เบ๊อะแบ่เจ่ ปลวากาแก โทเฮ๊อ แกแย เบ๊หมู่ เบ๊อะเนอ, อา จว๊าโน เด๊อ ส่อเกลอกู เร๊อ อา เถ่จว๊า เด๊อ มากาดาน เก่.

มัทธิว 14:22

เหย่ซีโถ่โอ่ปล๊อ โทโท เร๊อ เหย่ซู่ นอจว๊าโน แถ่แด๊ ลอ อา โคเจ่ เต๊เห่ ส่อเกลอ เร๊อ อา นอเถ่จว๊า เหร่อแก เหย่ซี เด๊อ เทออ่อ เบ๊เร. เร๊อ เบ๊อะอา โคเจ่ แถ่แด๊ ส่อเกลอ เบ๊อะเนอ, อา เร๊อ อา ปลวากาแก ลอ แกแย เบ๊หมู่ เนอเต๊เห่.

ꤗꤢ꤬ꤊꤢꤨ 4:34

เบ๊อะอา อิซว๊า เร๊อ แกแย โอ่โหร่ เบ๊อะเนอ, อา เฮ๊ เบ่ เป่ เหย่ซี เร๊อ โหง่ค๊าโข่ ปว๋า โตโพ๊เจ๊อ. หม่าแน๊เรอ เบ๊อะอา โอ่ ตื๊อดื่อ เร๊อ อา โคเจ่ เต๊เห่ เบ๊อะเนอ, อา แด๊โฉ่โล ปวา เป่ ลอ เหย่ซี ล๋อ โหง่ค๊าโข่ อาโหง่แลช๊า เนอ เต๊เห่.

มัทธิว 13:18

“เมฮู๊เนอเรอ หนิดา แลแค เตโด่แน ค๊าโข่ เพรเว๊อตา เตกลุย อาโหง่แลช๊า อาหรี่อาแก เออ.

มัทธิว 13:25

อา เว๊อตา โทเรอ เบ๊อะเหย่ซี กา โอ่เมอหนิ ตาปา ลอ ปว๋าเตเพร เบ๊อะเนอ, เพร ซิค๊าซิเถ่ แฮ เว๊อตาเกอ โร๊ย กลุย เต๊เห่ เบ๊อะเหย่ซี โบ๊กูลา อาเกลเนอ, เร๊อ เถ่จว๊าแก.