มัทธิว 13:25 - ลีเทส่อพ๊าอาเซ เร๊อ เห่ขุทวาลู๊

²⁵ อา เว๊อตา โทเรอ เบ๊อะเหย่ซี กา โอ่เมอหนิ ตาปา ลอ ปว๋าเตเพร เบ๊อะเนอ, เพร ซิค๊าซิเถ่ แฮ เว๊อตาเกอ โร๊ย กลุย เต๊เห่ เบ๊อะเหย่ซี โบ๊กูลา อาเกลเนอ, เร๊อ เถ่จว๊าแก.

Eastern Kayah Shadaw Dialect

²⁵ ꤢ꤬ ꤠꤣꤒꤢ꤭ ꤓꤥ꤭ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤊꤢ꤬ ꤥ꤬ꤗꤣꤧ꤭ꤒꤣꤧ꤬ꤕꤢ꤬ ꤜꤢꤪ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ ꤞꤤꤋꤢꤞꤤꤓꤢꤩ꤬ ꤟꤢꤧ꤭ ꤠꤣꤒꤢ꤭ꤊꤣꤧ꤭ ꤢ꤬ꤚꤝꤢꤩꤊꤜꤝꤤ꤭ ꤒꤣꤧ꤬ꤟꤢꤩ꤬ ꤙꤣꤧ ꤛꤢꤩ꤬ꤞꤤ꤭ ꤙꤥꤊꤢꤨ꤬ꤜꤢ꤭ ꤢ꤬ꤊꤜꤢꤩ꤭ꤔꤣꤧ꤬, ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭꤯

มัทธิว 13:25 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เปโตร เนอบ่า ต๊าบ่า 2:1

เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.

มัทธิว 13:39

เพรซิค๊าซิเถ่ เด๊อ อา แฮ เว๊อตา โร๊ยกลุย เนอเต๊เห่ อาโหง่แลช๊า หม่า โลเน๊มู๊แหม่รีแจ่ เฮ๊อ. เก๊โบ๊ กู่ลาเค อาโหง่แลช๊า หม่า ช๋า ม๊อเนอ ตื๊อดื่อปา เนอ เฮ๊อ. เพรเก๊ โบ๊กู่ลา หม่า เตเน่ว เนอเต๊เห่ เฮ๊อ.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

ꤟꤤꤙꤚꤢꤨ 12:15

แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.

มัทธิว 25:5

กาฉู่แด่เพรคู แฮโต่เบ่ อาแป่เหย่แป่เช อาขว่าอาคยา, เหย่ ซี โอ่เมอคา เร๊อ อา โอ่เมอหนิ ลอ แลแค.

ꤊꤢ꤬ꤜꤢ꤬ꤒꤤ 2:4

หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

เตเด๊อะโลแถ่ 2:20

“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.

เตเด๊อะโลแถ่ 13:14

โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.

มัทธิว 13:24

เหย่ซู่ แด๊โฉ่ เป่ โป่ เหย่ซี โหง่ค๊าโข่ เด๊อ อาโร โต๊โต่ เร๊อ อา เฮ๊ เน๊อ, “ม๊อขุ เทอเลเก่กู เนอ อาแซ่เน๊อ เพรเมกู่เกล เตเพร แฮเว๊อตาแก โบ๊กู่ลากลุย เด๊อ อาโชแร๊ เต๊เห่ เด๊อ กู่เกลขุ.

มัทธิว 13:26

เบ๊อะโบ๊ะเหมาะ แด๊แถ่ เร๊อ อาแปล เถ่เฮ๊อ เบ๊อะเนอ, โร๊ย เหมาะ เต๊เห่ แด๊แถ่เต่อเกอ เบ๊อะเนอ.

มัทธิว 13:27

“เร๊อ อาหลู่ กาเฮ๊ อาแบ่เจ่ เน๊อ, ‘แบ่เจ่, เน แฮ เว๊อตา โบ๊กู่ลากลุย เด๊อ อาโชแร๊ เนอเต๊เห่ แพ๊ แวเฮ๊แต๋? เร๊อ โร๊ยเหมาะ เต๊เห่ จว๊าเพ๊แถ่ เต่อเกอ เมเต?’

มัทธิว 13:29

“หม่าแน๊เรอ อาแบ่เจ่ เฮ๊ฉื่อ ลู เน๊อ, ‘แฮเย๊เถ่แก แต่เหม่, อา โอ่ดื่อ, ปาหม่า ซี เย๊เถ่ซื๊อ จว๊าโต่ลอ โบ๊กูลา เหมาะเห่.

มัทธิว 13:30

นอดุแถ่ โหร่ดื่อ ลู เบ๊อะเนอ เฮ๊อ, เร๊อ ช๋าโต เก๊เฮ๊อ ปา เร๊อ แว นอ เก๊แก เหร่อ อู โร๊ยเหมาะ เนอเต๊เห่ ปา เร๊อ กยากลอแก อา เร๊อ ชื๊อแก อา เร๊อ หมิ ปา. โบ๊กู่ลา เนอ เก่เก๊เก่ปอ อา ปา เร๊อ แด่ปล๊อ อา เด๊อ แจกู ปา.’”