มัทธิว 13:23 - ลีเทส่อพ๊าอาเซ เร๊อ เห่ขุทวาลู๊

²³ เตกลุย เด๊อ อา ลูตา เด๊อ เห่หย่าเห่แร๊ขุ เต๊เห่ เนอหม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา ซิเงโปล เนอเต๊เห่ เฮ๊อ. แกแย เออเต๊เห่เนอ อาเส่ โอ่เอ๊แถ่ โต่ เจ๊อ เด๊อ อาโพ๊ เตเย, อาโพ๊ เชอโซซว๊า, อาโพ๊ โซเชอ.”

Eastern Kayah Shadaw Dialect

²³ ꤒꤢꤩ꤬ꤊꤜꤝꤤ꤭ ꤘꤣ ꤢ꤬ ꤜꤣꤧ꤬ꤒꤢ꤭ ꤘꤣ ꤟꤢꤩ꤬ꤛꤢ꤬ꤟꤢꤩ꤬ꤚꤢꤧꤋꤢꤨ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ꤕꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤩ꤬ ꤢꤩꤓꤢꤧ꤬ ꤒ꤫ꤥ꤬ ꤡꤣꤧ ꤘꤣ ꤢ꤬ꤖꤥ ꤒꤣ꤬ꤛꤢꤩ꤬, ꤢ꤬ꤖꤥ ꤏꤣꤧ꤭ꤞꤥ꤭ꤞꤝꤢ, ꤢ꤬ꤖꤥ ꤞꤥ꤭ꤏꤣꤧ꤭꤯”

มัทธิว 13:23 ပူးပေါင်းရင်းမြစ်များ

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

มัทธิว 12:33

“ส่อเหมาะ เด๊อ อาแร๊ เนอ, อา เก่ เส่เถ่ ส่อเส่ เด๊อ อาแร๊ปา, หม่าแน๊เรอ ส่อเหมาะ เด๊อ อา อาแร๊โต่, อาเส่เถ่ แร๊ โต่. เมเตเฮ๊เรอ เนแม๊ ส่อเหมาะ เนอ เนซิเง แจ่ดื่อ ส่อเหมาะ อาหรี่อาแก เฮ๊อ.

มัทธิว 13:8

หม่าแน๊เร๊อ เต๊เห่เห่เนอ อา ลูตาโต เด๊อ เห่หย่ารีแร๊ขุ เร๊อ อา แด๊แถ่ เร๊อ อาเส่อาโพเถ่ โอ่เอ๊แถ่ อาโพ๊ เตเย, อาโพ๊ เชอโซซว๊า, อาโพ๊ โซเชอ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

มัทธิว 3:8

ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

ꤜꤢꤨꤊꤢ꤬ 13:9

หน่าเบ่ ปา หม่า อา เกล๊ เส่แร๊ แหน่ ดื่อ ปา. อา เก่ เส่โต่ เฮ๊ ปา เรอ แว กวาแก ดื่อ อา ปา.’”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

ꤟꤤꤙꤚꤢꤨ 8:10

ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.

ꤟꤤꤙꤚꤢꤨ 4:2

เมเตเฮ๊เรอ เป หนิโฮน๊อ เกอ เฮ๊อ เตซิครือมีลา ฮู๊ เปเพอเปโพ เต๊เห่ หนิโฮน๊อ โทเฮ๊อ เนอเฮ๊อ. เมเตเฮ๊เนอ เหย่ซี หนิโฮน๊อ หม่าแน๊เรอ, อา ย๋อ พย๊าฉื่อ เกอ แลแค อู เตซิครือมีลา เออ เร๊อ เตหยื่อ โต่ อาขว่าอาคยา, อา ทวาบุ๊ยทวาเตอเรอ เด๊อ เหย่ซีเง โต่.

เธสะโลนิกา เนอบ่า ต๊าบ่า 2:10

แซ่ฮู๊ อา เก่ แลโฮแลแห่หนิ แกแย เด๊อ อา เตเร เซอ เด๊อ แหย่โย ตากยา เต๊เห่ อาเงเนอ, อา เก่ นอเอ่ เกอเร๊อ อา เตมู๊แหม่รีแจ่ เนอเต๊เห่ ปว๊า เต๊อเจ่อ ปา. เหย่ซี ซิครือซิลอ พย๊าฉื่อ เกออู เตหมะเตจ๊อ โต่ อาขว่าอาคยา, อา เก่ เซอ แลแค ปา. เหย่ซี เก่ พย๊าฉื่อ เฮ๊เรอ อา เก่ พย๊าหนิ แลแค เตแลเปล๊กา ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

โครินธ์ เนอบ่า ต๊าบ่า 9:10

เมเตเฮ๊เรอ เพร เด๊อ อา เด๊อะตา เป่ เพรแม๊หี่แม๊เพร๊ เต๊เห่ เตกลุยเตลุ๊ย เด๊อ อา เก่ อิช๊ออิปลือ อาเง เร๊อ เหล่เอ่เหล่โอ อาเง เต๊เห่ เนอหม่า จอแปแหร่ เฮ๊อ. ฮู๊เนอเฮ๊อ, จอแปแหร่ เก่ เด๊อ ซี ล๋อ เตกลุย เด๊อ ซี โหล่ เต๊เห่เนอ ปา. เตกลุย เออเนอหมา อา หม่าแหน่ เฮ๊อ ล๋อ ซี โหล่ เมแร๊ อู เนอเต๊เห่ เฮ๊อ. จอแปแหร่ เก่ นอ เส่เถ่อาโพเถ่ เอ๊แถ่ เร๊อ เอ๊แถ่ เกอโป่ดื่อ ซี เตเส่เตโพ ปา. ซี เตเส่เตโพ เออเนอหมา หม่าเฮ๊อ ล๋อ เตแร๊ เด๊อ อา แฮ เด๊อ ซี เตซิปล่อฉว่า เด๊อะอู เออเต๊เห่ อา โอ่ เนอ เฮ๊อ.

เพรโด่แนพู๊ เต๊เห่ 17:11

แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

เพรโด่แนพู๊ เต๊เห่ 16:14

เพรเหมาะ เด๊อ อา หนิดา เป เตเฮ๊เบ่ เออ อาเกล เตเพรเนอ, อามุย เร๊อ เหมาะลิเดีย, อา หม่า วีธิยาทิราพู๊ เตเพร เร๊อ อา อิเช อิเก เต๊เผ่ล๊อซอ งูดุ เต๊เห่. อา หม่า เพรเหมาะ เตเพร เด๊อ อา จ๊อบู่จ๊อเบ จอแปแหร่. เร๊อ แซ่ฮู๊ อา เก่ หยื่อเอ่เกอ คูเปาโล อา เตโด่แนเฮ๊เบ่ เป่ อู เออเต๊เห่ อาเงเนอเร๊อ, จอแปแหร่ บ๊าโม เป่ ลูซิปล่อ.

ꤛꤥ꤭ꤟꤢ꤬ 8:47

จอแปแหร่ อาพู๊อาเลอ เต๊เห่ เนอหม่า อา ซิครือซิลอ หนิดา จอแปแหร่ อาโหง่. หม่าแน๊เรอ ซี หม่า จอแปแหร่ พู๊เหมาะพู๊คู เต๊เห่ หม่าโต่ อาขว่าอาคยา, ซี หนิดา ลูโหง่ โต่.”

ꤜꤢꤨꤊꤢ꤬ 8:15

เตกลุย ลูตาโต เด๊อ เห่หย่ารีหย่าแร๊ อาโหง่แลช๊า หม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา หยื่อเอ่ จ๊อจื้อ เร๊อ อา โตเร๊อ พย๊าหม่า เด๊อ อา ซิปล่อกู, โท๊โต่ อา หนิดา แร๊ จอแปแหร่ โหง่ เร๊อ อา ข่าแด่ทูซิปล่อ โต่ เจ๊อ เด๊อ อาเส่เถ่โพเถ่เจ๊อ.

ꤗꤢ꤬ꤊꤢꤨ 10:15

แว เฮ๊จ๊อจ๊อ ซี, ซี เก่ นอเป๊อเร๊อ ซีเหน่ เร๊อ จอแปแหร่ ฮู๊ พู๊เจ่ฮู๊เต๊เห่ นอเป๊อหนิเกอ เร๊อ อาเหน่ เนอโต่ เฮ๊เนอ, ซี โน หนิ แจ่ เด๊อ จอแปแหร่ เทอ อาเก่กู แตแค๋ โต่.”

ꤗꤢ꤬ꤊꤢꤨ 4:20

แกแย เต๊เห่เห่เนอ อาแซ่เน๊อ เตกลุย ตาโต เด๊อ เห่หย่ารีหย่าแร๊ขุ เนอเต๊เห่เฮ๊อ. เหย่ซี หนิโฮ จอแปแหร่ อาลาอาโหง่ เร๊อ อา หยื่อเอ่ เร๊อ อาเส่เถ่เบ๊ โอเอ๊ เล๊อลอ เจ๊อ ปุ๊ย โซเชอ เต๊เห่ ปุ๊ย เชอโซซว๊า เต๊เห่, ปุ๊ย เตเย เต๊เห่ ฮู๊เนอ เจ๊อ.”

มัทธิว 3:10

กวา เต๊เบ่ โอ่เฮ๊อ เด๊อ ส่อแก่ช๊าเฮ๊อ เร๊อ อู เก่ กวาเก่ แลคื๊อเฮ๊อ ส่อเหมาะ เต๊เห่ ปา, เร๊อ อู เก่ โด่ตือโต่ เจ๊อ เด๊อ อาหรุ่ยอาถว่า ปา ส่อเหมาะ ต๊อเหมาะเหมาะ เด๊อ อาเส่อาโพ ตว่าแร๊ โต่ เนอ, อู เก่ กวาเก่ แลคื๊อแก อา ปา เร๊อ อู เก่ วีโนแก อา เด๊อ หมิกู ปา.

ꤟꤤꤙꤚꤢꤨ 6:7

เพรหยื่อเอ่ เออ เด๊อ อาแซ่เน๊อ เห่ขุ เด๊อ อา จุ๊ยโอ โตโมโม เก่จือเทอ เร๊อ อา นอเส่แถ่ตว่า เส่แถ่แร๊ เป่ เพรเมเอ่เพร๊ เมเอ่แหล่พู๊ อาเง เต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ เหย่ซี ปา.

ꤜꤢꤨꤊꤢ꤬ 8:8

เร๊อ เตกลุย เต๊เห่เห่เนอ อา ลูตาโต เด๊อ เห่หย่ารีหย่าแร๊ เร๊อ อา แด๊แถ่ดุแถ่ เร๊อ อาเส่เถ่ เอ๊เล๊อ เจ๊อ อาปุ๊ย เตเย.” โทเร๊อ เหย่ซู่ เอ๊โท เร๊อ อา เฮ๊ เน๊อ, “ฮู๊เนอเรอ, แกแย เด๊อ อาโอ่ เร๊อ อากู๊หลิโกะ เต๊เห่เนอ, นอ หนิดา แลแค เหย่ซี.”